헬라어 문장 검색 - Αππιαν́ΤηεΞιϝί4́08́

(아피아노스, The Civil Wars, book 4, chapter 8)

Τοῦτο μὲν δὴ τέλοσ ἦν τῷ περὶ Λιβύην Σεξστίου καὶ Κορνιφικίου πολέμῳ, βραχεῖ διὰ ταχυεργίαν δόξαντι εἶναι· τὰ δ’ ἀμφὶ Κάσσιόν τε καὶ Βροῦτον, μικρὰ καὶ τῶν εἰρημένων ἀναλαβόντι ἐσ ὑπόμνημα, ἦν τοιάδε.

ἐπειδὴ Γάιοσ Καῖσαρ ἀνῄρητο, οἱ μὲν σφαγεῖσ αὐτοῦ τὸ Καπιτώλιον κατέλαβον καὶ ψηφισθείσησ αὐτοῖσ ἀμνηστίασ κατέβησαν. ὁ δὲ δῆμοσ ἐπὶ τῇ ἐκκομιδῇ τοῦ σώματοσ ἐν οἴκτῳ Καίσαροσ γενόμενοσ ἐζήτει τοὺσ φονέασ περιθέων. οἱ δὲ τότε μὲν ἠμύνοντο αὐτοὺσ ἀπὸ τῶν τεγῶν, εὐθὺσ δὲ ἐξῄεσαν αὐτῶν, ὅσοι στρατηγεῖν ἐθνῶν ὑπὸ Καίσαροσ αὐτοῦ κεχειροτόνηντο. Κάσσιοσ δὲ καὶ Βροῦτοσ ἐστρατήγουν μὲν ἔτι τῆσ πόλεωσ, ᾕρηντο δὲ ἐπὶ τῇ στρατηγίᾳ καὶ οἵδε ὑπὸ Γαϊού Καίσαροσ ἡγεῖσθαι Συρίασ μὲν ὁ Κάσσιοσ, Μακεδονίασ δὲ ὁ Βροῦτοσ. οὔτε δὲ ἄρχειν πω τῶν ἐθνῶν πρὸ τοῦ χρόνου δυνάμενοι οὔτε τὸν ἐν ἄστει φόβον ὑπομένοντεσ ἐξῄεσαν ἔτι στρατηγοῦντεσ· καὶ αὐτοῖσ ἐσ εὐπρέπειαν ἡ βουλὴ σίτου φροντίσαι προσέταξεν, ἵνα μὴ τὸ ἐν μέσῳ διάστημα φεύγειν νομίζοιντο. οἰχομένων δὲ αὐτῶν Συρία μὲν καὶ Μακεδονία εἰσ τοὺσ ὑπάτουσ Ἀντώνιόν τε καὶ Δολοβέλλαν μετεψηφίζετο, τῆσ βουλῆσ πάνυ δυσχεραινούσησ, ἀντεδόθη δὲ ὅμωσ τοῖσ ἀμφὶ τὸν Κάσσιον Κυρήνη τε καὶ Κρήτη· ὧν ὑπεριδόντεσ ὡσ βραχυτέρων ἐκεῖνοι στρατὸν καὶ χρήματα ἤγειρον ὡσ ἐσ Συρίαν καὶ Μακεδονίαν ἐσβαλοῦντεσ. Καὶ οἱ μὲν ἦσαν ἐν τούτοισ, Τρεβώνιον δὲ ἐν Ἀσίᾳ κτείναντοσ Δολοβέλλα καὶ Δέκμον Ἀντωνίου πολιορκοῦντοσ ἐν Κελτοῖσ, χαλεπαίνουσα ἡ βουλὴ Δολοβέλλαν μὲν καὶ Ἀντώνιον ἐψηφίσαντο εἶναι πολεμίουσ, Βροῦτον δὲ καὶ Κάσσιον ἐσ τὰσ προτέρασ ἡγεμονίασ ἐπανήγαγον καὶ Βρούτῳ τὴν Ἰλλυρίδα προσέθεσαν τοῖσ τε ἄλλοισ πᾶσιν ἐκέλευσαν, ὅσοι Ῥωμαίοισ ἡγεμονεύουσιν ἐθνῶν ἢ στρατοπέδων ἀπὸ τοῦ Ιὀνίου μέχρι Συρίασ, ὑπακούειν, ἐσ ὅ τι κελεύοι Κάσσιοσ ἢ Βροῦτοσ.

Μούρκῳ δ’ ἧκεν ἐπίκουροσ Μάρκιοσ Κρίσποσ ἐκ Βιθυνίασ μετὰ τριῶν τελῶν ἄλλων, καὶ τὸν Βάσσον ἐπολιόρκουν ὁμοῦ πάντεσ ἓξ τέλεσιν ἤδη. ἐπὶ δὲ τούτοισ Κάσσιοσ φθάνει Δολοβέλλαν ἐσ τὴν Συρίαν ἐμβαλὼν καὶ σημεῖα τῆσ ἡγεμονίασ ἀνέσχε καὶ δυώδεκα τέλη στρατοῦ Γαϊῴ Καίσαρι ἐκ πολλοῦ στρατευόμενα καὶ γεγυμνασμένα προσέλαβεν ἀθρόωσ· οὗ τὸ μὲν ἓν αὐτῶν ὁ Καῖσαρ ἐν Συρίᾳ καταλελοίπει, τὰ ἐσ Παρθυαίουσ ἤδη διανοούμενοσ, τὴν δὲ ἐπιμέλειαν αὐτοῦ ἐπιτέτραπτο μὲν Καικίλιοσ Βάσσοσ, τὸ δὲ ἀξίωμα εἶχε νεανίασ αὐτοῦ Καίσαροσ συγγενήσ, Σέξστοσ Ιοὔλιοσ. ἐκδιαιτώμενοσ δὲ ὁ Ιοὔλιοσ τὸ τέλοσ ἐσ τρυφὴν ἐπήγετο ἀσχημόνωσ καὶ ἐπιμεμφομένῳ τῷ Βάσσῳ ποτὲ ἐνύβρισε· καὶ καλῶν ὕστερον, ἐπειδὴ βραδέωσ ὑπήκουεν, ἄγειν αὐτὸν ἐκέλευεν ἕλκοντασ. θορύβου δὲ ἀσχήμονοσ καὶ πληγῶν ἐσ τὸν Βάσσον γενομένων οὐκ ἐνεγκοῦσα τὴν ὄψιν ἡ στρατιὰ τὸν Ιοὔλιον συνηκόντισε. καὶ εὐθὺσ ἦν μετάνοια καὶ δέοσ ἐκ τοῦ Καίσαροσ. συνομόσαντεσ οὖν ἀλλήλοισ, εἰ μή τισ αὑτοῖσ συγγνώμη καὶ πίστισ γένοιτο, διαγωνιεῖσθαι μέχρι θανάτου, τὸν Βάσσον ἐσ ταῦτα συνηνάγκασαν. τέλοσ δὲ στρατεύσαντεσ ἕτερον, συνεγύμναζον ἄμφω καὶ Στάιον Μοῦρκον, ὑπὸ Καίσαροσ αὐτοῖσ σὺν τρισὶ τέλεσιν ἐπιπεμφθέντα, γενναίωσ ἀπεμάχοντο. Κάσσιοσ οὖν τήνδε τὴν πολιορκίαν σπουδῇ καταλαβὼν τόν τε τοῦ Βάσσου στρατὸν αὐτίκα παρελάμβανεν ἑκόντα καὶ ἐπ’ ἐκείνῳ τὰ Μούρκου τέλη καὶ Μαρκίου, κατά τε φιλίαν αὐτῷ παραδιδόντων καὶ κατὰ τὸ δόγμα τῆσ βουλῆσ ἐσ πάντα ὑπακουόντων.

ἄρτι δὲ καὶ Ἀλλιηνόσ, ὑπὸ Δολοβέλλα πεμφθεὶσ ἐσ Αἴγυπτον, ἐπανῆγεν ἐξ αὐτῆσ τέσσαρα τέλη τῶν ἀπὸ τῆσ ἥσσησ Πομπηίου τε καὶ Κράσσου διαρριφέντων ἢ ὑπὸ Καίσαροσ Κλεοπάτρᾳ καταλελειμμένων· καὶ αὐτὸν ὁ Κάσσιοσ ἐν τῇ Παλαιστίνῃ, τῶν ὄντων οὐ προπεπυσμένον, ἄφνω περιέλαβέ τε καὶ ἠνάγκασε προσθέσθαι οἱ καὶ παραδοῦναι τὸν στρατόν, δείσαντα τέσσαρσι τέλεσι μάχεσθαι πρὸσ ὀκτώ. οὕτω μὲν ὁ Κάσσιοσ ἐκ παραδόξου δυώδεκα τελῶν ἀρίστων ἀθρόωσ ἐκράτει. καὶ αὐτῷ τινεσ καὶ Παρθυαίων ἱπποτοξόται συνεμάχουν, δόξαν ἔχοντι παρὰ τοῖσ Παρθυαίοισ, ἐξ οὗ Κράσσῳ ταμιεύων ἐμφρονέστεροσ ἔδοξε τοῦ Κράσσου γενέσθαι. Δολοβέλλασ δὲ διέτριψε μὲν περὶ τὴν Ιὠνίαν, κτείνων Τρεβώνιον καὶ ταῖσ πόλεσιν ἐπιβάλλων ἐσφορὰσ καὶ ναυτικὸν ἀγείρων ἐπὶ μισθῷ διὰ Λευκίου Φίγλου παρά τε Ῥοδίων καὶ Λυκίων καὶ Παμφύλων καὶ ἐκ Κιλικίασ·

ὡσ δέ οἱ τάδε ἕτοιμα ἦν· ἐπῄει τῇ Συρίᾳ, κατὰ μὲν τὴν γῆν αὐτὸσ μετὰ δύο τελῶν, διὰ δὲ τῆσ θαλάσσησ ὁ Φίγλοσ. πυθόμενοσ δὲ τῆσ Κασσίου στρατιᾶσ ἐσ Λαοδίκειαν οἰκείωσ ἔχουσάν οἱ παρῆλθεν, ἐπί τε χερρονήσου συνῳκισμένην καὶ τὰ ἐκ τῆσ γῆσ ὠχυρωμένην καὶ ἐσ τὸ πέλαγοσ ἔχουσαν ὁρ́μον, ὅθεν ἔμελλεν εὐπορήσειν τε ἀγορᾶσ ἀπὸ θαλάσσησ καὶ ἀδεῶσ, ὅτε βούλοιτο, ἀποπλευσεῖσθαι. ὧν αἰσθανόμενοσ ὁ Κάσσιοσ καὶ δεδιώσ, μὴ αὑτὸν ὁ Δολοβέλλασ διαφύγοι, τόν τε ἴσθμὸν ἔχου διστάδιον ὄντα, λίθουσ καὶ πᾶσαν ὕλην ἐξ ἐπαύλεων καὶ προαστείων καὶ τάφων συμφέρων, καὶ ἐπὶ ναῦσ περιέπεμπεν ἔσ τε Φοινίκην καὶ Λυκίαν καὶ Ῥόδον. Ὑπερορώμενοσ δὲ ὑπὸ τῶν ἄλλων πλὴν Σιδωνίων ἐπανήχθη τῷ Δολοβέλλᾳ, καὶ κατέδυσαν μὲν ἑκατέρου νῆεσ ἱκαναί, πέντε δὲ αὐτοῖσ ἀνδράσιν εἷλεν Δολοβέλλασ.

καὶ ὁ Κάσσιοσ αὖθισ ἔπεμπεν ἐσ τοὺσ ὑπεριδόντασ αὐτοῦ καὶ ἐσ Κλεοπάτραν, τὴν Αἰγύπτου βασιλίδα, καὶ ἐσ Σεραπίωνα, τὸν ἐν Κύπρῳ τῇ Κλεοπάτρᾳ στρατηγοῦντα. Τύριοι μὲν δὴ καὶ Ἀράδιοι καὶ Σεραπίων, οὐδὲν τῆσ Κλεοπάτρασ προμαθών, ἔπεμψαν αὐτῷ ναῦσ, ὅσασ εἶχον· ἡ βασιλὶσ δὲ Κασσίῳ μὲν προύφερε λιμὸν ὁμοῦ καὶ λοιμὸν ἐνοχλοῦντα τότε Αἰγύπτῳ, διὰ δὲ οἰκειότητα τοῦ προτέρου Καίσαροσ συνέπρασσε τῷ Δολοβέλλᾳ. καὶ ἀπὸ τῆσδε τῆσ γνώμησ αὐτῷ καὶ τὰ τέσσαρα τέλη προπεπόμφει δι’ Ἀλλιηνοῦ καὶ στόλον ἄλλον ἕτοιμον εἶχεν ἐπαμύνειν, ἄνεμοι δὲ ἐπεῖχον. Ῥόδιοι δὲ καὶ Λύκιοι οὔτε Κασσίῳ οὔτε Βρούτῳ συμμαχήσειν ἔφασκον ἐσ ἐμφύλια, ἐπεὶ καὶ Δολοβέλλᾳ δοῦναι ναῦσ προπομπούσ, καὶ οὐκ εἰδέναι συμμαχούσασ. Ἑτοιμασάμενοσ οὖν ὁ Κάσσιοσ αὖθισ ἐκ τῶν παρόντων ἐπανήγετο δὶσ τῷ Δολοβέλλᾳ·

καὶ τὸ μὲν πρῶτον ἀγχώμαλοι διεκρίθησαν ἀπ’ ἀλλήλων, τῇ δὲ ἑξῆσ ναυμαχίᾳ ἡσσᾶτο ὁ Δολοβέλλασ, καὶ ὁ Κάσσιοσ αἰρομένου τοῦ χώματοσ ἔκοπτεν αὐτοῦ τὸ τεῖχοσ ἤδη καὶ ἐσάλευεν. τόν τε νυκτοφύλακα αὐτοῦ Μάρσον οὐ δυνηθεὶσ διαφθεῖραι διέφθειρε τοὺσ ἡμεροφυλακοῦντασ αὐτῷ λοχαγοὺσ καὶ ἀναπαυομένου τοῦ Μάρσου μεθ’ ἡμέραν ἐσῆλθεν, ὑπανοιχθεισῶν αὐτῷ πυλίδων κατὰ μέρη πολλῶν. ἁλούσησ δὲ τῆσ πόλεωσ ὁ μὲν Δολοβέλλασ προύτεινε τὴν κεφαλὴν τῷ σωματοφύλακι αὑτοῦ καὶ τεμόντα προσέταξε φέρειν Κασσίῳ σῶστρον ἴδιον· ὁ δὲ τεμὼν ἐπικατέσφαξεν ἑαυτόν, διεχρήσατο δὲ καὶ Μάρσοσ ἑαυτόν. ὁ δὲ Κάσσιοσ τὴν μὲν τοῦ Δολοβέλλα στρατιὰν ἐσ ἑαυτὸν μεθώρκου, Λαοδικέων δὲ τά τε ἱερὰ καὶ τὰ κοινὰ ἐσύλα καὶ τοὺσ ἐπιφανεῖσ ἐκόλαζε καὶ τοὺσ λοιποὺσ ἐσφοραῖσ βαρυτάταισ ἐξέτρυχε, μέχρι τὴν πόλιν περιήνεγκεν ἐσ ἔσχατον κακοῦ. Μετὰ δὲ Λαοδίκειαν ἐπ’ Αἴγυπτον ὡρ́μα, πυνθανόμενοσ μὲν Κλεοπάτραν βαρεῖ στόλῳ διαπλευσεῖσθαι πρόσ τε Καίσαρα καὶ πρὸσ Ἀντώνιον, ἐπινοῶν δὲ κωλῦσαί τε τὸν πλοῦν καὶ τίσασθαι τῆσ γνώμησ τὴν βασιλίδα καὶ πρὸ τῶνδε αὐτὴν Αἴγυπτον ἐνθυμιζόμενοσ μάλιστα ἐν καιρῷ, τετρυμένην τε ὑπὸ λιμοῦ καὶ ξενικὸν στρατὸν οὐ πολὺν ἔχουσαν, ἄρτι τῶν Ἀλλιηνοῦ στρατιωτῶν ἀποστάντων.

οὕτω δὲ αὐτὸν ὁρμῆσ καὶ ἐλπίδοσ ἔχοντα καὶ καιροῦ ὁ Βροῦτοσ ἐκάλει κατὰ σπουδήν, ὡσ ἤδη Καίσαροσ καὶ Ἀντωνίου τὸν Ιὄνιον περώντων. ἄκων μὲν δὴ Κάσσιοσ Αἴγυπτον ἐκ τῶν ἐλπίδων μεθίει καὶ τοὺσ Παρθυαίων ἱπποτοξότασ ἀπέπεμπε τιμήσασ καὶ πρέσβεισ πρὸσ τὸν βασιλέα αὐτῶν ἔστελλε περὶ μείζονοσ συμμαχίασ, ἣ μετὰ τὸ ἔργον ἀφικνουμένη Συρίαν τε καὶ πολλὰ τῶν ἐγγὺσ ἐθνῶν μέχρι Ιὠνίασ ἐπέδραμε καὶ ἀνεχώρησεν. αὐτὸσ δὲ ὁ Κάσσιοσ τὸν μὲν ἀδελφιδοῦν ἐν Συρίᾳ μεθ’ ἑνὸσ τέλουσ ἀπέλιπε, τοὺσ δὲ ἱππέασ προύπεμψεν ἐσ Καππαδοκίαν, οἳ Ἀριοβαρζάνην τε ἄφνω κατέκανον ὡσ ἐπιβουλεύοντα Κασσίῳ καὶ χρήματα πολλὰ τὰ ἐκείνου καὶ τὴν ἄλλην κατασκευὴν ἐσ τὸν Κάσσιον ἐπανήγαγον. Ταρσέων δ’ ἐσ στάσιν διῃρημένων οἱ μὲν τὸν Κάσσιον ἐστεφανώκεσαν ἐλθόντα πρότερον, οἱ δὲ τὸν Δολοβέλλαν ἐπελθόντα·

ἀμφότεροι δὲ τῷ τῆσ πόλεωσ σχήματι ταῦτα ἔπρασσον. καὶ παραλλὰξ αὐτῶν προτιμώντων ἑκάτερον, ὡσ εὐμεταβόλῳ πόλει χαλεπῶσ ἐχρῶντο ἑκάτεροι· Κάσσιοσ δὲ νικήσασ Δολοβέλλαν καὶ ἐσφορὰν ἐπέθηκεν αὐτοῖσ χίλια καὶ πεντακόσια τάλαντα. οἱ δὲ ἀποροῦντέσ τε καὶ ὑπὸ στρατιωτῶν ἐπειγόντων ἀπαιτούμενοι σὺν ὕβρει, τά τε κοινὰ ἀπεδίδοντο πάντα καὶ τὰ ἱερὰ ἐπὶ τοῖσ κοινοῖσ, ὅσα εἶχον ἐσ πομπὰσ ἢ ἀναθήματα, ἔκοπτον. οὐδενὸσ δὲ μέρουσ οὐδ’ ὣσ ἀνυομένου, ἐπώλουν αἱ ἀρχαὶ τὰ ἐλεύθερα· καὶ πρῶτα μὲν ἦν παρθένοι τε καὶ παῖδεσ, ἐπὶ δὲ γυναῖκέσ τε καὶ γέροντεσ ἐλεεινοί, βραχυτάτου πάμπαν ὤνιοι, μετὰ δὲ οἱ νέοι. καὶ διεχρῶντο οἱ πλέονεσ ἑαυτούσ, ἑώσ ὧδε ἔχοντασ ὁ Κάσσιοσ ἐκ Συρίασ ἐπανιὼν ᾤκτειρέ τε καὶ τοῦ λοιποῦ τῶν ἐσφορῶν ἀπέλυσε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 4, chapter 8

(아피아노스, The Civil Wars, book 4, chapter 8)

상위

목록

SEARCH

MENU NAVIGATION