헬라어 텍스트

Athenaeus, The Deipnosophists, Book 9, book 9, chapter 10

(아테나이오스, The Deipnosophists, Book 9, book 9, chapter 10)

Ἀθήνησι δὲ καὶ ταῖσ τετοκυίαισ κράμβη παρεσκευάζετο ὥσ τι ἀντιφάρμακον εἰσ τροφήν. ἔφιπποσ γοῦν ἐν Γηρυόνῃ φησὶν ἔπειτα πῶσ οὐ στέφανοσ οὐδείσ ἐστι πρόσθε τῶν θυρῶν, οὐ κνῖσα κρούει ῥινὸσ ὑπεροχὰσ ἄκρασ Ἀμφιδρομίων ὄντων; ἐν οἷσ νομίζεται ὀπτᾶν τε τυροῦ Χερρονησίτου τόμουσ ἕψειν τ’ ἐλαίῳ ῥάφανον ἠγλαισμένην πνίγειν τε παχέων ἀρνίων στηθύνια τίλλειν τε φάττασ καὶ κίχλασ ὁμοῦ σπίνοισ κοινῇ τε χναύειν τευθίσιν σηπίδια πιλεῖν τε πολλὰσ πλεκτάνασ ἐπιστρεφῶσ πίνειν τε πολλὰσ κύλικασ εὐζωρεστέρασ. Ἀντιφάνησ δ’ ἐν Παρασίτῳ ὡσ εὐτελοῦσ βρώματοσ τῆσ κράμβησ μέμνηται ἐν τούτοισ· οἱᾶ δ’ ἐστὶν οἶσθα νῦν ἄρτοι, σκόροδα, τυρόσ, πλακοῦντεσ, πράγματα ἐλευθέρἰ, οὐ τάριχοσ οὐδ’ ἡδύσμασιν ἄρνεια καταπεπασμέν’ οὐδὲ θρυμματὶσ τεταραγμένη καὶ λοπάδεσ ἀνθρώπων φθοραί.

καὶ μὴν ῥαφάνουσ γ’ ἕψουσι λιπαράσ, ὦ θεοί, ἔτνοσ θ’ ἅμ’ αὐταῖσ πίσινον. Δίφιλοσ δ’ ἐν Ἀπλήστῳ· ἥκει φερόμεν’ αὐτόματα πάντα τἀγαθά, ῥάφανοσ λιπαρά, σπλαγχνίδια πολλά, σαρκία ἁπαλώτατ’, οὐδὲν μὰ Δία τοῖσ ἐμοῖσ βλίτοισ ὅμοια πράγματ’ οὐδὲ ταῖσ θλασταῖσ ἐλάαισ. Ἀλκαῖοσ Παλαίστρᾳ·

ἤδη δ’ ἧψε χύτραν ῥαφάνων. Πολύζηλοσ δ’ ἐν Μουσῶν γοναῖσ κράμβασ αὐτὰσ ὀνομάζων φησί· ὑψιπέταλοί τε κράμβαι συχναί.