Athenaeus, The Deipnosophists, Book 4, book 4, chapter 79

(아테나이오스, The Deipnosophists, Book 4, book 4, chapter 79)

γινώσκειν δὲ βούλομαί σε, ἀνδρῶν λῷστε Οὐλπιανέ, ὅτι Ἀλεξανδρέων μουσικώτεροι ἄλλοι γενέσθαι οὐχ ἱστόρηνται, καὶ οὐ λέγω περὶ κιθαρῳδίαν μόνην, ἧσ καὶ ὁ εὐτελέστατοσ παρ’ ἡμῖν ἰδιώτησ προσέτι τε καὶ ἀναλφάβητοσ οὕτωσ ἐστὶ συνήθησ ὡσ τάχιστα ἐλέγχειν τὰ παρὰ τὰσ κρούσεισ ἁμαρτήματα γινόμενα, ἀλλὰ καὶ περὶ αὐλούσ εἰσι μουσικώτατοι οὐ μόνον τοὺσ παρθενίουσ καλουμένουσ καὶ παιδικούσ, ἀλλὰ καὶ τοὺσ ἀνδρείουσ, οἵτινεσ καλοῦνται τέλειοί τε καὶ ὑπερτέλειοι, καὶ τοὺσ κιθαριστηρίουσ δὲ καὶ τοὺσ δακτυλικούσ, τοὺσ γὰρ ἐλύμουσ αὐλούσ, ὧν μνημονεύει Σοφοκλῆσ ἐν Νιόβῃ τε κἀν Τυμπανισταῖσ, οὐκ ἄλλουσ τινὰσ εἶναι ἀκούομεν ἢ τοὺσ Φρυγίουσ, ὧν καὶ αὐτῶν ἐμπείρωσ ἔχουσιν Ἀλεξανδρεῖσ. οἴδασι δὲ καὶ τοὺσ διόπουσ ἔτι τε μεσοκόπουσ καὶ τοὺσ καλουμένουσ ὑποτρήτουσ. τῶν δ’ ἐλύμων αὐλῶν μνημονεύει καὶ Καλλίασ ἐν Πεδήταισ.

Ιὄβασ δὲ τούτουσ Φρυγῶν μὲν εἶναι εὑρ́ημα, ὀνομάζεσθαι δὲ καὶ σκυταλείασ, κατ’ ἐμφέρειαν τοῦ πάχουσ, χρῆσθαι δ’ αὐτοῖσ καὶ Κυπρίουσ φησὶ Κρατῖνοσ ὁ νεώτεροσ ἐν Θηραμένει.

οἴδαμεν δὲ καὶ τοὺσ ἡμιόπουσ καλουμένουσ, περὶ ὧν φησιν Ἀνακρέων τίσ ἐρασμίην τρέψασ θυμὸν ἐσ ἥβην τερένων ἡμιόπων ὑπ’ αὐλῶν ὀρχεῖται; εἰσὶ δ’ οἱ αὐλοὶ οὗτοι ἐλάσσονεσ τῶν τελείων. Αἰσχύλοσ γοῦν κατὰ μεταφορὰν ἐν Ἰξίονί φησι·

τὸν δ’ ἡμίοπον καὶ τὸν ἐλάσσονα ταχέωσ ὁ μέγασ καταπίνει.

εἰσὶν δ’ οἱ αὐτοὶ τοῖσ παιδικοῖσ καλουμένοισ, οἷσ οὐκ οὖσιν ἐναγωνίοισ πρὸσ τὰσ εὐωχίασ χρῶνται. διὸ καὶ τέρενασ αὐτοὺσ κέκληκεν ὁ Ἀνακρέων.

일치하는 문장이 없습니다.

SEARCH

MENU NAVIGATION