헬라어 문장 검색 - ΑτηενάΤηεΔειπ

(아테나이오스, The Deipnosophists, Book 4, book 4, chapter 35 1:)

"ἐπειδὴ δὲ εἰσῆλθον ἐπὶ τὸ δεῖπνον πάντεσ τὸ δὲ δεῖπνον ἦν καθημένοισ κύκλῳ, ἔπειτα δὲ τρίποδεσ εἰσηνέχθησαν πᾶσιν. "οὗτοι δὲ ὅσον εἴκοσι κρεῶν μεστοὶ νενεμημένων καὶ ἄρτοι ζύμητεσ μεγάλοι προσπεπερονημένοι ἦσαν πρὸσ τοῖσ κρέασι. "μάλιστα δ’ αἱ τράπεζαι κατὰ τοὺσ ξένουσ αἰεὶ ἐτίθεντο· "νόμοσ γὰρ ἦν. καὶ πρῶτοσ τοῦτ’ ἐποίει Σεύθησ· "ἀνελόμενοσ τοὺσ παρ’ αὑτῷ κειμένουσ ἄρτουσ διέκλα κατὰ μικρὰ καὶ διερρίπτει οἷσ αὐτῷ ἐδόκει καὶ τὰ κρέα ὡσαύτωσ, ὅσον μόνον γεύσασθαι ἑαυτῷ καταλιπών. καὶ οἱ ἄλλοι δὲ κατὰ τὰ αὐτὰ ἐποίουν, καθ’ οὓσ καὶ αἱ τράπεζαι ἔκειντο. "Ἀρκὰσ δέ τισ Ἀρύστασ ὄνομα, φαγεῖν δεινόσ, τὸ μὲν διαρριπτεῖν εἰά χαίρειν, λαβὼν δ’ εἰσ τὴν χεῖρα ὅσον τριχοίνικον ἄρτον καὶ κρέα θέμενοσ ἐπὶ τὰ γόνατα ἐδείπνει. "κέρατα δὲ οἴνου περιέφερον καὶ πάντεσ ἐδέχοντο. "ὁ δὲ Ἀρύστασ ἐπεὶ παρ’ αὐτὸν φέρων τὸ κέρασ ὁ οἰνοχόοσ ἦν, εἶπεν ἰδὼν τὸν Ξενοφῶντα οὐκ ἔτι δειπνοῦντα· "’ ἐκείνῳ, ἔφη, δόσ· "σχολάζει γὰρ ἤδη, ἐγὼ δ’ οὔπω ἐνταῦθα μὲν δὴ γέλωσ ἐγένετο. "ἐπεὶ δὲ προὐχώρει ὁ πότοσ, εἰσῆλθεν ἀνὴρ Θρᾷξ ἵππον ἔχων λευκὸν καὶ λαβὼν κέρασ μεστὸν ’ προπίνω σοι, ὦ Σεύθη, ἔφη, καὶ τὸν ἵππον δωροῦμαι, ἐφ’ οὗ καὶ διώκων ὃν ἂν θέλῃσ αἱρήσεισ καὶ ἀποχωρῶν οὐ μὴ δείσῃσ τὸν πολέμιον. "’ ἄλλοσ παῖδα εἰσαγαγὼν οὕτωσ ἐδωρήσατο προπίνων καὶ ἄλλοσ ἱμάτια τῇ γυναικί, καὶ Τιμασίων προπίνων φιάλην τε ἀργυρᾶν καὶ κοπίδα ἀξίαν δέκα μνῶν. Γνήσιπποσ δὲ τισ Ἀθηναῖοσ ἀναστὰσ εἶπεν ὅτι ἀρχαῖοσ εἰή νόμοσ κάλλιστοσ τοὺσ μὲν ἔχοντασ διδόναι τῷ βασιλεῖ τιμῆσ ἕνεκα, τοῖσ δὲ μὴ ἔχουσι διδόναι τὸν βασιλέα. Ξενοφῶν δὲ ἀνέστη θαρσαλέωσ καὶ δεξάμενοσ τὸ κέρασ εἶπεν ἐγώ σοι, ὦ Σεύθη, δίδωμι ἐμαυτὸν καὶ τοὺσ ἐμοὺσ τούτουσ ἑταίρουσ φίλουσ εἶναι πιστοὺσ καὶ οὐδένα ἄκοντα, καὶ νῦν πάρεισιν οὐδέν σε προσαιτοῦντεσ, ἀλλὰ καὶ πονεῖν ὑπὲρ σοῦ καὶ προκινδυνεύειν βουλόμενοι. "’ καὶ ὁ Σεύθησ ἀναστὰσ συνέπιε καὶ συγκατεσκεδάσατο μετ’ αὐτοῦ τὸ κέρασ, μετὰ δὲ ταῦτα εἰσῆλθον κέρασί τε οἱοίσ σημαίνουσιν αὐλοῦντεσ καὶ σάλπιγξιν ὠμοβοείαισ ῥυθμούσ τε καὶ οἱονεὶ μάγαδιν σαλπίζοντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 4, book 4, chapter 35 1:

(아테나이오스, The Deipnosophists, Book 4, book 4, chapter 35 1:)

상위

목록

SEARCH

MENU NAVIGATION