헬라어 문장 검색 - ΑτηενάΤηεΔειπ

(아테나이오스, The Deipnosophists, Book 4, book 4, chapter 45)

ἀλλ’ ὅ γε Παρμενίσκοσ οὕτωσ ὑπήρξατο· "Παρμενίσκοσ Μόλπιδι χαίρειν. "πλεονάζων ἐν ταῖσ προσφωνήσεσι πρὸσ σὲ περὶ τῶν ἐπιφανῶν κλήσεων ἀγωνιῶ μή ποτε εἰσ πληθώραν ἐμπεσὼν μεμψιμοιρήσῃσ. διὸ καὶ μεταδοῦναί σοι βούλομαι τοῦ παρὰ Κέβητι τῷ Κυζικηνῷ δείπνου· "προπιὼν δ’ ὑσώπου τὴν ὤραν ἐπάναγε ἐπὶ τὴν ἑστίασιν. "Διονυσίων γὰρ ὄντων Ἀθήνησι παρελήφθην πρὸσ αὐτό. κατέλαβον δὲ κυνικοὺσ μὲν ἀνακειμένουσ ἕξ, ἕνα δὲ κύνουλκον Καρνεῖον τὸν Μεγαρικόν. τοῦ δείπνου δὲ χρονίζοντοσ λόγοσ ἐγένετο ποῖον τῶν ὑδάτων ἥδιστόν ἐστιν. "καὶ τῶν μὲν ἐγκωμιαζόντων τὸ ἀπὸ τῆσ Λέρνησ, ἄλλων δὲ τὸ ἀπὸ τῆσ Πειρήνησ, ὁ Καρνεῖοσ κατὰ Φιλόξενον εἶπε ’ τὸ κατὰ χειρῶν καὶ τῆσ τραπέζησ παρατεθείσησ ἐδειπνοῦμεν καὶ τὴν μὲν ἐξηντλοῦμεν φακῆν, ἡ δ’ ἐπεισέρρει. "εἶτα πάλιν φακοὶ προσηνέχθησαν ὄξει βεβρεγμένοι, καὶ ὁ Διιτρέφησ δραξάμενοσ ἔφη· "Ζεῦ, μὴ λάθοι σε τῶνδ’ ὃσ αἴτιοσ φακῶν καὶ ἄλλοσ ἑξῆσ ἀνεβόησε· "φακόσ σε δαίμων καὶ φακὴ τύχη λάβοι. "ἐμοὶ δὲ κατὰ τὸν κωμικὸν Δίφιλον, φησὶν δ’ οὗτοσ ἐν Πελιάσι· "τὸ δειπνάριον ἀνθηρὸν ἦν, γλαφυρὸν σφόδρα· "φακῆσ κατ’ ἄνδρα τρυβλίον μεστὸν μέγα. "β. πρώτιστον οὐκ ἀνθηρόν. α. ἐπὶ ταύτῃ φέρων εἰσ τὸ μέσον ἐπεχόρευσε σαπέρδησ μέγασ ὑπό τι δυσώδησ. "β. οὗτοσ ἱερὸσ ἀνθίασ,1 ὃσ πολλὰ χαίρειν ταῖσ κίχλαισ ἤδη λέγει. "̓ γέλωτοσ οὖν ἐπιρραγέντοσ παρῆν ἡ θεατροτορύνη Μέλισσα καὶ ἡ κυνάμυια Νίκιον αὗται δ’ ἦσαν τῶν οὐκ ἀσήμων ἑταιρίδων. "ἀποβλέψασαι οὖν αὗται εἰσ τὰ παρακείμενα καὶ θαυμάσασαι ἐγέλων. "καὶ ἡ Νίκιον ἔφη· "’οὐδεὶσ ὑμῶν, ἄνδρεσ γενειοσυλλεκτάδαι, ἰχθὺν ἐσθίει; "ἢ καθάπερ ὁ πρόγονοσ ὑμῶν Μελέαγροσ ὁ Γαδαρεὺσ ἐν ταῖσ Χάρισιν ἐπιγραφομέναισ ἔφη τὸν Ὅμηρον Σύρον ὄντα τὸ γένοσ κατὰ τὰ πάτρια ἰχθύων ἀπεχομένουσ ποιῆσαι τοὺσ Ἀχαιοὺσ δαψιλείασ πολλῆσ οὔσησ κατὰ τὸν Ἑλλήσποντον; "ἢ μόνον ἀνέγνωτε συγγραμμάτων αὐτοῦ τὸ περιέχον λεκίθου καὶ φακῆσ σύγκρισιν; "ὁρῶ γὰρ πολλὴν παρ’ ὑμῖν τῆσ φακῆσ τὴν σκευὴν εἰσ ἣν ἀποβλέπουσα συμβουλεύσαιμ’ ἂν ὑμῖν κατὰ τὸν Σωκρατικὸν Ἀντισθένην ἐξάγειν ἑαυτοὺσ τοῦ βίου τοιαῦτα σιτουμένουσ. "’ πρὸσ ἣν ὁ Καρνεῖοσ ἔφη· "’ Εὐξίθεοσ ὁ Πυθαγορικόσ, ὦ Νίκιον, ὥσ φησι Κλέαρχοσ ὁ περιπατητικὸσ ἐν δευτέρῳ βίων, ἔλεγεν ἐνδεδέσθαι τῷ σώματι καὶ τῷ δεῦρο βίῳ τὰσ ἁπάντων ψυχὰσ τιμωρίασ χάριν, καὶ διείπασθαι τὸν θεὸν ὡσ εἰ μὴ μενοῦσιν ἐπὶ τούτοισ ἑώσ ἂν ἑκὼν αὐτοὺσ λύσῃ, πλείοσι καὶ μείζοσιν ἐμπεσοῦνται τότε λύμαισ. "διὸ πάντασ εὐλαβουμένουσ τὴν τῶν κυρίων ἀνάτασιν φοβεῖσθαι τοῦ ζῆν ἑκόντασ ἐκβῆναι μόνον τε τὸν ἐν τῷ γήρᾳ θάνατον ἀσπασίωσ προσίεσθαι,1 πεπεισμένουσ τὴν ἀπόλυσιν τῆσ ψυχῆσ μετὰ τῆσ τῶν κυρίων γίγνεσθαι γνώμησ, τούτοισ τοῖσ δόγμασιν ἡμεῖσ πειθόμεθα ’ ὑμῖν δὲ φθόνοσ οὐδὲ εἷσ ἑλέσθαι ἕν τι τῶν τριῶν ἔχειν κακῶν, οὐ γάρ ἐπίστασθε, ὦ ταλαίπωροι, ὅτι αἱ βαρεῖαι αὗται τροφαὶ φράττουσι τὸ ἡγεμονικὸν καὶ οὐκ ἐῶσι τὴν φρόνησιν ἐν αὑτῇ εἶναι. "` Θεόπομποσ οὖν ἐν ε Φιλιππικῶν φησι· "τὸ γὰρ ἐσθίειν πολλὰ καὶ κρεοφαγεῖν τοὺσ μὲν λογισμοὺσ ἐξαιρεῖ καὶ τὰσ ψυχὰσ ποιεῖται βραδυτέρασ, ὀργῆσ δὲ καὶ σκληρότητοσ καὶ πολλῆσ σκαιότητοσ ἐμπίπλησι. "καὶ ὁ θαυμάσιοσ δὲ Ξενοφῶν φησιν ὡσ ἡδὺ μὲν μᾶζαν καὶ κάρδαμα φαγεῖν πεινῶντι, ἡδὺ δὲ ὕδωρ ἀρυσάμενον ἐκ ποταμοῦ διψῶντα πιεῖν. Σωκράτησ δὲ καὶ πολλάκισ κατελαμβάνετο διαπεριπατῶν ἑσπέρασ βαθείασ πρὸ τῆσ οἰκίασ καὶ πρὸσ τοὺσ πυνθανομένουσ τί τηνικάδε ; "ἔλεγεν ὄψον συνάγειν πρὸσ τὸ δεῖπνον. "ἡμῖν δὲ αὐτάρκησ μερὶσ ἣν ἂν παρ’ ὑμῶν λάβωμεν, καὶ οὐ χαλεπαίνομεν ὡσ ἔλαττον φερόμενοι, καθάπερ ὁ παρὰ Ἀντικλείδῃ ̔ Ἡρακλῆσ. φησὶ γὰρ οὗτοσ ἐν τῷ β τῶν Νόστων ’ μετὰ τὸ συντελέσαι τοὺσ ἄθλουσ Ἡρακλέα Εὐρυσθέωσ θυσίαν τινὰ ἐπιτελοῦντοσ συμπαραληφθέντα καὶ τῶν τοῦ Εὐρυσθέωσ υἱῶν τὰσ μερίδασ ἑκάστῳ παρατιθέντων, τῷ δ’ Ἡρακλεῖ ταπεινοτέραν παραθέντων, ὁ Ἡρακλῆσ ἀτιμάζεσθαι ὑπολαβὼν ἀπέκτεινε τρεῖσ τῶν παίδων Περιμήδην, Εὐρύβιον, Εὐρύπυλον οὐ τοιοῦτοι οὖν τὸν θυμὸν ἡμεῖσ, εἰ καὶ πάντα ̔ Ἡρακλέουσ ζηλωταί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 4, book 4, chapter 45

(아테나이오스, The Deipnosophists, Book 4, book 4, chapter 45)

상위

목록

SEARCH

MENU NAVIGATION