헬라어 문장 검색 - ΑτηενάΤηεΔειπ

(아테나이오스, The Deipnosophists, Book 9, book 9, chapter 44)

ποιεῖ δ’ οὖν ταὐτὰ ὅσα ἂν ἴδῃ τοὺσ κυνηγοῦντασ πράττοντασ, οἱ δὲ στάντεσ αὐτῶν καταντικρὺ ὑπαλείφονται φαρμάκῳ τοὺσ ὀφθαλμούσ, παρασκευάσαντεσ ἄλλα φάρμακα κολλητικὰ ὀφθαλμῶν καὶ βλεφάρων, ἅπερ οὐ πόρρω ἑαυτῶν ἐν λεκανίσκαισ βραχείαισ τιθέασιν. οἱ οὖν ὦτοι θεώμενοι τοὺσ ὑπαλειφομένουσ τὸ αὐτὸ καὶ αὐτοὶ ποιοῦσιν ἐκ τῶν λεκανίδων λαμβάνοντεσ καὶ ταχέωσ ἁλίσκονται. "ἐστὶ μὲν τῶν ἐκτοπιζόντων καὶ σχιδανοπόδων καὶ τριδακτύλων, μέγεθοσ ἀλεκτρυόνοσ μεγάλου, χρῶμα ὄρτυγοσ, κεφαλὴ προμήκησ· "ῥύγχοσ ὀξύ, τράχηλοσ λεπτόσ, ὀφθαλμοὶ μεγάλοι, γλῶσσα ὀστώδησ, πρόλοβον δ’ οὐκ ἔχει. Ἀλέξανδροσ δ’ ὁ Μύνδιοσ καὶ προσαγορεύεσθαί φησιν αὐτὸν λαγωδίαν.

φασὶ δ’ αὐτὸν καὶ τὴν τροφὴν ἀναμαρυκᾶσθαι ἥδεσθαί τε ἵππῳ. εἰ γοῦν τισ δορὰν ἵππων περιθοῖτο θηρεύσει ὅσουσ ἂν θέλῃ προσίασι γάρ ἐν ἄλλοισ δὲ πάλιν φησὶν ὁ Ἀριστοτέλησ· "ὁ ὦτόσ ἐστι μὲν παρόμοιοσ τῇ γλαυκί, οὔκ ἐστι δὲ νυκτερινόσ, ἔχει τε περὶ τὰ ὦτα πτερύγια, διὸ καὶ ὦτοσ καλεῖται· "μέγεθοσ περιστερᾶσ, μιμητὴσ ἀνθρώπων ἀντορχούμενοσ γοῦν ἁλίσκεται. ἀνθρωποειδὴσ δ’ ἐστὶ τὴν μορφὴν καὶ πάντων μιμητὴσ ὅσα ἄνθρωποσ ποιεῖ, διόπερ καὶ τοὺσ ἐξαπατωμένουσ ῥᾳδίωσ ἐκ τοῦ τυχόντοσ οἱ κωμικοὶ ὤτουσ καλοῦσιν. ἐν γοῦν τῇ θήρᾳ αὐτῶν ὁ ἐπιτηδειότατοσ ὀρχεῖται στὰσ κατὰ πρόσωπον αὐτῶν, καὶ τὰ ζῷα βλέποντα εἰσ τὸν ὀρχούμενον νευροσπαστεῖται.

ἄλλοσ δέ τισ ὄπισθεν στὰσ καὶ λαθὼν συλλαμβάνει, τῇ περὶ τὴν μίμησιν ἡδονῇ κατεχομένουσ, τὸ δ’ αὐτὸ ποιεῖν λέγουσι καὶ τοὺσ σκῶπασ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 9, book 9, chapter 44

(아테나이오스, The Deipnosophists, Book 9, book 9, chapter 44)

상위

목록

SEARCH

MENU NAVIGATION