Athenaeus, The Deipnosophists, Book 9, book 9, chapter 45

(아테나이오스, The Deipnosophists, Book 9, book 9, chapter 45)

καὶ γὰρ τούτουσ ὀρχήσει λόγοσ ἁλίσκεσθαι. μνημονεύει δ’ αὐτῶν Ὅμηροσ, γένοσ τε ὀρχήσεωσ ἀπ’ αὐτῶν καλεῖται σκὼψ λαβὼν τοὔνομα ἀπὸ τῆσ περὶ τὸ ζῷον ἐν τῇ κινήσει ποικιλίασ. χαίρουσι δὲ οἱ σκῶπεσ καὶ ὁμοιότητι καὶ ἀπ’ αὐτῶν ἡμεῖσ σκώπτειν καλοῦμεν τὸ συνεικάζειν καὶ καταστοχάζεσθαι τῶν σκωπτομένων διὰ τὸ τὴν ἐκείνων ἐπιτηδεύειν προαίρεσιν. πάντα δὲ τὰ τῶν ζῴων εὔγλωττα καὶ διηρθρωμένα ἐστὶ τὴν φωνὴν καὶ μιμεῖται τοὺσ τῶν ἀνθρώπων καὶ τῶν ἄλλων ὀρνίθων ἤχουσ ὥσπερ. ψιττακὸσ καὶ κίττα. "μικρότερόσ ἐστι γλαυκὸσ καὶ ἐπὶ μολυβδοφανεῖ τῷ χρώματι ὑπόλευκα στίγματα ἔχει δύο τε ἀπὸ τῶν ὀφρύων παρ’ ἑκάτερον κρόταφον ἀναφέρει πτερά. Καλλίμαχοσ δέ φησι δύο γένη εἶναι σκωπῶν καὶ τοὺσ μὲν φθέγγεσθαι, τοὺσ δὲ οὔ.

διὸ καὶ καλεῖσθαι τοὺσ μὲν σκῶπασ αὐτῶν, τοὺσ δ’ ἀείσκωπασ· εἰσὶ δὲ γλαυκοί, ὁ δὲ Μύνδιοσ Ἀλέξανδρόσ φησι τοὺσ παρ’ Ὁμήρῳ χωρὶσ τοῦ σ κῶπασ εἶναι, καὶ Ἀριστοτέλη οὕτωσ αὐτοὺσ ὠνομακέναι. φαίνεσθαί τε τούτουσ ἀεὶ καὶ μὴ ἐσθίεσθαι. τοὺσ δ’ ἐν τῷ φθινοπώρῳ φαινομένουσ δύο ἡμέραισ ἢ μιᾷ, τούτουσ εἶναι ἐδωδίμουσ, διαφέρουσι δὲ τῶν ἀεισκώπων τῷ πάχει καί εἰσι παραπλήσιοι τρυγόνι καὶ φάττῃ. καὶ Σπεύσιπποσ δ’ ἐν δευτέρῳ Ὁμοίων χωρὶσ τοῦ σ κῶπασ αὐτοὺσ ὀνομάζει. Ἐπίχαρμοσ·

καὶ Μητρόδωροσ δ’ ἐν τῷ περὶ συνηθείασ ἀντορχουμένουσ φησὶν ἁλίσκεσθαι τοὺσ σκῶπασ.

일치하는 문장이 없습니다.

SEARCH

MENU NAVIGATION