Athenaeus, The Deipnosophists, Book 4, book 4, chapter 82

(아테나이오스, The Deipnosophists, Book 4, book 4, chapter 82)

Ἀλέξανδροσ δὲ ὁ πολίτησ μου οὗτοσ δ’ οὐ πρὸ πολλοῦ τετελεύτηκε δημοσίᾳ ἐπιδειξάμενοσ ἐν τῷ τριγώνῳ ἐπικαλουμένῳ ὀργάνῳ οὕτωσ ἐποίησε πάντασ Ῥωμαίουσ μουσομανεῖν ὡσ τοὺσ πολλοὺσ καὶ ἀπομνημονεύειν αὐτοῦ τὰ κρούσματα, μνημονεύει δὲ τοῦ τριγώνου τούτου καὶ Σοφοκλῆσ ἐν μὲν Μυσοῖσ οὕτωσ · πολὺσ δὲ Φρύξ τρίγωνοσ ἀντίσπαστὰ τε Λυδῆσ ἐφυμνεῖ πηκτίδοσ συγχορδίᾳ, καὶ ἐν Θαμύρᾳ. ι Ἀριστοφάνησ δ’ ἐν Δαιταλεῦσι καὶ Θεόπομποσ ἐν Πηνελόπῃ· Εὔπολισ δ’ ἐν Βάπταισ φησὶν ὃσ καλῶσ μὲν τυμπανίζει καὶ διαψάλλει τριγώνοισ.

τοῦ δὲ καλουμένου πανδούρου Εὐφορίων μὲν, ὡσ προείρηται, καὶ Πρωταγορίδησ ἐν β περὶ τῶν ἐπὶ Δάφνῃ πανηγύρεων. Πυθαγόρασ δὲ ὁ γεγραφὼσ περὶ τῆσ Ἐρυθρᾶσ θαλάσσησ τοὺσ Τρωγλοδύτασ φησὶ κατασκευάζειν τὴν πανδούραν ἐκ τῆσ ἐν τῇ θαλάσσῃ φυομένησ δάφνησ. Τυρρηνῶν δ’ ἐστὶν εὑρ́ημα κέρατά τε καὶ σάλπιγγεσ.

Μητρόδωροσ δ’ ὁ Χῖοσ ἐν Τρωικοῖσ σύριγγα μέν φησιν εὑρεῖν Μαρσύαν καὶ αὐλεῖν ἐν Κελαιναῖσ, τῶν πρότερον ἑνὶ καλάμῳ συριζόντων. Εὐφορίων δ’ ὁ ἐποποιὸσ ἐν τῷ περὶ μελοποιῶν τὴν μὲν μονοκάλαμον σύριγγα Ἑρμῆν εὑρεῖν, τινὰσ δ’ ἱστορεῖν Σεύθην καὶ Ῥωνάκην τοὺσ Μαιδούσ,2 τὴν δὲ πολυκάλαμον Σιληνόν, Μαρσύαν δὲ τὴν κηρόδετον.

일치하는 문장이 없습니다.

SEARCH

MENU NAVIGATION