헬라어 문장 검색 - Αππιαν́ΤηεΞιϝί4́02́

(아피아노스, The Civil Wars, book 4, chapter 2)

Οἱ δὲ τρεῖσ ἄνδρεσ ἐφ’ ἑαυτῶν γενόμενοι τοὺσ ἀποθανουμένουσ συνέγραφον, τούσ τε δυνατοὺσ ὑφορώμενοι καὶ τοὺσ ἰδίουσ ἐχθροὺσ καταλέγοντεσ, οἰκείουσ τε σφῶν αὐτῶν ἢ φίλουσ ἐσ τὴν ἀναίρεσιν ἀντιδιδόντεσ ἀλλήλοισ καὶ τότε καὶ ὕστερον. προσκατελέγοντο γὰρ δὴ καὶ ἕτεροι μεθ’ ἑτέρουσ, οἱ μὲν ἀπ’ ἔχθρασ, οἱ δὲ μόνου προσκρούματοσ ἢ φιλίασ ἐχθρῶν ἢ φίλων ἔχθρασ ἢ πλούτου διαφέροντοσ. ἐδέοντο γὰρ ἐσ τὸν πόλεμον χρημάτων πολλῶν, Βρούτῳ μὲν καὶ Κασσίῳ τῶν ἀπὸ τῆσ Ἀσίασ φόρων δεδομένων τε καὶ προσοδευομένων ἔτι καὶ βασιλέων καὶ σατραπῶν συμφερόντων, αὐτοὶ δ’ ἐπὶ τῆσ Εὐρώπησ καὶ μάλιστα τῆσ Ἰταλίασ πολέμοισ τε καὶ εἰσφοραῖσ τετρυμένησ ἀποροῦντεσ· δι’ ἃ καὶ τοῖσ δημόταισ καὶ ταῖσ γυναιξὶ λήγοντεσ ἐπέγραψαν εἰσφορὰσ βαρυτάτασ, καὶ τέλη πράσεων καὶ μισθώσεων ἐπενόησαν. ἤδη δέ τισ καὶ διὰ κάλλοσ ἐπαύλεωσ καὶ οἰκίασ προεγράφη. καὶ ἐγένοντο πάντεσ οἱ θανάτου τε καὶ δημεύσεωσ κατεγνωσμένοι ἀπὸ μὲν τῆσ βουλῆσ ἀμφὶ τοὺσ τριακοσίουσ, ἀπὸ δὲ τῶν καλουμένων ἱππέων ἐσ δισχιλίουσ. καὶ ἦσαν ἐν αὐτοῖσ ἀδελφοί τε καὶ θεῖοι τῶν προγραφόντων, καὶ τῶν ὑπ’ αὐτοῖσ ἡγεμόνων, ὅσοι τι τοῖσ ἄρχουσιν ἢ τοῖσ ἡγεμόσι προσεκεκρούκεσαν. Τὸ μὲν δὴ πλῆθοσ αὐτῶν ἀπὸ τῆσ συνόδου διελθόντεσ ἐσ Ῥώμην προγράψειν ἔμελλον, δυώδεκα δὲ ἄνδρασ, ἤ, ὡσ ἕτεροι λέγουσιν, ἑπτακαίδεκα, τοὺσ μάλιστα δυνατούσ, ἐν οἷσ ἦν καὶ Κικέρων, ἔδοξε προανελεῖν ἐπιπέμψαντασ ἄφνω.

καὶ τῶνδε μὲν τέσσαρεσ αὐτίκα ἀνῃρέθησαν ἐν ἑστιάσεσί τε καὶ ὑπαντήσεσι· ζητουμένων δὲ τῶν ἄλλων καὶ ἐρευνωμένων νεών τε καὶ οἰκιῶν, ἄφνω θόρυβοσ ἀνὰ τὴν νύκτα πᾶσαν ἦν καὶ βοαὶ καὶ διαδρομαὶ μετ’ οἰμωγῆσ ὡσ ἐν ἁλισκομένῃ πόλει. τῷ γὰρ ἐγνῶσθαι μὲν ἀνδρολήψια γίγνεσθαι, μὴ προγεγράφθαι δὲ μηδένα τῶν προκατεγνωσμένων, πᾶσ τισ αὐτὸσ ἡγεῖτο ζητεῖσθαι πρὸσ τῶν περιθεόντων. οὕτω δὲ ἀπογινώσκοντεσ αὑτῶν, οἱ μὲν τὰ ἴδια, οἱ δὲ τὰ κοινὰ ἐμπρήσειν ἔμελλον, δρᾶσαί τι δεινὸν ἀλόγωσ αἱρούμενοι πρὶν παθεῖν· καὶ τάχα ἂν ἔδρασαν, εἰ μὴ Πέδιοσ αὐτοὺσ ὁ ὕπατοσ μετὰ κηρύκων περιθέων ἐπήλπιζε περιμείναντασ ἐσ ἑώ τὰ ἀκριβέστατα μαθεῖν. ἅμα δὲ ἑῴ παρὰ γνώμην τῶν τριῶν ἀνδρῶν προύγραφεν ὁ Πέδιοσ τοὺσ ἑπτακαίδεκα ὡσ μόνουσ τε αἰτίουσ δόξαντασ εἶναι τῶν ἐμφυλίων κακῶν καὶ μόνουσ κατεγνωσμένουσ, πίστεισ τε τοῖσ ἄλλοισ δημοσίασ ἐποιεῖτο, ἀγνοῶν τὰ ἐγνωσμένα. Καὶ Πέδιοσ μὲν ἐκ καμάτου τῆσ νυκτὸσ ἐτελεύτησεν, ἐσῄεσαν δ’ οἱ τρεῖσ τρισὶν ἡμέραισ, ἀνὰ μέροσ ἕκαστοσ αὐτῶν, ὁ Καῖσάρ τε καὶ ὁ Ἀντώνιοσ καὶ ὁ Λέπιδοσ, σὺν ταῖσ στρατηγίσι τάξεσι καὶ ὁπλιτῶν ἕκαστοσ ἑνὶ τέλει. ὡσ δὲ ἐσῆλθον, αὐτίκα μὲν ἡ πόλισ ἦν πλήρησ ὅπλων τε καὶ σημείων διατεταγμένων ἐσ τὰ ἐπίκαιρα, αὐτίκα δὲ ἐν μέσῳ τούτων ἤγετο ἐκκλησία, καὶ δήμαρχοσ Πούπλιοσ Τίτιοσ ἐνομοθέτει καινὴν ἀρχὴν ἐπὶ καταστάσει τῶν παρόντων ἐσ πενταετὲσ εἶναι τριῶν ἀνδρῶν, Λεπίδου τε καὶ Ἀντωνίου καὶ Καίσαροσ, ἴσον ἰσχύουσαν ὑπάτοισ, ἡ̔̀ν ἄν τισ Ἑλλήνων ἁρμοστὰσ ὀνομάσειεν, ὃ καὶ Λακεδαιμόνιοι τοῖσ ἄρτι καθισταμένοισ τὰ ὑπήκοα ἐτίθεντο ὄνομα,̓ οὔτε διαστήματοσ ἐσ δοκιμασίαν οὔτε κυρίασ ἐσ τὴν χειροτονίαν ἡμέρασ προτεθείσησ·

ἀλλ’ αὐτίκα ἐκυροῦτο ὁ νόμοσ. καὶ νυκτὸσ ἄλλων, ἐπὶ τοῖσ ἑπτακαίδεκα, τριάκοντα καὶ ἑκατὸν ἀνδρῶν προγραφαὶ κατὰ πολλὰ τῆσ πόλεωσ προυτίθεντο καὶ μετ’ ὀλίγον ἄλλων πεντήκοντα καὶ ἑκατόν. καί τισ προσετίθετο τοῖσ πίναξιν αἰεὶ τῶν προσκαταγινωσκομένων ἢ τῶν προανῃρημένων ὑπ’ ἀγνοίασ, ἐσ δόξαν τοῦ δικαίωσ ἀνῃρῆσθαι. διετέτακτό τε πάντων τὰσ κεφαλὰσ ἐσ τοὺσ τρεῖσ ἄνδρασ ἐπὶ ῥητῷ κέρδει φέρεσθαι· καὶ ἦν τὸ κέρδοσ ἐλευθέρῳ μὲν ἀργύριον, θεράποντι δὲ ἐλευθερία τε καὶ ἀργύριον. παρέχειν δὲ ἐσ ἔρευναν πάντασ τὰ ἴδια. καὶ τὸν ὑποδεξάμενον ἢ κρύψαντα ἢ τὴν ἔρευναν οὐ παρασχόντα τοῖσ ἴσοισ ἐνέχεσθαι. μηνύειν δὲ ἕκαστα τούτων τὸν ἐθέλοντα ἐπὶ τοῖσ ἴσοισ κέρδεσι. Καὶ εἶχεν οὕτωσ ἡ προγραφή·

"Μᾶρκοσ Λέπιδοσ, Μᾶρκοσ Ἀντώνιοσ, Ὀκτάουιοσ Καῖσαρ, οἱ χειροτονηθέντεσ ἁρμόσαι καὶ διορθῶσαι τὰ κοινά, οὕτωσ λέγουσιν· εἰ μὴ δι’ ἀπιστίαν οἱ πονηροὶ δεόμενοι μὲν ἦσαν ἐλεεινοί, τυχόντεσ δὲ ἐγίγνοντο τῶν εὐεργετῶν ἐχθροί, εἶτα ἐπίβουλοι, οὔτ’ ἂν Γάιον Καίσαρα ἀνῃρήκεσαν, οὓσ ἐκεῖνοσ δορὶ λαβὼν ἔσωσεν ἐλέῳ καὶ φίλουσ θέμενοσ ἐπὶ ἀρχὰσ καὶ τιμὰσ καὶ δωρεὰσ προήγαγεν ἀθρόωσ, οὔτ’ ἂν ἡμεῖσ τοῖσ ἐνυβρίσασι καὶ πολεμίουσ ἀναγράψασιν ἡμᾶσ ὧδε ἀθρόωσ ἠναγκαζόμεθα χρῆσθαι. νῦν δέ, ἐξ ὧν ἐπιβεβουλεύμεθα καὶ ἐξ ὧν Γάιοσ Καῖσαρ ἔπαθεν, ἀτιθάσευτον ὁρῶντεσ τὴν κακίαν ὑπὸ φιλανθρωπίασ, προλαβεῖν τοὺσ ἐχθροὺσ ἢ παθεῖν αἱρούμεθα. μὴ δή τισ τὸ ἔργον ἄδικον ἢ ὠμὸν ἢ ἄμετρον ἡγείσθω, ἔσ τε Γάιον καὶ ἐσ ἡμᾶσ οἱᾶ πεπόνθαμεν ὁρῶν. Γάιον μὲν δὴ καὶ αὐτοκράτορα ὄντα καὶ ἄρχοντα ἱερῶν, καὶ τὰ φοβερώτατα Ῥωμαίοισ καθελόντα τε ἔθνη καὶ κτησάμενον, καὶ πρῶτον ἀνδρῶν ὑπὲρ τοὺσ Ἡρακλείουσ ὁρ́ουσ ἀπλώτου θαλάσσησ ἀποπειράσαντα, καὶ Ῥωμαίοισ γῆν ἄγνωστον εὑρόντα, ἐν μέσῳ τῷ ἱερῷ λεγομένῳ βουλευτηρίῳ, ὑπὸ ὄψεσι θεῶν, κατέκανον εἴκοσι καὶ τρισὶ σφαγαῖσ ἐνυβρίσαντεσ, οἱ πολέμῳ ληφθέντεσ ὑπ’ ἐκείνου καὶ περισωθέντεσ κληρονόμοι τέ τινεσ αὐτοῦ τῆσ οὐσίασ ἐγγραφέντεσ εἶναι· οἱ λοιποὶ δὲ ἐπὶ τῷ μύσει τῷδε τοὺσ ἐναγεῖσ ἀντὶ κολάσεων ἐπὶ ἀρχὰσ καὶ ἡγεμονίασ ἐξέπεμψαν, αἷσ ἐκεῖνοι χρώμενοι τά τε κοινὰ τῶν χρημάτων ἡρ́πασαν, καὶ στρατὸν ἐξ αὐτῶν ἀγείρουσι καθ’ ἡμῶν καὶ ἕτερον αἰτοῦσι παρὰ βαρβάρων ἀεὶ τῆσ ἀρχῆσ πολεμίων, τάσ τε ὑπὸ Ῥωμαίοισ πόλεισ τὰσ μὲν οὐ πείθοντεσ ἐνέπρησαν ἢ κατέσκαψαν ἢ κατήρειψαν, τὰσ δὲ καταπλήξαντεσ ἐπάγουσι τῇ πατρίδι καθ’ ἡμῶν. "Ἡμεῖσ δὲ αὐτῶν τοὺσ μὲν ἤδη τετιμωρήμεθα, τοὺσ δὲ λοιποὺσ θεοῦ συνεπιλαμβάνοντοσ αὐτίκα δίκην διδόντασ ὄψεσθε.

τῶν δὲ μεγίστων ἡμῖν ἠνυσμένων καὶ ὑπὸ χερσὶν ὄντων, Ἰβηρίασ τε καὶ Κελτικῆσ καὶ τῶνδε τῶν οἴκοι, ἕν ἐστι λοιπὸν ἔτι ἔργον, στρατεύειν ἐπὶ τοὺσ πέραν θαλάσσησ αὐτόχειρασ Γαϊού. μέλλουσι δὴ πόλεμον ὑπὲρ ὑμῶν ἔκδημον ἀγωνιεῖσθαι οὐκ ἀσφαλὲσ οὔτε ἐσ τὰ ἡμέτερα οὔτε ἐσ τὰ ὑμέτερα εἶναι δοκεῖ τοὺσ ἄλλουσ ἐχθροὺσ ὀπίσω καταλιπεῖν, ἐπιβησομένουσ ταῖσ ἀπουσίαισ ἡμῶν καὶ τὰ συμβαίνοντα τοῦ πολέμου καιροφυλακήσοντασ, οὐδ’ αὖ βραδύνειν διὰ τούσδε ἐν ἐπείξει τοσῇδε μᾶλλον ἢ ἐκποδὼν αὐτοὺσ ἀθρόωσ ποιήσασθαι, ἄρξαντάσ γε τοῦ καθ’ ἡμῶν πολέμου, ὅτε πολεμίουσ ἡμᾶσ τε καὶ τοὺσ ὑφ’ ἡμῖν στρατοὺσ ἐψηφίζοντο εἶναι. "Κἀκεῖνοι μὲν τοσάσδε πολιτῶν μυριάδασ ἡμῖν συναπώλλυον, οὔτε θεῶν νέμεσιν οὔτε φθόνον ἀνθρώπων ὑφορώμενοι·

ἡμεῖσ δὲ πλήθει μὲν οὐδενὶ χαλεπανοῦμεν οὐδὲ τοὺσ ἐχθροὺσ ἐπιλεξόμεθα πάντασ, ὅσοι διηνέχθησαν ἡμῖν ἢ ἐπεβούλευσαν, οὐδὲ ἐκ πλούτου πάντωσ ἢ περιουσίασ ἢ ἀξιώσεωσ οὐδ’ ὅσουσ ἕτεροσ πρὸ ἡμῶν αὐτοκράτωρ ἔκτεινε, τὴν πόλιν κἀκεῖνοσ ἐν ἐμφυλίοισ καθιστάμενοσ, ὃν Εὐτυχῆ προσείπατε δι’ εὐπραξίαν, καίπερ ἀνάγκησ οὔσησ τρισὶ πλέονασ ἐχθροὺσ ἢ ἑνὶ εἶναι. ἀλλὰ μόνουσ δὴ τοὺσ φαυλοτάτουσ τε καὶ πάντων αἰτιωτάτουσ ἀμυνούμεθα. καὶ τόδε δι’ ὑμᾶσ οὐχ ἧσσον ἡμῶν· ἀνάγκη μὲν γὰρ ἡμῶν διαφερομένων ὑμᾶσ πάντασ ἐν μέσῳ δεινὰ πάσχειν, ἀνάγκη δέ τι καὶ τῷ στρατῷ γενέσθαι παραμύθιον ὑβρισμένῳ τε καὶ παρωξυμμένῳ καὶ πολεμίῳ πρὸσ τῶν κοινῶν ἐχθρῶν ἀναγεγραμμένῳ. δυνηθέντεσ δ’ ἄν, οὓσ ἔγνωμεν, ἐξ ἐφόδου συλλαβεῖν, αἱρούμεθα προγράψαι μᾶλλον ἢ ἀγνοοῦντασ ἔτι συλλαβεῖν· καὶ τόδε δι’ ὑμᾶσ, ἵνα μὴ ἐπὶ τοῖσ ὁπλίταισ ᾖ διωργισμένοισ πλεονάζειν ἐσ τοὺσ ἀνευθύνουσ, ἀλλὰ ἀπηριθμημένουσ καὶ ὡρισμένουσ ἔχοντεσ ὀνομαστὶ τῶν ἄλλων κατὰ πρόσταγμα ἀπέχωνται. "Ἀγαθῇ τύχῃ τοίνυν τῶν ὑπογεγραμμένων τῷδε τῷ διαγράμματι μηδεὶσ δεχέσθω μηδένα μηδὲ κρυπτέτω μηδὲ ἐκπεμπέτω ποι μηδὲ πειθέσθω χρήμασι.

ὃσ δ’ ἂν ἢ σώσασ ἢ ἐπικουρήσασ ἢ συνειδὼσ φανῇ, τοῦτον ἡμεῖσ, οὐδεμίαν ὑπολογισάμενοι πρόφασιν ἢ συγγνώμην, ἐν τοῖσ προγεγραμμένοισ τιθέμεθα. ἀναφερόντων δὲ τὰσ κεφαλὰσ οἱ κτείναντεσ ἐφ’ ἡμᾶσ, ὁ μὲν ἐλεύθεροσ ἐπὶ δισμυρίαισ δραχμαῖσ Ἀττικαῖσ καὶ πεντακισχιλίαισ ὑπὲρ ἑκάστησ, ὁ δὲ δοῦλοσ ἐπ’ ἐλευθερίᾳ τοῦ σώματοσ καὶ μυρίαισ Ἀττικαῖσ καὶ τῇ τοῦ δεσπότου πολιτείᾳ. τὰ δ’ αὐτὰ καὶ τοῖσ μηνύουσιν ἔσται. καὶ τῶν λαμβανόντων οὐδεὶσ ἐγγεγράψεται τοῖσ ὑπομνήμασιν ἡμῶν, ἵνα μὴ κατάδηλοσ ᾖ". ὧδε μὲν εἶχεν ἡ προγραφὴ τῶν τριῶν ἀνδρῶν, ὅσον ἐσ Ἑλλάδα γλῶσσαν ἀπὸ Λατίνησ μεταβαλεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 4, chapter 2

(아피아노스, The Civil Wars, book 4, chapter 2)

상위

목록

SEARCH

MENU NAVIGATION