헬라어 문장 검색 - Αππιαν́ΤηεΞιϝί4́11́

(아피아노스, The Civil Wars, book 4, chapter 11)

Ὧδε δὲ εἶχε καὶ τὰ περὶ Πομπήιον. νεώτεροσ ὢν ὅδε τῶν Μάγνου Πομπηίου παίδων ὑπερώφθη μὲν τὰ πρῶτα ὑπὸ Γαϊού Καίσαροσ περὶ Ἰβηρίαν, ὡσ οὐδὲν μέγα διὰ νεότητα καὶ ἀπειρίαν ἐργασόμενοσ, καὶ ἠλᾶτο περὶ τὸν ὠκεανὸν λῃστεύων σὺν ὀλίγοισ καὶ λανθάνων, ὅτι εἰή Πομπήιοσ. πλεόνων δὲ ἐσ τὸ λῃστεύειν αὐτῷ συνιόντων χείρ τε ἦν ἤδη καρτερὰ καὶ ἐξεφαίνετο Πομπήιοσ ὤν. καὶ αὐτίκα, ὅσοι τοῦ πατρὸσ ἢ τοῦ ἀδελφοῦ στρατιῶται γεγονότεσ ἠλῶντο, ὡσ ἐσ οἰκεῖον ἡγεμόνα συνέτρεχον, καὶ Ἀραβίων ἐκ Λιβύησ ἀφίκετ’ αὐτῷ, ἀφῃρημένοσ τὰ πατρῷα, ὥσ μοι προείρηται. ὧδε δὲ αὐτῷ πλήθουσ γενομένου, ἔργα τε ἦν ἤδη λῃστηρίου δυνατώτερα καὶ ὄνομα τοῦ Πομπηίου ἀνὰ ὅλην τὴν Ἰβηρίαν, εὐρυτάτην ἐθνῶν οὖσαν, περιθέοντόσ τε καὶ μεθιπταμένου καὶ ἐσ χεῖρασ οὐχ ὑπομένοντοσ ἐλθεῖν τοῖσ ἡγουμένοισ αὐτῆσ ὑπὸ Γαϊῴ Καίσαρι. ὧν ὁ Γαίοσ πυνθανόμενοσ ἔπεμπε σὺν στρατῷ πλέονι Καρρίναν ἐκπολεμήσοντα Πομπήιον. ὁ δὲ καὶ τούτῳ, κουφότεροσ ὤν, ἐπεφαίνετο ἄφνω καὶ ἀφιπτάμενοσ ἠνώχλει καὶ πόλεισ ἤδη τινὰσ ᾕρει βραχυτέρασ τε καὶ μείζουσ. Καὶ ὁ Γάιοσ ἔπεμψε τῷ Καρρίνᾳ διάδοχον Ἀσίνιον Πολλίωνα πολεμεῖν Πομπηίῳ.

ὅν τινα πόλεμον αὐτῶν ὁμοίωσ διαφερόντων, ὅ τε Γάιοσ Καῖσαρ ἀνῃρέθη καὶ ἡ βουλὴ κατεκάλει Πομπήιον. ὁ δὲ ἐν Μασσαλίᾳ γενόμενοσ περιεσκόπει ἔτι τὰ ἐν Ῥώμῃ. αἱρεθεὶσ δὲ καὶ τῆσ θαλάσσησ ἄρχειν, καθὰ ἦρχεν αὐτοῦ καὶ ὁ πατήρ, ἐσ μὲν τὴν πόλιν οὐδ’ ὣσ ἀνῆλθεν, ὅσαι δὲ νῆεσ ἐν τοῖσ λιμέσιν ἦσαν, λαβὼν ἐξέπλευσε σὺν αἷσ εἶχεν ἀπὸ τῆσ Ἰβηρίασ. ἐπιγενομένησ δὲ τῆσ τῶν τριῶν ἀρχῆσ ἐσ Σικελίαν διέπλευσε καὶ Βιθυνικὸν ἄρχοντα αὐτῆσ, οὐ παριέντα οἱ τὴν νῆσον, ἐπολιόρκει, μέχρι προγραφέντεσ ἐπὶ θανάτῳ καὶ φυγόντεσ ἐκ Ῥώμησ Ἵρτιόσ τε καὶ Φάννιοσ ἔπεισαν ἐκστῆναι Πομπηίῳ Βιθυνικὸν Σικελίασ. Ὧδε μὲν ὁ Πομπήιοσ Σικελίασ ἐκράτησε, καὶ ναῦσ ἔχων καὶ νῆσον ἐπικειμένην τῇ Ἰταλίᾳ καὶ στρατὸν ἤδη πολύν, ὅσον τε πρότερον εἶχε καὶ ὅσον οἱ φεύγοντεσ ἐκ Ῥώμησ ἐλεύθερον ἢ δοῦλον ἦγον ἢ αἱ πόλεισ ἐξ Ἰταλίασ ἔπεμπον αὐτῷ, αἱ ἐσ ἐπινίκια τοῖσ στρατοῖσ ἐπηγγελμέναι.

νῆεσ δὲ ἑκατέρων ἴσαι διεφθάρατο, καὶ τὰσ λοιπὰσ λελωβημένασ τε καὶ πεπονημένασ ὁ Σαλουιδιηνὸσ ἐπεσκεύαζεν, ὑποχωρήσασ ἐσ λιμένα πρὸ τοῦ πορθμοῦ Βαλαρόν. ταῖσ γὰρ δὴ γνώμαισ αἵδε μάλιστα τὴν νίκην τῶν τριῶν ἀνδρῶν ἀπεύχοντο καί, ὅσα δύναιντο, κρύφα ἀντέπρασσον· ἀποδιδράσκοντέσ τε τῶν πατρίδων ὡσ οὐκέτι πατρίδων οἱ δυνάμενοι συνέφευγον ἐσ Πομπήιον, ἀγχοτάτω τε ὄντα καὶ περιφίλητον ἅπασιν ἐν τῷ τότε. παρῆσαν δ’ αὐτῷ καὶ ναυτικοὶ ἄνδρεσ ἐκ Λιβύησ καὶ Ἰβηρίασ, ἔμπειροι θαλάσσησ, ὥστε καὶ ἡγεμόσι καὶ ναυσὶ καὶ πεζῷ καὶ χρήμασιν ὁ Πομπήιοσ ἐπῆρτο. καὶ τούτων ὁ Καῖσαρ ἐπήκοοσ ὢν ἔπεμπε Σαλουιδιηνὸν ἐπὶ νεῶν στόλου, Πομπήιον ὡσ εὐχερὲσ ἔργον ἐξελεῖν παραπλέοντα· καὶ αὐτὸσ ᾔει διὰ τῆσ Ἰταλίασ ὡσ αὐτῷ Σαλουιδιηνῷ συμβολήσων περὶ Ῥήγιον. Σαλουιδιηνῷ δ’ ὁ Πομπήιοσ ἀπαντᾷ μεγάλῳ στόλῳ, καὶ πρὸ τοῦ πορθμοῦ ναυμαχίασ ἀμφὶ τὸ Σκύλλαιον αὐτοῖσ γενομένησ αἱ μὲν τοῦ Πομπηίου νῆεσ, κουφότεραί τε οὖσαι καὶ ναυτικωτέρων ἀνδρῶν, ταχυτῆτι καὶ ἐμπειρίᾳ προῦχον, αἱ δὲ Ῥωμαίων ἅτε βαρύτεραι καὶ μείζουσ ἐμόχθουν. ὡσ δ’ ὁ συνήθησ τοῦ πορθμοῦ κλύδων ἐπεγίγνετο καὶ διεσπᾶτο ἡ θάλασσα ἐφ’ ἑκάτερα ὑπὸ τοῦ ῥοῦ, οἱ μὲν ἧσσον ἐμόχθουν ὑπὸ ἔθουσ τοῦ κλύδωνοσ, οἱ δ’ ἀμφὶ τὸν Σαλουιδιηνόν, οὔτε ἑστῶτεσ βεβαίωσ ὑπὸ ἀηθείασ οὔτε τὰσ κώπασ ἔτι ἀναφέρειν δυνάμενοι οὔτε τὰ πηδάλια ἔχοντεσ εὐπειθῆ, συνεταράσσοντο, ὥστε κλίνοντοσ ἐσ δείλην ἑσπέραν ἤδη τοῦ θεοῦ πρότεροσ ὁ Σαλουιδιηνὸσ ἀνεκάλει. ὑπεχώρει δὲ καὶ ὁ Πομπήιοσ. Ὁ δὲ Καῖσαρ ἐπελθὼν ῥηγίνοισ μὲν καὶ Ἱππωνεῦσι μεγάλασ πίστεισ αὐτὸσ ἔδωκεν ἀναλύσειν αὐτοὺσ ἐκ τῶν ἐπινικίων ἑ̓δεδίει γὰρ ὄντασ ἐπὶ τοῦ πορθμοῦ μάλιστἀ, καλοῦντοσ δ’ αὐτὸν Ἀντωνίου κατὰ σπουδὴν διέπλει πρὸσ αὐτὸν ἐσ τὸ Βρεντέσιον, ἐν ἀριστερᾷ ἔχων Σικελίαν καὶ Πομπήιον καὶ Σικελίαν ὑπερθέμενοσ ἐν τῷ τότε.

καὶ τοῦτο τοῖσ ἀμφὶ τὸν Κάσσιον, ἐσ Σηστὸν ἐξ Ἀβύδου περάσασι, πρῶτον ἀντεκεκρούκει. Μοῦρκοσ δὲ ἐπιόντοσ τοῦ Καίσαροσ, ἵνα μὴ ἐν μέσῳ γένηται Ἀντωνίου τε καὶ Καίσαροσ, μικρὸν ἀναχωρήσασ τοῦ Βρεντεσίου, τὰσ ὁλκάδασ ἐφύλασσεν ἐν τῷ πόρῳ τὸν στρατὸν ἐσ Μακεδονίαν ἐκ τοῦ Βρεντεσίου διαφερούσασ. αἱ δὲ προεπέμποντο μὲν ὑπὸ τριήρων, πνεύματοσ δὲ πολλοῦ κατὰ θεὸν οἰκείου γενομένου διέπτησαν ἀδεῶσ, οὐδὲν τῶν προπομπῶν δεηθεῖσαι. καὶ ὁ Μοῦρκοσ ἀχθόμενοσ ὅμωσ ἐφήδρευεν ἐπανιούσαισ κεναῖσ. αἱ δὲ καὶ τότε, καὶ αὖθισ ἕτερον στρατὸν ἄγουσαι, διέπλεον ἱστίοισ στρογγύλοισ, μέχρι πᾶσ ὁ στρατὸσ καὶ ἐπ’ αὐτῷ Καῖσάρ τε καὶ Ἀντώνιοσ διέπλευσαν. καὶ ὁ Μοῦρκοσ ὑπό του δαιμόνων βεβλάφθαι νομίζων, ὑπέμενεν ὅμωσ τὰσ ἐκ τῆσ Ἰταλίασ αὐτοῖσ διαπλεούσασ παρασκευὰσ ἢ τροφὰσ ἢ τὸν ἐπισυλλεγόμενον στρατὸν βλάπτων, ὅσα δύναιτο. καὶ αὐτῷ Δομίτιοσ Αἠνόβαρβοσ ὑπὸ τῶν ἀμφὶ τὸν Κάσσιον ἐσ τὸ αὐτὸ ἔργον, ὡσ χρησιμώτατον δή, μετὰ νεῶν ἄλλων πεντήκοντα καὶ τέλουσ ἑτέρου καὶ τοξοτῶν ἐπέμφθη· ὡσ γὰρ οὐκ ἔχουσι τοῖσ ἀμφὶ τὸν Καίσαρα τροφὰσ δαψιλεῖσ ἑτέρωθεν ἐδόκει τὰ ἐκ τῆσ Ἰταλίασ διακλείσειν. Οἱ μὲν δὴ ναυσί τε μακραῖσ ἑκατὸν καὶ τριάκοντα καὶ ὑπηρετικαῖσ πλέοσι καὶ στρατῷ πολλῷ διαπλέοντεσ ἠνώχλουν, Δεκίδιοσ δὲ καὶ Νωρβανόσ οὓσ ὁ Καῖσαρ καὶ Ἀντώνιοσ μετὰ ὀκτὼ τελῶν ἐσ Μακεδονίαν προεπεπόμφεσαν, ἐκ Μακεδονίασ ἐχώρουν ἐπὶ Θρᾴκησ τῆσ ὀρείου χιλίουσ καὶ πεντακοσίουσ σταδίουσ, μέχρι πόλιν ὑπερβάντεσ Φιλίππουσ τὰ στενὰ Κορπίλων καὶ Σαπαίων, τῆσ Ῥασκουπόλιδοσ ὄντα ἀρχῆσ, κατέλαβον, ᾗ μόνῃ διελθεῖν ἔστιν ἐσ τὴν Εὐρώπην ἐκ τῆσ Ἀσίασ τὴν γνώριμον ὁδόν. Ῥασκούπολισ δὲ καὶ Ῥάσκοσ ἤστην ἀδελφὼ Θρᾳκίω βασιλίσκω, μιᾶσ ἄρχοντε χώρασ, οἳ τότε τῇ γνώμῃ περὶ τῆσ συμμαχίασ διεφέροντο.

καὶ Ῥάσκοσ μὲν τοῖσ ἀμφὶ τὸν Ἀντώνιον συνεμάχει, Ῥασκούπολισ δὲ τοῖσ ἀμφὶ τὸν Κάσσιον, τρισχιλίουσ ἱππέασ ἔχων ἑκάτεροσ. πυνθανομένοισ δὲ τοῖσ ἀμφὶ τὸν Κάσσιον περὶ τῶν ὁδῶν ὁ Ῥασκούπολισ ἔφη τὴν μὲν δι’ Αἴνου καὶ Μαρωνείασ ἐπίτομόν τε καὶ συνήθη καὶ λεωφόρον οὖσαν ἐπὶ τὰ Σαπαίων στενὰ ἄγειν, κατεχόντων δὲ αὐτὰ τῶν πολεμίων ἀμήχανα ἐσ δίοδον εἶναι, τὴν δὲ περίοδον τριπλασίονά τε καὶ χαλεπήν. Οἱ δὲ τοὺσ πολεμίουσ ὑπολαβόντεσ οὐκ ἐσ κώλυσιν μὲν ὁδῶν αὑτοῖσ ἀπαντᾶν, τροφῶν δὲ ἀπορίᾳ ἐσ Θρᾴκην ἀντὶ Μακεδονίασ ὑπερβῆναι, ἐβάδιζον ἐπὶ Λἴνου καὶ Μαρωνείασ, ὅθεν ἐπὶ Λυσιμαχείασ τε καὶ Καρδίασ, αἳ τὸν ἰσθμὸν τῆσ Θρᾳκίου χερρονήσου διαλαμβάνουσιν ὥσπερ πύλαι, μετὰ δὲ ἄλλην ἡμέραν ἐσ τὸν Μέλανα κόλπον ἀφίκοντο.

καὶ τὸν στρατὸν ἐξετάζουσιν αὐτοῖσ ἐγένοντο πάντεσ ὁπλιτῶν ἐννεακαίδεκα τέλη, Βρούτου μὲν ὀκτώ, Κασσίου δὲ ἐννέα, ἐντελὲσ οὐδέν, ἀλλ’ ἐσ δύο που τέλη μάλιστα ἀναπληρούμενα, ὡσ γίνεσθαι μυριάδασ ὁπλιτῶν ἀμφὶ τὰσ ὀκτώ. ἱππέεσ δὲ ἦσαν Βρούτῳ μὲν Κελτοὶ καὶ Λυσιτανοὶ τετρακισχίλιοι καὶ Θρᾷκεσ καὶ Ἰλλυριοὶ Παρθηνοὶ καὶ Θεσσαλοὶ δισχίλιοι, Κασσίῳ δὲ Ἴβηρέσ τε καὶ Κελτοὶ δισχίλιοι καὶ ἱπποτοξόται Ἄραβέσ τε καὶ Μῆδοι καὶ Παρθυαῖοι τετρακισχίλιοι. σύμμαχοι δὲ εἵποντο βασιλέεσ καὶ τετράρχαι Γαλατῶν τῶν ἐν Ἀσίᾳ, πεζόν τε ἄγοντεσ πολὺν ἄλλον καὶ ἱππέασ ὑπὲρ πεντακισχιλίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 4, chapter 11

(아피아노스, The Civil Wars, book 4, chapter 11)

상위

목록

SEARCH

MENU NAVIGATION