헬라어 문장 검색 - Πλυταρ́Ξαεσαρ́28́

(플루타르코스, Caesar, chapter 28)

Καίσαρι δὲ πάλαι μὲν ἐδέδοκτο καταλύειν Πομπήϊον, ὥσπερ ἀμέλει κἀκείνῳ τοῦτον Κράσσου γὰρ ἐν Πάρθοισ ἀπολωλότοσ, ὃσ ἦν ἔφεδροσ ἀμφοῖν, ἀπελείπετο τῷ μὲν ὑπὲρ τοῦ γενέσθαι μεγίστῳ τὸν ὄντα καταλύειν, τῷ δέ, ἵνα μὴ πάθῃ τοῦτο, προαναιρεῖν ὃν ἐδεδοίκει. ηὔξησε δὲ τὴν δόξαν, ἀπὸ τῶν ἔργων εἰσ ἀντίπαλον ἀρθεὶσ τοῖσ Πομπηϊού κατορθώμασι, λαμβάνων προφάσεισ τὰσ μὲν αὐτοῦ Πομπηϊού, τὰσ δὲ τῶν καιρῶν ἐνδιδόντων καὶ τῆσ ἐν Ῥώμῃ κακοπολιτείασ, δι’ ἣν οἱ μὲν ἀρχὰσ μετιόντεσ ἐν μέσῳ θέμενοι τραπέζασ ἐδέκαζον ἀναισχύντωσ τὰ πλήθη, κατῄει δὲ ὁ δῆμοσ ἔμμισθοσ, οὐ ψήφοισ ὑπὲρ τοῦ δεδωκότοσ, ἀλλὰ τόξοισ καὶ ξίφεσι καὶ σφενδόναισ ἁμιλλώμενοσ.

αἵματι δὲ καὶ νεκροῖσ πολλάκισ αἰσχύναντεσ τὸ βῆμα διεκρίθησαν, ἀναρχίᾳ τὴν πόλιν ὥσπερ ἀκυβέρνητον ναῦν ὑποφερομένην ἀπολιπόντεσ, ὥστε τοὺσ νοῦν ἔχοντασ ἀγαπᾶν εἰ πρὸσ μηδὲν αὐτοῖσ χεῖρον, ἀλλὰ μοναρχίαν ἐκ τοιαύτησ παραφροσύνησ καὶ τοσούτου κλύδωνοσ ἐκπεσεῖται τὰ πράγματα, πολλοὶ δὲ ἦσαν οἱ καὶ λέγειν ἐν μέσῳ τολμῶντεσ ἤδη πλὴν ὑπὸ μοναρχίασ ἀνήκεστον εἶναι τὴν πολιτείαν, καὶ τὸ φάρμακον τοῦτο χρῆναι τοῦ πρᾳοτάτου τῶν ἰατρῶν ἀνασχέσθαι προσφέροντοσ, ὑποδηλοῦντεσ τὸν Πομπήϊον.

ἐπεὶ δὲ κἀκεῖνοσ λόγῳ παραιτεῖσθαι καλλωπιζόμενοσ ἔργῳ παντὸσ μᾶλλον ἐπέραινεν ἐξ ὧν ἀναδειχθήσοιτο δικτάτωρ, συμφρονήσαντεσ οἱ περὶ Κάτωνα πείθουσι τὴν γερουσίαν ὕπατον αὐτὸν ἀποδεῖξαι μόνον, ὡσ μὴ βιάσαιτο δικτάτωρ γενέσθαι, νομιμωτέρᾳ μοναρχίᾳ παρηγορηθείσ, οἱ δὲ καὶ χρόνον ἐπεψηφίσαντο τῶν ἐπαρχιῶν·

δύο δὲ εἶχεν, Ἰβηρίαν καὶ Λιβύην σύμπασαν, ἃσ διῴκει πρεσβευτὰσ ἀποστέλλων καὶ στρατεύματα τρέφων, οἷσ ἐλάμβανεν ἐκ τοῦ δημοσίου ταμιείου χίλια τάλαντα καθ’ ἕκαστον ἐνιαυτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caesar, chapter 28

(플루타르코스, Caesar, chapter 28)

상위

목록

SEARCH

MENU NAVIGATION