헬라어 문장 검색 - ΑτηενάΤηεΔειπ

(아테나이오스, The Deipnosophists, Book 4, book 4, chapter 20)

τὴν >δὲ τῆσ διαίτησ τῆσ τοιαύτησ σκληρότητα ὕστερον καταλύσαντεσ οἱ Λάκωνεσ ἐξώκειλαν εἰσ τρυφήν. Φύλαρχοσ γοῦν ἐν τῇ ε καὶ κ τῶν ἱστοριῶν τάδε γράφει περὶ αὐτῶν· "Λακεδαιμόνιοι εἰσ μὲν τὰ φιδίτια οὐκ ἤρχοντο κατὰ τὸ πάτριον ἔθοσ· "ὅτε δὲ καὶ παραγένοιντο, μικρὰ συμπεριενεχθεῖσι νόμου χάριν παρεσκευάζετο καὶ σκιάδεια αὐτοῖσ στρωμναί τε τοῖσ μεγέθεσιν οὕτωσ ἐξησκημέναι πολυτελῶσ καὶ τῇ ποικιλίᾳ διαφόρωσ ὥστε τῶν ξένων ἐνίουσ τῶν παραληφθέντων ὀκνεῖν τὸν ἀγκῶνα ἐπὶ τὰ προσκεφάλαια ἐρείδειν. "οἱ δὲ πρότερον ἐπὶ τοῦ κλιντηρίου ψιλοῦ διακαρτεροῦντεσ παρ’ ὅλην τὴν συνουσίαν, ὅτε τὸν ἀγκῶνα ἅπαξ ἐρείσειαν εἰσ δὲ τὴν προειρημένην τρυφὴν ἦλθον ποτηρίων τ’ ἐκθέσεισ πολλῶν καὶ βρωμάτων παντοδαπῶσ πεποιημένων παραθέσεισ, ἔτι δὲ μύρων ἐξηλλαγμένων, ὡσ δ’ αὕτωσ οἴνων καὶ τραγημάτων. "καὶ τούτων ἦρξαν οἱ μικρὸν πρὸ Κλεομένουσ βασιλεύσαντεσ Ἄρευσ καὶ Ἀκρότατοσ αὐλικὴν ἐξουσίαν ζηλώσαντεσ· "οὓσ τοσοῦτον αὖθισ ὑπερῆράν τινεσ τῶν ἰδιωτῶν τῶν ἐν Σπάρτῃ γενομένων κατ’ ἐκεῖνον τὸν χρόνον τῇ πολυτελείᾳ τῇ καθ’ αὑτούσ, ὥστε δοκεῖν τὸν Ἄρεα καὶ τὸν Ἀκρότατον εὐτελείᾳ πάντασ ὑπερβεβληκέναι τοὺσ ἀφελεστάτουσ τῶν πρότερον. "Κλεομένησ δὲ πολὺ διενέγκασ τῷ τε συνιδεῖν πράγματα, καίτοι νέοσ ὢν, καὶ κατὰ τὴν δίαιταν ἀφελέστατοσ γέγονεν. "ἤδη γὰρ τηλικούτων πραγμάτων ἡγούμενοσ ἔμφασιν τοῖσ παραλαμβανομένοισ πρὸσ τὴν θυσίαν ἐποίει διότι τὰ παρὰ ἐκείνοισ τῶν παρ’ αὐτὸν οὐδὲν καταδεέστερον εἰή παρασκευαζόμενα, πολλῶν δὲ πρεσβειῶν παραγινομένων πρὸσ αὐτὸν οὐδέποτε ἐνωρίστερον τοῦ κατειθισμένου συνῆγεν καιροῦ, πεντακλίνου τε διεστρώννυτο οὐδέποτε πλεῖον ὅτε δὲ μὴ παρείη πρεσβεία, τρίκλινον. "καὶ πρόσταγμα οὐκ ἐγίνετο δι’ ἐδεάτρου τίσ εἵσεται καὶ κατακλιθήσεται πρῶτοσ, ἀλλ’ ὁ πρεσβύτατοσ ἡγεῖτο ἐπὶ τὰσ κλίνασ, εἰ μή. τιν’ αὐτὸσ προσκαλέσαιτο. "κατελαμβάνετο δὲ ἐπὶ τὸ πολὺ μετὰ τοῦ ἀδελφοῦ κατακείμενοσ ἢ μετά τινοσ τῶν ἡλικιωτῶν. ἐπί τε τῷ τρίποδι ψυκτὴρ χαλκοῦσ ἐπέκειτο καὶ κάδοσ καὶ σκαφίον ἀργυροῦν δύο κοτύλασ χωροῦν καὶ κύαθοσ, ἡ δ’ ἐπίχυσισ χαλκῆ. πιεῖν δὲ οὐ προσεφέρετο εἰ μή τισ αἰτήσειεν ἐδίδοτο δὲ κύαθοσ εἷσ πρὸ τοῦ δείπνου, αὐτῷ δὲ πολὺ πρώτῳ· "καὶ ὅτε προσνεύσειεν ἐκεῖνοσ, οὕτωσ ᾔτουν καὶ οἱ λοιποί, τὰ δὲ παρατιθέμενα ἐπὶ μὲν τραπεζίου ἦν τοῦ τυχόντοσ, τὰ δὲ λοιπὰ ὥστε μήθ’ ὑπεραίρειν μήτ’ ἐλλείπειν,4 ἀλλ’ ἱκανὰ ἅπασι γίνεσθαι καὶ μὴ προσδεῖσθαι τοὺσ παρόντασ. "οὔτε γὰρ οὕτωσ ᾤετο δεῖν ὥσπερ ἐν τοῖσ φιδιτίοισ δέχεσθαι ζωμῷ καὶ κρεᾳδίοισ ἀφελῶσ οὔτε πάλιν οὕτωσ ὑπερτείνειν ὡσ εἰσ τὸ μηθὲν δαπανᾶν, ὑπερβάλλοντα τὸ σύμμετρον τῆσ διαίτησ, τὸ μὲν γὰρ ἀνελεύθερον ἐνόμιζε, τὸ δ’ ὑπερήφανον. "ὁ δ’ οἶνοσ ἦν μικρῷ βελτίων ὅτε παρείησάν τινεσ, ἐπεὶ δὲ δειπνήσειαν, ἐσιώπων πάντεσ, ὅ τε παῖσ ἐφειστήκει κεκραμένον ἔχων τὸ ποτὸν καὶ τῷ αἰτοῦντι προσέφερε, τὸν αὐτὸν δὲ τρόπον καὶ μετὰ τὸ δεῖπνον οὐ πλεῖον ἐδίδοτο δύο κυάθων καὶ τοῦτο προσνεύσαντι προσεφέρετο. "ἀκρόαμα δὲ οὐδὲν οὐδέποτε παρεπορεύετο, διετέλει δ’ αὐτὸσ προσομιλῶν πρὸσ ἕκαστον καὶ πάντασ ἐκκαλούμενοσ εἰσ τὸ τὰ μὲν ἀκούειν, τὰ δὲ λέγειν αὐτούσ, ὥστε τεθηρευμένουσ ἀποτρέχειν ἅπαντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 4, book 4, chapter 20

(아테나이오스, The Deipnosophists, Book 4, book 4, chapter 20)

상위

목록

SEARCH

MENU NAVIGATION