헬라어 텍스트

Plutarch, Caesar, chapter 42

(플루타르코스, Caesar, chapter 42)

ὡσ δὲ εἰσ τὴν Φαρσαλίαν ἐμβαλόντεσ ἀμφότεροι κατεστρατοπέδευσαν, ὁ μὲν Πομπήϊοσ αὖθισ εἰσ τὸν ἀρχαῖον ἀνεκρούετο λογισμὸν τὴν γνώμην, ἔτι καὶ φασμάτων οὐκ αἰσίων προσγενομένων καὶ καθ’ ὕπνον ὄψεωσ, ἐδόκει γὰρ ἑαυτὸν ὁρᾶν ἐν τῷ θεάτρῳ κροτούμενον ὑπὸ Ῥωμαίων, . . . οἱ δὲ περὶ αὐτὸν οὕτω θρασεῖσ ἦσαν καὶ τὸ νίκημα ταῖσ ἐλπίσι προειληφότεσ ὥστε φιλονεικεῖν ὑπὲρ τῆσ Καίσαροσ ἀρχιερωσύνησ Δομίτιον καὶ Σπινθῆρα καὶ Σκηπίωνα διαμιλλωμένουσ ἀλλήλοισ, πέμπειν δὲ πολλοὺσ εἰσ Ῥώμην μισθουμένουσ καὶ προκαταλαμβάνοντασ οἰκίασ ὑπατεύουσι καὶ στρατηγοῦσιν ἐπιτηδείουσ, ὡσ εὐθὺσ ἄρξοντεσ μετὰ τὸν πόλεμον. μάλιστα δὲ ἐσφάδαζον οἱ ἱππεῖσ ἐπὶ τὴν μάχην ἠσκημένοι περιττῶσ ὅπλων λαμπρότησι καὶ τροφαῖσ ἵππων καὶ κάλλει σωμάτων, μέγα φρονοῦντεσ καὶ διὰ τὸ πλῆθοσ, ἑπτακισχίλιοι πρὸσ χιλίουσ τοὺσ Καίσαροσ ὄντεσ.

ἦν δὲ καὶ τὸ τῶν πεζῶν πλῆθοσ οὐκ ἀγχώμαλον, ἀλλὰ τετρακισμύριοι καὶ πεντακισχίλιοι παρετάττοντο δισμυρίοισ καὶ δισχιλίοισ.