Plutarch, Fabius Maximus, chapter 27 2:

Ἐπαμεινώνδαν μὲν οὖν Θηβαῖοι δημοσίᾳ διὰ πενίαν, ἣν ἀπέλιπεν ὁ ἀνὴρ, ἔθαψαν οὐδὲν γὰρ οἴκοι τελευτήσαντοσ εὑρεθῆναι πλὴν ὀβελίσκον σιδηροῦν λέγουσι· Φάβιον δὲ Ῥωμαῖοι δημοσίᾳ μὲν οὐκ ἐκήδευσαν, ἰδίᾳ ὁ ἑκάστου τὸ σμικρότατον αὐτῷ τῶν νομισμάτων ἐπενεγκόντοσ, οὐχ ὡσ δι’ ἔνδειαν προσαρκούντων, ἀλλ’ ὡσ πατέρα τοῦ δήμου θάπτοντοσ, ἔσχε τιμὴν καὶ δόξαν ὁ θάνατοσ αὐτοῦ τῷ βίῳ πρέπουσαν.