헬라어 문장 검색 - Πλυταρ́Ξαεσαρ́08́

(플루타르코스, Caesar, chapter 8)

οὕτω δὲ τῆσ γνώμησ φιλανθρώπου φανείσησ καὶ τοῦ λόγου δυνατῶσ ἐπ’ αὐτῇ ῥηθέντοσ οὕ μόνον οἱ μετὰ τοῦτον ἀνιστάμενοι προσετίθεντο, πολλοὶ δὲ καὶ τῶν πρὸ αὐτοῦ τὰσ εἰρημένασ γνώμασ ἀπειπάμενοι πρὸσ τὴν ἐκείνου μετέστησαν, ἑώσ ἐπὶ Κάτωνα τὸ πρᾶγμα καὶ Κάτλον περιῆλθε, τούτων δὲ νεανικῶσ ἐναντιωθέντων, Κάτωνοσ δὲ καὶ τὴν ὑπόνοιαν ἅμα τῷ λόγῳ συνεπερείσαντοσ αὐτῷ καὶ συγκατεξαναστάντοσ ἐρρωμένωσ, οἱ μὲν ἄνδρεσ ἀποθανούμενοι παρεδόθησαν, Καίσαρι δὲ τῆσ βουλῆσ ἐξιόντι πολλοὶ τῶν Κικέρωνα φρουρούντων τότε νέων γυμνὰ τὰ ξίφη συνδραμόντεσ ἐπέσχον. ἀλλὰ Κουρίων τε λέγεται τῇ τηβέννῳ περιβαλὼν ὑπεξαγαγεῖν, αὐτόσ τε ὁ Κικέρων, ὡσ οἱ νεανίσκοι προσέβλεψαν, ἀνανεῦσαι, φοβηθεὶσ τὸν δῆμον, ἢ τὸν φόνον ὅλωσ ἄδικον καὶ παράνομον ἡγούμενοσ.

τοῦτο μὲν οὖν οὐκ οἶ δα ὅπωσ ὁ Κικέρων, εἴπερ ἦν ἀληθέσ, ἐν τῷ περὶ τῆσ ὑπατείασ οὐκ ἔγραψεν αἰτίαν δὲ εἶχεν ὕστερον ὡσ ἄριστα τῷ καιρῷ τότε παρασχόντι κατὰ τοῦ Καίσαροσ μὴ χρησάμενοσ, ἀλλ’ ἀποδειλιάσασ τὸν δῆμον ὑπερφυῶσ περιεχόμενον τοῦ Καίσαροσ, ὅσ γε καὶ μετ’ ὀλίγασ ἡμέρασ εἰσ τὴν βουλὴν εἰσελθόντοσ αὐτοῦ καὶ περὶ ὧν ἐν ὑποψίαισ ἦν ἀπολογουμένου καὶ περιπίπτοντοσ θορύβοισ πονηροῖσ, ἐπειδὴ πλείων τοῦ συνήθουσ ἐγίγνετο τῇ βουλῇ καθεζομένῃ χρόνοσ, ἐπῆλθε μετὰ κραυγῆσ καὶ περιέστη τὴν σύγκλητον, ἀπαιτῶν τὸν ἄνδρα καὶ κελεύων ἀφεῖναι.

διὸ καὶ Κάτων φοβηθεὶσ μάλιστα τὸν ἐκ τῶν ἀπόρων νεωτερισμόν, οἳ τοῦ παντὸσ ὑπέκκαυμα πλήθουσ ἦσαν ἐν τῷ Καίσαρι τὰσ ἐλπίδασ ἔχοντεσ, ἔπεισε τὴν σύγκλητον ἀπονεῖμαι σιτηρέσιον αὐτοῖσ ἔμμηνον, ἐξ οὗ δαπάνησ μὲν ἑπτακόσιαι πεντήκοντα μυριάδεσ ἐνιαύσιοι προσεγίνοντο τοῖσ ἄλλοισ ἀναλώμασι, τὸν μέντοι μέγαν ἐν τῷ παρόντι φόβον ἔσβεσε περιφανῶσ τὸ πολίτευμα τοῦτο, καὶ τὸ πλεῖστον ἀπέρρηξε τῆσ Καίσαροσ δυνάμεωσ καὶ διεσκέδασεν ἐν καιρῷ, στρατηγεῖν μέλλοντοσ καὶ φοβερωτέρου διὰ τὴν ἀρχὴν ὄντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caesar, chapter 8

(플루타르코스, Caesar, chapter 8)

상위

목록

SEARCH

MENU NAVIGATION