Athenaeus, The Deipnosophists, Book 4, book 4, chapter 61

(아테나이오스, The Deipnosophists, Book 4, book 4, chapter 61)

Πυθοδήλου δέ τινοσ ἀσώτου μνημονεύει Ἀξιόνικοσ ἐν Τυρρηνῷ οὕτωσ· ὁ Πυθόδηλοσ οὑτοσὶ ὁ Βαλλίων προσέρχετ’ ἐπικαλούμενοσ, μεθύουσά τ’ ἐξόπισθεν ἡ σοφωτάτη Ἀποτυμπανισχὰσ κατὰ πόδασ πορεύεται, Πολύευκτον δ’ Ἀναξανδρίδησ ἐν Τηρεῖ κωμῳδῶν ὄρνισ κεκλήσῃ φησί. β. διὰ τί, πρὸσ τῆσ Ἑστίασ; πότερον καταφαγὼν τὴν πατρῴαν οὐσίαν, ὥσπερ Πολύευκτοσ ὁ καλόσ;

α. οὐ δῆτ’, ἀλλ’ ὅτι ἄρρην ὑπὸ θηλειῶν κατεκόπησ. Θεόπομποσ δ’ ἐν τῇ δεκάτῃ τῶν Φιλιππικῶν, ἀφ’ ἧσ τινεσ τὸ τελευταῖον μέροσ χωρίσαντεσ, ἐν ᾧ ἐστι τὰ περὶ τῶν Ἀθήνησι δημαγωγῶν, εὔβουλόν φησι τὸν δημαγωγὸν ἄσωτον γενέσθαι, τῇ λέξει δὲ ταύτῃ ἐχρήσατο· ’ καὶ τοσοῦτον ἀσωτίᾳ καὶ πλεονεξίᾳ διενήνοχε τοῦ δήμου τοῦ Ταραντίνων ὅσον ὁ μὲν περὶ τὰσ ἑστιάσεισ εἶχε μόνον ἀκρατῶσ, ὁ δὲ τῶν Ἀθηναίων καὶ τὰσ προσόδουσ καταμισθοφορῶν διατετέλεκε.

Καλλίστρατοσ δέ, φησίν, ὁ Καλλικράτουσ δημαγωγὸσ καὶ αὐτὸσ πρὸσ μὲν τὰσ ἡδονὰσ ἦν ἀκρατήσ, τῶν δὲ πολιτικῶν πραγμάτων ἦν ἐπιμελήσ περὶ δὲ τῶν Ταραντίνων ἱστορῶν ἐν τῇ δευτέρα καὶ πεντηκοστῇ τῶν ἱστοριῶν γράφει οὕτωσ· ’ ἡ πόλισ ἡ τῶν Ταραντίνων σχεδὸν καθ’ ἕκαστον μῆνα βουθυτεῖ καὶ δημοσίασ ἑστιάσεισ ποιεῖται. τὸ δὲ τῶν ἰδιωτῶν πλῆθοσ αἰεὶ περὶ συνουσίασ καὶ πότουσ ἐστί.

일치하는 문장이 없습니다.

SEARCH

MENU NAVIGATION