Appian, The Civil Wars, book 4, chapter 13

(아피아노스, The Civil Wars, book 4, chapter 13)

Τοῦ δὲ Σερρείου προύχοντοσ ἐσ τὸ πέλαγοσ, αὐτοὶ μὲν ἐσ τὰ μεσόγαια ἀνεχώρουν, Τίλλιον δὲ Κίμβρον μετὰ τοῦ ναυτικοῦ καὶ τέλουσ ὁπλιτῶν ἑνὸσ καὶ τοξοτῶν τινων τὴν ἀκτὴν περιπλεῖν ἔπεμπον, ἣ πάλαι μὲν ἦν ἐρημοτάτη, καίπερ εὔγεωσ οὖσα, τῶν Θρᾳκῶν οὔτε θαλάσσῃ χρωμένων οὔτε ἐσ τὰ παράλια κατιόντων ὑπὸ δέουσ τῶν ἐπιπλεόντων· Ἑλλήνων δ’ αὐτὴν ἑτέρων τε καὶ Χαλκιδέων καταλαβόντων καὶ θαλάσσῃ χρωμένων, ἤνθει ταῖσ ἐμπορίαισ καὶ γεωργίαισ, χαιρόντων σφίσι καὶ τῶν Θρᾳκῶν διὰ τὴν τῶν ὡραίων ἄμειψιν, μέχρι Φίλιπποσ ὁ Ἀμύντου τούσ τε ἄλλουσ καὶ Χαλκιδέασ ἀνέστησεν, ὡσ μηδὲν ἔτι πλὴν οἰκόπεδα μόνον ἱερῶν ὁρᾶσθαι. τήνδε οὖν τὴν ἀκτὴν αὖθισ ἔρημον οὖσαν ὁ Τίλλιοσ παραπλέων, ὥσ οἱ πρὸσ τῶν ἀμφὶ τὸν Βροῦτον εἴρητο, στρατοπέδοισ ἐπιτήδεια χωρία ἀνεμέτρει καὶ διέγραφε καὶ ταῖσ ναυσὶ κατὰ μέρη πρόσπλουν, ἵν’ οἱ περὶ τὸν Νωρβανόν, ὡσ ἀχρεῖον ἔτι τὸ τηρεῖν, τὰ στενὰ ἐκλίποιεν. καὶ ἐγένετο μὲν ὡσ προσεδόκησαν· ὑπὸ γὰρ τῆσ φαντασίασ τῶν νεῶν Νωρβανὸσ ἐπὶ τῶν Σαπαίων στενῶν ἐθορυβήθη καὶ ἐκάλει Δεκίδιον ἐκ τῶν Κορπίλων κατὰ σπουδὴν ἐπικουρεῖν οἱ. καὶ ἐπεκούρει, τὰ δὲ τῶν Κορπίλων στενὰ ἐκλειφθέντα οἱ περὶ τὸν Βροῦτον διώδευον. Ἐκφανείσησ δὲ τῆσ ἐνέδρασ ὁ Νωρβανὸσ καὶ ὁ Δεκίδιοσ τὰ Σαπαίων κατεῖχον ἰσχυρῶσ.

καὶ πάλιν ἦν ἄπορα τοῖσ ἀμφὶ τὸν Βροῦτον, ἀθυμία τε ἐνέπιπτε, μὴ δέοι σφᾶσ ἧσ ὑπερεωράκεσαν περιόδου νῦν ἄρχεσθαι καὶ ἀνακυκλεύειν τὰ ἠνυσμένα, ὀψὲ καὶ τοῦ χρόνου καὶ τῆσ ὡρ́ασ γεγονότων. ὧδε δὲ αὐτοῖσ ἔχουσιν ὁ Ῥασκούπολισ ἐφη περίοδον εἶναι παρ’ αὐτὸ τὸ τῶν Σαπαίων ὄροσ ἡμερῶν τριῶν, ἄβατον μὲν ἀνθρώποισ ἐσ τὸ νῦν ὑπό τε κρημνῶν καὶ ἀνυδρίασ καὶ ὕλησ πυκνῆσ· ἢν δὲ ἐθέλωσιν ὕδωρ τε ἐπάγεσθαι καὶ ὁδοποιεῖν στενὴν καὶ αὐτάρκη δίοδον, οὐ γνωσθήσεσθαι μὲν διὰ τὴν συνηρέφειαν οὐδὲ οἰωνοῖσ, τῇ τετάρτῃ δὲ ἐπὶ Ἁρπησσὸν ποταμὸν ἥξειν, ἐκπίπτοντα ἐσ τὸν Ἕρμον, ὅθεν ἡμέρασ ἔτι μιᾶσ ἐν Φιλίπποισ ἔσεσθαι, τοὺσ πολεμίουσ περιλαβόντασ, ὡσ ἀπειλῆφθαι τέλεον αὐτοὺσ καὶ οὐδὲ ἀναχώρησιν ἕξειν. τοῖσ δὲ ἐδόκει τὰ λεγόμενα τῆσ τε ἄλλησ ἀπορίασ οὕνεκα καὶ ἐλπίδι μάλιστα τοῦ περιλήψεσθαι τοσόνδε στρατὸν πολεμίων. Προπέμπουσιν οὖν μέροσ, Λευκίῳ Βύβλῳ παραδόντεσ, ὁδοποιεῖν μετὰ τοῦ Ῥασκουπόλιδοσ.

οἱ δ’ ἐπιμόχθωσ μέν, ὅμωσ δὲ ἔπραττον αὐτὸ μετὰ ὁρμῆσ καὶ προθυμίασ, καὶ μᾶλλον, ἐπεί τινεσ αὐτοῖσ προπεμφθέντεσ ἐπανῆλθον, ἰδεῖν τὸν ποταμὸν ἐξ ἀπόπτου λέγοντεσ. τῇ δὲ τετάρτῃ κάμνοντεσ ὑπό τε κόπου καὶ δίψουσ, ἐπιλιπόντοσ ἤδη τι καὶ τοῦ ὕδατοσ, ὃ ἐπήγοντο, ἀνέφερον, ὅτι τριήμερόν σφισι τὸ ἄνυδρον ἐλέγετο εἶναι, καὶ ἐν φόβῳ πανικῷ περὶ ἐνέδρασ ἐγίγνοντο, οὐκ ἀπιστοῦντεσ μὲν τοῖσ προπεμφθεῖσι τὸν ποταμὸν ἰδεῖν, ἡγούμενοι δὲ ἑτέραν ἄγεσθαι. καὶ ἀθύμουν καὶ ἐβόων καὶ τὸν Ῥασκούπολιν, ὅτε ἴδοιεν περιθέοντα καὶ παρακαλοῦντα, ἐλοιδόρουν καὶ ἔβαλλον. Βύβλου δὲ αὐτοὺσ ἱκετεύοντοσ ἐκπονῆσαι τὰ λοιπὰ μετ’ εὐφημίασ, ὁ ποταμὸσ περὶ ἑσπέραν ἑωρᾶτο τοῖσ πρώτοισ· καὶ βοῆσ, ὡσ εἰκόσ, λαμπρᾶσ ἐπὶ τῇ χαρᾷ γενομένησ, ἡ βοή, μεταλαμβανόντων αὐτὴν τῶν κατόπιν ἑξῆσ, ἐπὶ τοὺσ ὑστάτουσ περιῄει. Βροῦτοσ δὲ καὶ Κάσσιοσ ἐπεὶ ἔμαθον, ἱέντο αὐτίκα δρόμῳ, διὰ τῆσ τετμημένησ τὸν ἄλλον στρατὸν ἄγοντεσ. οὐ μὴν ἔλαθόν γε τοὺσ πολεμίουσ ἐσ· τέλοσ οὐδὲ περιέλαβον αὐτούσ· ὁ γάρ τοι Ῥάσκοσ, ὁ ἀδελφὸσ τοῦ Ῥασκουπόλιδοσ, ἐκ τῆσ βοῆσ ὑπονοήσασ ἐσκέψατο καὶ τὸ γιγνόμενον ἰδὼν ἐθαύμασε μὲν ὁδὸν ἄνυδρον ἐλθόντοσ στρατοῦ τοσοῦδε, ἣν οὐδὲ θηρίον ᾤετο ὁδεύσειν διὰ τοιᾶσδε ὕλησ, καὶ ἀνήγγειλε τοῖσ ἀμφὶ τὸν Νωρβανόν· οἱ δὲ νυκτὸσ ἔφευγον ἐκ τῶν Σαπαίων ἐπ’ Ἀμφιπόλεωσ. καὶ οἱ Θρᾷκεσ ἄμφω διὰ στόματοσ ἦσαν ἐν τοῖσ στρατοῖσ, ὁ μὲν ἀγνοουμένην ἀγαγών, ὁ δ’ οὐκ ἀγνοήσασ. Οἱ δ’ ἀμφὶ τὸν Βροῦτον ἐκ παραλόγου τόλμησ ἐσ Φιλίππουσ παρῆλθον, ἔνθα αὐτοῖσ καὶ ὁ Τίλλιοσ ἐπικατήχθη καὶ πᾶσ ὁ στρατὸσ συνεληλύθει.

οἱ δὲ Φίλιπποι πόλισ ἐστίν, ἣ Δάτοσ ὠνομάζετο πάλαι καὶ Κρηνίδεσ ἔτι πρὸ Δάτου· κρῆναι γάρ εἰσι περὶ τῷ λόφῳ ναμάτων πολλαί. Φίλιπποσ δὲ ὡσ εὐφυὲσ ἐπὶ Θρᾴκησ χωρίον ὠχύρωσέ τε καὶ ἀφ’ ἑαυτοῦ Φιλίππουσ προσεῖπεν. ἔστι δὲ ἡ πόλισ ἐπὶ λόφου περικρήμνου, τοσαύτη τὸ μέγεθοσ, ὅσον ἐστὶ τοῦ λόφου τὸ εὖροσ. ἔχει δὲ πρὸσ μὲν ἄρκτῳ δρυμούσ, δι’ ὧν ὁ Ῥασκούπολισ ἤγαγε τοὺσ ἀμφὶ τὸν Βροῦτον· πρὸσ δὲ τῇ μεσημβρίᾳ ἕλοσ ἔστι καὶ θάλασσα μετ’ αὐτό, κατὰ δὲ τὴν ἑώ τὰ στενὰ τὰ Σαπαίων τε καὶ Κορπίλων, ἐκ δὲ τὴσ δύσεωσ πεδίον μέχρι Μυρκίνου τε καὶ Δραβήσκου καὶ ποταμοῦ Στρυμόνοσ, τριακοσίων που καὶ πεντήκοντα σταδίων, εὔφορον πάνυ καὶ καλόν, ἔνθα καὶ τὸ πάθοσ τῇ Κόρῃ φασὶν ἀνθιζομένῃ γενέσθαι, καὶ ποταμὸσ ἔστι Ζυγάκτησ, ἐν ᾧ τοῦ θεοῦ περῶντοσ τὸ ἁρ́μα τὸν ζυγὸν ἄξαι λέγουσι καὶ τῷ ποταμῷ γενέσθαι τὸ ὄνομα. κατωφερὲσ δ’ ἐστὶ τὸ πεδίον, ὡσ ἐπιδέξιον μὲν εἶναι τοῖσ ἄνωθεν ὁρμῶσιν ἐκ τῶν Φιλίππων, ἄναντεσ δὲ τοῖσ ἐξ Ἀμφιπόλεωσ βιαζομένοισ. Φιλίππων μὲν οὖν ἐστιν ἕτεροσ λόφοσ οὐ μακράν, ὃν Διονύσου λέγουσιν, ἐν ᾧ καὶ τὰ χρυσεῖα ἔστι τὰ Ἄσυλα καλούμενα.

ἀπὸ δὲ τούτου δέκα σταδίουσ προελθόντι δύο εἰσὶν ἄλλοι λόφοι, Φιλίππων μὲν αὐτῶν ὅσον ὀκτωκαίδεκα σταδίουσ ἀφεστῶτεσ, ἀλλήλων δὲ ὅσον ὀκτώ, ἐν οἷσ ἐστρατοπέδευσαν, Κάσσιοσ μὲν ἐπὶ τοῦ πρὸσ μεσημβρίαν, Βροῦτοσ δὲ ἐπὶ τοῦ βορείου. καὶ τῶν ἀμφὶ τὸν Νωρβανὸν ὑποχωρούντων οὐκέτι προῄεσαν· Ἀντώνιόν τε γὰρ ἐπυνθάνοντο πλησιάζειν, Καίσαροσ ὑπολελειμμένου διὰ νόσον ἐν Ἐπιδάμνῳ, καὶ τὸ πεδίον ἦν ἐναγωνίσασθαι καλὸν καὶ οἱ κρημνοὶ στρατοπεδεῦσαι. τὰ γὰρ ἑκατέρωθεν αὐτῶν, τῇ μὲν ἦν ἕλη καὶ λίμναι μέχρι τοῦ Στρυμόνοσ, τῇ δὲ τὰ στενὰ καὶ ἀτριβῆ καὶ ἀνόδευτα· τὸ δὲ μέσον τῶν λόφων, τὰ ὀκτὼ στάδια, δίοδοσ ἦν ἐσ τὴν Ἀσίαν τε καὶ Εὐρώπην καθάπερ πύλαι, καὶ αὐτὰ διετείχισαν ἀπὸ χάρακοσ ἐσ χάρακα καὶ πύλασ ἐν μέσῳ κατέλιπον, ὡσ ἓν εἶναι τὰ δύο στρατόπεδα. ἦν δὲ καὶ παρ’ αὐτὸ ποταμόσ, ὃν Γάγγαν τινέσ, οἳ δὲ Γαγγίτην λέγουσι, καὶ θάλασσα ὄπισθεν, ἐν ᾗ καὶ τὰ ταμιεῖα καὶ ἐνορμίσματα ἔμελλον ἕξειν. Θάσον μὲν δὴ ταμιεῖον, ἀπὸ ἑκατὸν σταδίων οὖσαν, ἐτίθεντο, ἐνόρμισμα δὲ ταῖσ τριήρεσι Νέαν πόλιν, ἀπὸ ἑβδομήκοντα σταδίων.

일치하는 문장이 없습니다.

SEARCH

MENU NAVIGATION