헬라어 텍스트

Athenaeus, The Deipnosophists, Book 4, book 4, chapter 66

(아테나이오스, The Deipnosophists, Book 4, book 4, chapter 66)

"πολέμιοι τῆσ οὐσίασ ὑπάρχοντεσ, ὡσ Σάτυροσ ἐν τοῖσ περὶ χαρακτήρων εἴρηκεν, κατατρέχοντεσ τὸν ἀγρόν, διαρπάζοντεσ τὴν οἰκίαν, λαφυροπωλοῦντεσ τὰ ὑπάρχοντα, σκοποῦντεσ οὐ τί δεδαπάνηται ἀλλὰ τί δαπανηθήσεται, οὐδὲ τί περιέσται ἀλλὰ τί οὐ περιέσται, ἐν τῇ νεότητι τὰ τοῦ γήρωσ ἐφόδια προκαταναλίσκοντεσ, χαίροντεσ τῇ ἑταίρᾳ, οὐ τοῖσ ἑταίροισ, καὶ τῷ οἴνῳ, οὐ τοῖσ συμπόταισ. Ἀγαθαρχίδησ δ’ ὁ Κνίδιοσ ἐν τῇ ὀγδόῃ πρὸσ ταῖσ κ τῶν Εὐρωπιακῶν Γνώσιππον, φησίν, ἄσωτον γενόμενον ἐν τῇ Σπάρτῃ ἐκώλυον οἱ ἔφοροι συναναστρέφεσθαι τοῖσ νέοισ.

παρὰ δὲ Ῥωμαίοισ μνημονεύεται, ὥσ φησι Ποσειδώνιοσ ἐν τῇ ἐνάτῃ καὶ τεσσαρακοστῇ τῶν ἱστοριῶν, Ἀπίκιόν τινα ἐπὶ ἀσωτίᾳ πάντασ ἀνθρώπουσ ὑπερηκοντικέναι. ὁ καὶ τῆσ φυγῆσ αἴτιοσ γενόμενοσ Ῥουτιλίῳ τῷ τὴν Ῥωμαικὴν ἱστορίαν ἐκδεδωκότι τῇ Ἑλλήνων φωνῇ.

περὶ δὲ Ἀπικίου τοῦ καὶ αὐτοῦ ἐπὶ ἀσωτίᾳ διαβοήτου ἐν τοῖσ πρώτοισ εἰρήκαμεν.