Athenaeus, The Deipnosophists, Book 4, book 4, chapter 22

(아테나이오스, The Deipnosophists, Book 4, book 4, chapter 22)

περὶ δὲ τῶν Κρητικῶν συσσιτίων Δωσιάδασ ἱστορῶν ἐν τῇ δ τῶν Κρητικῶν γράφει οὕτωσ· "οἱ δὲ Λύττιοι συνάγουσι μὲν τὰ κοινὰ συσσίτια οὕτωσ, ἕκαστοσ τῶν γινομένων καρπῶν ἀναφέρει τὴν δεκάτην εἰσ τὴν ἑταιρίαν καὶ τὰσ τῆσ πόλεωσ προσόδουσ ἃσ διανέμουσιν οἱ προεστηκότεσ τῆσ πόλεωσ εἰσ τοὺσ ἑκάστων οἴκουσ, τῶν δὲ δούλων ἕκαστοσ Αἰγιναῖον φέρει στατῆρα κατὰ κεφαλήν. διῄρηνται δ’ οἱ πολῖται πάντεσ καθ’ ἑταιρίασ, καλοῦσι δὲ ταύτασ ἀνδρεῖα. τὴν δὲ ἐπιμέλειαν ἔχει τοῦ συσσιτίου γυνὴ τρεῖσ ἢ τέτταρασ τῶν δημοτικῶν προσειληφυῖα πρὸσ τὰσ ὑπηρεσίασ, ἑκάστῳ δ’ αὐτῶν ἀκολουθοῦσι δύο θεράποντεσ ξυλοφόροι· "καλοῦσι δ’ αὐτοὺσ καλοφόρουσ. "εἰσὶ δὲ πανταχοῦ κατὰ τὴν Κρήτην οἶκοι δύο ταῖσ συσσιτίαισ, ὧν τὸν μὲν καλοῦσιν ἀνδρεῖον, τὸν δ’ ἄλλον ἐν ᾧ τοὺσ ξένουσ κοιμίζουσι κοιμητήριον προσαγορεύουσι. "κατὰ δὲ τὸν συσσιτικὸν οἶκον πρῶτον μὲν κεῖνται δύο τράπεζαι ξενικαὶ καλούμεναι, αἷσ προκαθίζουσι τῶν ξένων οἱ παρόντεσ· "ἑξῆσ δ’ εἰσὶν αἱ τῶν ἄλλων. "παρατίθεται δὲ τῶν παρόντων ἴσον μέροσ ἑκάστῳ· "τοῖσ δὲ νεωτέροισ ἥμισυ δίδοται κρέωσ, τῶν δὲ ἄλλων οὐθενὸσ ἅπτονται, εἶτα ποτήριον ἐν ἑκάστῃ τραπέζῃ παρατίθεται κεκραμένον ὑδαρῶσ· "τοῦτο κοινῇ πάντεσ πίνουσιν οἱ κατὰ τὴν αὐτὴν τράπεζαν, καὶ δειπνήσασιν ἄλλο παρατίθεται, τοῖσ δὲ παισὶ κοινὸσ κέκραται κρατήρ· "τοῖσ δὲ πρεσβυτέροισ ἐὰν βούλωνται πλεῖον πιεῖν ἐξουσία δέδοται. "ἀπὸ δὲ τῆσ τραπέζησ τὰ βέλτιστα τῶν παρακειμένων ἡ προεστηκυῖα τῆσ συσσιτίασ γυνὴ φανερῶσ ἀφαιροῦσα παρατίθησι τοῖσ κατὰ πόλεμον ἢ κατὰ σύνεσιν δεδοξασμένοισ. "ἀπὸ δὲ τοῦ δείπνου πρῶτον μὲν εἰώθασι βουλεύεσθαι περὶ τῶν κοινῶν, εἶτα μετὰ ταῦτα μέμνηνται τῶν κατὰ πόλεμον πράξεων καὶ τοὺσ γενομένουσ ἄνδρασ ἀγαθοὺσ ἐπαινοῦσι, προτρεπόμενοι τοὺσ νεωτέρουσ εἰσ ἀνδραγαθίαν. "ἐν τοῖσ συσσιτίοισ, φησίν, οἱ Κρῆτεσ καθήμενοι συσσιτοῦσι, καὶ ὅτι ἀβαμβάκευστα τοῖσ ὀρφανοῖσ παρατίθεται·

"καὶ ὅτι οἱ νεώτατοι αὐτῶν ἐφεστᾶσι διακονοῦντεσ· "καὶ ὅτι μετ’ εὐφημίασ σπείσαντεσ τοῖσ θεοῖσ μερίζουσι τῶν παρατιθεμένων ἅπασι· "ἀπονέμουσι δὲ καὶ τοῖσ υἱοῖσ κατὰ τὸν θᾶκον τὸν τοῦ πατρὸσ ὑφιζάνουσιν ἐξ ἡμισείασ τῶν τοῖσ ἀνδράσι παρατιθεμένων, τοὺσ δ’ ὀρφανοὺσ ἰσομερεῖσ εἶναι· "παρατίθεται δ’ αὐτοῖσ ἀβαμβάκευτα τῇ κράσει καθ’ ἕκαστα τῶν νενομισμένων. "ἦσαν δὲ καὶ ξενικοὶ θᾶκοι καὶ τράπεζα τρίτη δεξιᾶσ εἰσιόντων εἰσ τὰ ἀνδρεῖα, ἣν Ξενίου τε Διὸσ ξενίαν τε προσηγόρευον.

일치하는 문장이 없습니다.

SEARCH

MENU NAVIGATION