헬라어 문장 검색 - ΑτηενάΤηεΔειπ

(아테나이오스, The Deipnosophists, Book 9, book 9, chapter 68 1:)

"τί τοιοῦτον ἐξεῦρεν ὁ παρὰ Ἀναξίππῳ τῷ κωμικῷ μάγειροσ, ὃσ ἐν τῷ Ἐγκαλυπτομένῳ τοιάδε ὠγκώσατο; "Σόφων Ἀκαρνὰν καὶ Ῥόδιοσ Δαμόξενοσ ἐγένονθ’ ἑαυτῶν συμμαθηταὶ τῆσ τέχνησ· "ἐδίδασκε δ’ αὐτοὺσ Σικελιώτησ Λάβδακοσ. "οὗτοι τὰ μὲν παλαιὰ καὶ θρυλούμενα ἀρτύματ’ ἐξήλειψαν ἐκ τῶν βιβλίων καὶ τὴν θυίαν ἠφάνισαν ἐκ τοῦ μέσου, οἱο͂ν λέγω κύμινον, ὄξοσ, σίλφιον, τυρόν, κορίαννον, οἷσ ὁ Κρόνοσ ἀρτύμασιν ἐχρῆτο, ὁ πάντ’ ἀφεῖλον εἶναὶ θ’ ὑπέλαβον τὸν τοῖσ τοιούτοισ παντοπώλην χρώμενον. "αὐτοὶ δ’ ἔλαιον καὶ λοπάδα καινήν, πάτερ, πῦρ τ’ ὀξὺ καὶ μὴ πολλάκισ φυσώμενον ἐπόθουν· ", ἀπὸ τούτου πᾶν τὸ δεῖπνον εὐτρεπὲσ οὗτοί τε πρῶτοι δάκρυα καὶ πταρμὸν πολὺν ἀπὸ τῆσ τραπέζησ καὶ σίαλον ἀπήγαγον, τῶν τ’ ἐσθιόντων ἀνεκάθηραν τοὺσ πόρουσ ὁ μὲν οὖν Ῥόδιοσ πιών τιν’ ἅλμην ἀπέθανεν παρὰ τὴν φύσιν γὰρ τὸ ποτὸν ἦν. β. μάλ’ εἰκότωσ. "α. ὁ Σόφων δὲ πᾶσαν τὴν Ιὠνίαν ἔχει, ἐμὸσ γενόμενοσ, ὦ πάτερ, διδάσκαλοσ. "καὐτὸσ φιλοσοφῶ καταλιπεῖν συγγράμματα σπεύδων ἐμαυτοῦ καινὰ τῆσ τέχνησ. "β. παπαῖ· "ἐμὲ κατακόψεισ, οὐχ ὃ θύειν μέλλομεν, Α. τὸν ὄρθρον ἐν ταῖσ χερσί μ’ ὄψει βιβλία ἔχοντα καὶ ζητοῦντα τὰ κατὰ τὴν τέχνην, οὐδὲν Διοδώρου διαφέρω τἀσπενδίου. "γεύσω δ’, ἐὰν βούλῃ, σὲ τῶν εὑρημένων οὐ ταὐτὰ προσάγω πᾶσιν ἀεὶ βρώματα· "τεταγμέν’ εὐθὺσ ἐστί μοι πρὸσ τὸν βίον ἕτερ’ ἐστὶ τοῖσ ἐρῶσι καὶ τοῖσ φιλοσόφοισ καὶ τοῖσ τελώναισ. "μειράκιον ἐρωμένην ἔχον πατρῴαν οὐσίαν κατεσθίει· "τούτῳ παρέθηκα σηπίασ καὶ τευθίδασ καὶ τῶν πετραίων ἰχθύων τῶν ποικίλων ἐμβαμματίοισ γλαφυροῖσι κεχορηγημένα · "ὁ γὰρ τοιοῦτόσ ἐστιν οὐ δειπνητικόσ, πρὸσ τῷ φιλεῖν δὲ τὴν διάνοιὰν ἐστ’ ἔχων. "τῷ φιλοσόφῳ παρέθηκα κωλῆν ἢ πόδασ ἀδηφάγον τὸ ζῷον εἰσ ὑπερβολὴν ἐστιν. "τελώνῃ γλαῦκον, ἔγχελυν, σπάρον. "ὅταν ἐγγύσ ᾖ τῳ δ’ ἡ σορόσ, ἀρτύω φακῆν καὶ τὸ περίδειπνον τοῦ βίου λαμπρόν ποιῶ. τά τῶν γερόντων στόματα διαφοράν ἔχει, νωθρότερα πολλῷ δ’ ἐστὶν ἢ τὰ τῶν νέων. "σίναπυ παρατίθημι τούτοισ καὶ ποιῶ χυλοὺσ ἐχομένουσ δριμύτητοσ τὴν φύσιν, ἵνα διεγείρασ πνευματῶ τὸν ἀέρα. "ἰδὼν τὸ πρόσωπον γνώσομ’ οὗ ζητεῖ φαγεῖν ἕκαστοσ ὑμῶν. καὶ ὁ παρὰ Διονυσίῳ δὲ ἐν Θεσμοφόρῳ μάγειροσ, ἄνδρεσ δαιταλεῖσ οὑ’ χεῖρον γὰρ καὶ τούτου μνησθῆναἰ, τί φησίν; "σφόδρα μοι κεχάρισαι, Σιμία. νὴ τοὺσ θεούσ, ταυτὶ προείπασ τὸν μάγειρον εἰδέναι πολὺ δεῖ γὰρ αἰεὶ πρότερον οἷσ μέλλει ποιεῖν τὸ δεῖπνον ἢ τὸ δεῖπνον ἐγχειρεῖν ποιεῖν. ἂν μὲν γάρ ἕν τισ τοῦτ’ ἐπιβλέψῃ μόνον, τοὔψον ποιῆσαι κατὰ τρόπον πῶσ δεῖ, τίνα τρόπον παραθεῖναι δ’ ἢ πότ’ ἢ πῶσ σκευάσαι δεῖ, μὴ προίδηται τοῦτο μηδὲ φροντίσῃ, οὐκέτι μάγειροσ, ὀψοποιόσ ἐστι δέ. οὐ ταὐτὸ δ’ ἐστὶ τοῦτο, πολὺ διήλλαχεν. "ὡσ οὐ στρατηγὸσ πᾶσ καλεῖθ’ ὃσ ἂν λάβῃ δύναμιν, ὁ μέντοι δυνάμενοσ κἀν πράγμασιν ἀναστραφῆναι καὶ διαβλέψαι τί που στρατηγόσ ἐστιν, ἡγεμὼν δὲ θάτερον, οὕτωσ ἐφ’ ἡμῖν σκευάσαι μὲν ἢ τεμεῖν ἡδύσμαθ’ ἑψῆσαί τε καὶ φυσᾶν τὸ πῦρ ὁ τυχὼν δύναιτ’ ἄν· "ὀψοποιὸσ οὖν μόνον ἐστὶν ὁ τοιοῦτοσ, ὁ δὲ μάγειροσ ἄλλο τι. "συνιδεῖν τόπον, ὡρ́αν, τὸν καλοῦντα, τὸν πάλιν δειπνοῦντα, πότε δεῖ καί τίν’ ἰχθὺν ἀγοράσαι, οὐ τοῦ τυχόντοσ, πάντα μὲν λήψει σχεδὸν αἰεὶ γάρ· "οὐκ αἰεὶ δὲ τὴν τούτων χάριν ἔχεισ ὁμοίαν οὐδ’ ἴσην τὴν ἡδονήν. Ἀρχέστρατοσ γέγραφέ τε καὶ δοξάζεται παρά τισιν οὕτωσ ὡσ λέγων τι χρήσιμον. "τὰ πολλὰ δ’ ἠγνόηκε κοὐδὲ ἓν λέγει. "μὴ πάντ’ ἄκουε μηδὲ πάντα μάνθανε. "τῶν βιβλίων ἔσθ’ ἕνεκα τὰ περὶ τὴν τέχνην κενὰ μᾶλλον ἢ τόθ’ ὅτ’ οὐδέπω γεγραμμέν’ ἦν. οὐδ’ ἔστιν εἰπεῖν περὶ μαγειρικῆσ, ἐπεὶ εἶπ’ ἀρτίωσ ὁρ́ον γὰρ οὐκ ἔσχηκεν οὐδὲ κύριον αὐτὴ δ’ ἑαυτῆσ ἐστι δεσπότησ. "ἐὰν δ’ εὖ μὲν σὺ χρήσῃ τῇ τέχνῃ, τὸν τῆσ τέχνησ καιρὸν δ’ ἀπολέσῃσ, παραπόλωλεν ἡ τέχνη. "σιμ. "ἄνθρωπε, μέγασ εἶ. α. τουτονὶ δ’, ὃν ἀρτίωσ ἔφησ ἔχοντα πεῖραν ἥκειν πολυτελῶν πολλῶν τε δείπνων, ἐπιλαθέσθαι, Σιμία, πάντων ποιήσω, θρῖον ἂν δείξω μόνον παραθῶ τε δεῖπνον ὄζον αὔρασ Ἀττικῆσ. ἐξ ἀντλίασ ἥκοντα καὶ γέμοντ’ ἔτι φορτηγικῶν μοι βρωμάτων κἀγωνίασ τἠμῇ ποιήσω νυστάσαι παροψίδι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 9, book 9, chapter 68 1:

(아테나이오스, The Deipnosophists, Book 9, book 9, chapter 68 1:)

상위

목록

SEARCH

MENU NAVIGATION