호흡부호 보기
강세부호 보기
장단부호 보기
작은 Iota 보기
모든 부호 보기
"Τί δὲ ἐσφέρωμεν αἱ μήτε ἀρχῆσ μήτε τιμῆσ μήτε στρατηγίασ μήτε τῆσ πολιτείασ ὅλωσ, τῆσ ὑμῖν ἐσ τοσοῦτον ἤδη κακοῦ περιμαχήτου, μετέχουσαι; ὅτι φατὲ πόλεμον εἶναι; καὶ πότε οὐ γεγόνασι πόλεμοι; καὶ πότε γυναῖκεσ συνεισήνεγκαν; ἃσ ἡ μὲν φύσισ ἀπολύει παρὰ ἅπασιν ἀνθρώποισ, αἱ δὲ μητέρεσ ἡμῶν ὑπὲρ τὴν φύσιν ἐσήνεγκάν ποτε ἅπαξ, ὅτε ἐκινδυνεύετε περὶ τῇ ἀρχῇ πάσῃ καὶ περὶ αὐτῇ τῇ πόλει, Καρχηδονίων ἐνοχλούντων. καὶ τότε δὲ ἐσήνεγκαν ἑκοῦσαι, καὶ οὐκ ἀπὸ γῆσ ἢ χωρίων ἢ προικὸσ ἢ οἰκιῶν, ὧν χωρὶσ ἀβίωτόν ἐστιν ἐλευθέραισ, ἀλλὰ ἀπὸ μόνων τῶν οἴκοι κόσμων, οὐδὲ τούτων τιμωμένων οὐδὲ ὑπὸ μηνυταῖσ ἢ κατηγόροισ οὐδὲ πρὸσ ἀνάγκην ἢ βίαν, ἀλλ’ ὅσον ἐβούλοντο αὐταί. τίσ οὖν καὶ νῦν ἐστιν ὑμῖν περὶ τῆσ ἀρχῆσ ἢ περὶ τῆσ πατρίδοσ φόβοσ; ἴτω τοίνυν ἢ Κελτῶν πόλεμοσ ἢ Παρθυαίων, καὶ οὐ χείρουσ ἐσ σωτηρίαν ἐσόμεθα τῶν μητέρων. ἐσ δὲ ἐμφυλίουσ πολέμουσ μήτε ἐσενέγκαιμέν ποτε μήτε συμπράξαιμεν ὑμῖν κατ’ ἀλλήλων. οὐδὲ γὰρ ἐπὶ Καίσαροσ ἢ Πομπηίου συνεφέρομεν, οὐδὲ Μάριοσ ἡμᾶσ οὐδὲ Κίννασ ἠνάγκασεν οὐδὲ Σύλλασ, ὁ τυραννήσασ τῆσ πατρίδοσ· ὑμεῖσ δέ φατε καὶ καθίστασθαι τὴν πολιτείαν.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기