헬라어 텍스트

Athenaeus, The Deipnosophists, Book 9, book 9, chapter 19

(아테나이오스, The Deipnosophists, Book 9, book 9, chapter 19)

εἰσαχθέντοσ δὲ ἡμῖν ποτε καὶ δέλφακοσ, οὗ τὸ μὲν ἥμισυ κραμβαλέον ἦν ἐπιμελῶσ πεποιημένον, τὸ δὲ ἥμισυ ὡσ ἂν ἐξ ὕδατοσ ἡψημένον τακερῶσ, καὶ πάντων θαυμαζόντων τοῦ μαγείρου τὴν σοφίαν, μέγα φρονῶν ἐκεῖνοσ ἐπὶ τῇ τέχνῃ ἔφη· ἀλλὰ μὴν οὐδὲ τὴν σφαγὴν ἔχει τισ ὑμῶν ἐπιδεῖξαι ὅπου ἐγένετο ἢ πῶσ αὐτοῦ ἡ γαστήρ πεπλήρωται παντοίων ἀγαθῶν, καὶ γὰρ κίχλασ ἐν ἑαυτῷ ἔχει καὶ ἄλλα ὀρνίθια ὑπογαστρίων τε μέρη χοιρείων καὶ μήτρασ τόμουσ καὶ τῶν ᾠῶν τὰ χρυσᾶ, ἔτι δὲ ὀρνίθων ’ γαστέρεσ αὐταῖσι μήτραισ καὶ καλῶν ζωμῶν πλέεσ καὶ τὰ ἐκ τῶν σαρκῶν εἰσ λεπτὰ κατακνιζόμενα καὶ μετὰ πεπερίδων συμπλαττόμενα ἰσίκια γὰρ ’ ὀνομάζειν αἰδοῦμαι ’ τὸν Οὐλπιανόν, καίπερ αὐτὸν εἰδὼσ ἡδέωσ αὐτοῖσ χρώμενον. ἑφθὸσ δὲ κατὰ θάτερα. ἔτ’ οὖν ἡμῶν ἀναζητούντων ὁ μάγειροσ ἔφη·

ἀλλ’ ἦ νομίζετέ με ἔλαττον πεπαιδεῦσθαι τῶν ἀρχαίων ἐκείνων μαγείρων περὶ ὧν οἱ κωμῳδιοποιοὶ λέγουσι;

Ποσείδιπποσ μὲν ἐν Χορευούσαισ · μάγειροσ δ’ ἐστὶν ὁ λέγων πρὸσ τοὺσ μαθητὰσ τάδε·