헬라어 문장 검색 - ΑτηενάΤηεΔειπ

(아테나이오스, The Deipnosophists, Book 9, book 9, chapter 56)

τῶν ταὧν μὲν ὡσ ἅπαξ τισ ζεῦγοσ ἤγαγεν μόνον, σπάνιον ὂν τὸ χρῆμα· πλείουσ δ’ εἰσὶ νῦν τῶν ὀρτύγων. καὶ Εὔβουλοσ ἐν Φοίνικι, καὶ γὰρ ὁ ταὼσ διὰ τὸ σπάνιον θαυμάζεται. "σχιδανόπουσ ἐστὶ καὶ ποιολόγοσ καὶ τίκτει τριέτησ γενόμενοσ, ἐν οἷσ καὶ τὴν ποικιλίαν τῶν πτερῶν λαμβάνει, ἐπῳάζει δ’ ἡμέρασ πρὸσ λ’. τίκτει· "τε ἅπαξ τοῦ ἔτουσ ᾠὰ δώδεκα· "ταῦτα δὲ οὐκ εἰσ ἅπαξ, ἀλλὰ παρ’ ἡμέρασ δύο· "αἱ δὲ πρωτοτόκοι ὀκτώ. τίκτει δὲ καὶ ὑπηνέμια, ὡσ ἡ ἀλεκτορίσ, οὐ πλείω δὲ τῶν δύο. ἐκλέπει δὲ καὶ ἐπῳάζει καθάπερ ἡ ἀλεκτορίσ. Εὔπολισ δ’ ἐν Ἀστρατεύτοισ φησὶ περὶ αὐτοῦ οὕτωσ· μή ποτε θρέψω παρὰ Φερσεφόνῃ τοιόνδε ταὧν, ὃσ τοὺσ εὕδοντασ ἐγείρει.

Ἀντιφῶντι δὲ τῷ ῥήτορι λόγοσ μὲν γέγραπται ἔχων ἐπίγραμμα περὶ ταῶν, καὶ ἐν αὐτῷ τῷ λόγῳ οὐδεμία μνεία τοῦ ὀνόματοσ γίνεται, ὄρνεισ δὲ ποικίλουσ πολλάκισ ἐν αὐτῷ ὀνομάζει, φάσκων τούτουσ τρέφειν Δῆμον τὸν Πυριλάμπουσ καὶ πολλοὺσ παραγίνεσθαι κατὰ πόθον τῆσ τῶν ὀρνίθων θέασ ἔκ τε Λακεδαίμονοσ καὶ Θετταλίασ καὶ σπουδὴν ποιεῖσθαι τῶν ᾠῶν μεταλαβεῖν. περὶ δὲ τῆσ ἰδέασ αὐτῶν λέγων γράφει· "εἴ τισ ἐθέλοι καταβαλεῖν εἰσ πόλιν τοὺσ ὄρνιθασ, οἰχήσονται ἀναπτόμενοι, ἐὰν δὲ τῶν πτερύγων ἀποτέμῃ, τὸ κάλλοσ ἀφαιρήσεται·

"τὰ πτερὰ γὰρ αὐτῶν τὸ κάλλοσ ἐστίν, ἀλλ’ οὐ τὸ σῶμα. "ἀλλὰ τὰσ μὲν νουμηνίασ ὁ βουλόμενοσ εἰσῄει, τὰσ δ’ ἄλλασ ἡμέρασ εἴ τισ ἔλθοι βουλόμενοσ θεάσασθαι, οὐκ ἔστιν ὅστισ ἔτυχε, καὶ ταῦτα οὐκ ἐχθὲσ οὐδὲ πρῴην, ἀλλ’ ἔτη πλέον ἢ τριάκοντά ἐστιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 9, book 9, chapter 56

(아테나이오스, The Deipnosophists, Book 9, book 9, chapter 56)

상위

목록

SEARCH

MENU NAVIGATION