헬라어 문장 검색 - Αππιαν́ΤηεΞιϝί4́17́

(아피아노스, The Civil Wars, book 4, chapter 17)

Ὁ δὲ Βροῦτοσ ἀναφεύγει μὲν ἐσ τὰ ὄρη σὺν ἱκανῷ πλήθει, ὡσ νυκτὸσ ἐσ τὸ στρατόπεδον ὑποστρέψων ἢ καταβησόμενοσ ἐπὶ τὴν θάλασσαν· ἐπεὶ δὲ περιείληπτο πάντα φυλακαῖσ, διενυκτέρευεν ἔνοπλοσ μετὰ πάντων. καί φασιν αὐτὸν ἐσ τοὺσ ἀστέρασ ἀναβλέποντα εἰπεῖν· "Ζεῦ, μὴ λάθοι σε τῶνδ’ ὃσ αἴτιοσ κακῶν," ἐνσημαινόμενον ἄρα τὸν Ἀντώνιον. ὃ καὶ αὐτὸν Ἀντώνιόν φασιν ὕστερον ἐν τοῖσ ἰδίοισ κινδύνοισ μεταγινώσκοντα εἰπεῖν, ὅτι συνεξετάζεσθαι Κασσίῳ καὶ Βρούτῳ δυνάμενοσ ὑπηρέτησ γένοιτο Ὀκταουίου. τότε γε μὴν καὶ ὁ Ἀντώνιοσ ἔνοπλοσ ἐπὶ τῶν φυλακτηρίων ἀντιδιενυκτέρευε τῷ Βρούτῳ, χάρακα περιθέμενοσ ἐκ νεκρῶν σωμάτων καὶ λαφύρων συμφορηθέντων. ὁ δὲ Καῖσαρ ἐσ μέσην νύκτα πονηθεὶσ ἀνεχώρησε διὰ τὴν νόσον, Νωρβανῷ φυλάσσειν παραδοὺσ τὸ στρατόπεδον. Βροῦτοσ δὲ καὶ τῆσ ἐπιούσησ ὁρῶν τὰσ ἐφεδρείασ τῶν ἐχθρῶν ἐπιμενούσασ, ἔχων οὐ πλήρη τέσσαρα τέλη συναναβάντα οἱ, αὐτὸσ μὲν ἐπελθεῖν ἐπ’ αὐτοὺσ ἐφυλάξατο, τοὺσ δὲ ἡγουμένουσ αὐτῶν, αἰδουμένουσ τε τὸ ἁμάρτημα καὶ μετανοοῦντασ, ἔπεμπεν ἀποπειράσοντασ αὐτῶν, εἰ ἐθελήσουσιν ὤσασθαι διὰ τῶν ἐφεδρειῶν καὶ ἀναλαβεῖν τὰ ἴδια, ἔτι φυλασσόμενα ὑπὸ τῶν οἰκείων ὑπολελειμμένων.

οἱ δὲ ἀβουλότατα μὲν ἐσ τὸ ἔργον ὁρμήσαντεσ, εὐψυχότατοι δὲ τὸ μέχρι πλείστου γενόμενοι, τότε, βλάπτοντοσ ἤδη τοῦ θεοῦ, τῷ στρατηγῷ σφῶν ἀπεκρίναντο ἀναξίωσ βουλεύεσθαι περὶ αὑτοῦ· αὐτοὶ γάρ, τῆσ τύχησ πολλάκισ πεπειραμένοι, οὐκ ἀνατρέψειν τὴν ἔτι λοιπὴν διαλλαγῶν ἐλπίδα. καὶ ὁ Βροῦτοσ ἐσ τοὺσ φίλουσ εἰπών· "οὐδὲν οὖν ἔτι εἰμὶ τῇ πατρίδι χρήσιμοσ, ὧδε καὶ τούτων ἐχόντων," ἐκάλει Στράτωνα τὸν Ἠπειρώτην, ὄντα φίλον ἑαυτῷ, καὶ ἐγχειρεῖν ἐκέλευε τῷ σώματι. τούτου δὲ ἔτι βουλεύεσθαι παραινοῦντοσ ἐκάλει τινὰ τῶν οἰκετῶν. καὶ ὁ Στράτων, "οὐκ ἀπορήσεισ," εἶπεν, "ὦ Βροῦτε, φίλου μᾶλλον ἢ οἰκετῶν ἐσ τὰ ὕστατα προστάγματα, εἰ ἤδη κέκριται. " καὶ εἰπὼν ἐνήρεισε ταῖσ λαγόσι τοῦ Βρούτου τὸ ξίφοσ οὔτε ἀποστραφέντοσ οὔτε ἐνδόντοσ. Ὧδε μὲν δὴ Κάσσιοσ καὶ Βροῦτοσ ἐθνῃσκέτην, ἄνδρε Ῥωμαίων εὐγενεστάτω τε καὶ περιφανεστάτω καὶ ἐσ ἀρετὴν ἀδηρίτω, χωρὶσ ἄγουσ ἑνόσ, ὥ γε καὶ Γάιοσ Καῖσαρ, ὄντε τῆσ Μάγνου Πομπηίου μοίρασ, ἐκ μὲν ἐχθροῖν καὶ πολεμίοιν ἐποιήσατο φίλω, ἐκ δὲ φίλοιν ἦγεν ὡσ υἱώ.

καὶ ἡ βουλὴ περιποθήτω τε εἶχεν αἰεὶ καὶ ἀτυχήσαντε ἐλεεινὼ δυοῖν τε τούτοιν ἕνεκα πᾶσιν ἀμνηστίαν ἐτίθετο καὶ φυγόντοιν αὐτοῖν ἔπεμψεν ἡγεμονίασ, ἵνα μὴ φυγάδεσ εἰε͂ν, οὐκ ἀμελοῦσα μὲν Γαϊού Καίσαροσ οὐδὲ ἐφηδομένη τοῖσ γεγονόσιν, ὅπου καὶ ζῶντα τῆσ ἀρετὴσ καὶ τύχησ ἐθαύμαζε καὶ ἀποθανόντα ἔθαπτε δημοσίᾳ καὶ ἐκύρου τὰ ἔργα ἀθάνατα εἶναι ἀρχάσ τε καὶ ἡγεμονίασ ἐσ πολὺ ἐκ τῶν ὑπογραφῶν ἐποίει τῶν Καίσαροσ, οὐδὲν ἡγουμένη κρεῖσσον εὑρήσειν ὧν ἐκεῖνοσ ἐνόησεν. ἀλλ’ ἡ περὶ τώδε τὼ ἄνδρε σπουδὴ καὶ δέοσ τὸ ὑπὲρ αὐτοῖν προήγαγεν αὐτὴν ἐσ ὑπεροψίαν διαβολῆσ· οὕτωσ ἅπασιν ἐγενέσθην τιμίω. ἐγενέσθην δὲ καὶ τῶν φυγόντων τοῖσ ἀρίστοισ τιμιωτέρω Πομπηίου, πλησιάζοντοσ καὶ οὐκ ἀδιάλλακτον ἔχοντοσ αἰτίαν, πορρωτέρω τε ὄντε αὐτὼ καὶ ἀδιαλλάκτω. Ἐπεί γε μὴν ἔργων ἐδέησε, δυοῖν οὐδὲ ὅλοιν ἐτοῖν στρατιάν τε συνέλεξαν ὑπὲρ εἴκοσιν ὁπλιτῶν τέλη καὶ ἱππέασ ἀμφὶ τοὺσ δισμυρίουσ καὶ ναῦσ μακρὰσ ὑπὲρ τὰσ διακοσίασ τήν τε ἄλλην παρασκευὴν ἀξιόλογον καὶ χρήματα ἄπειρα καὶ παρ’ ἑκόντων καὶ παρὰ ἀκόντων, πολέμουσ τε ἐπολέμησαν ἔθνεσι καὶ πόλεσι καὶ τῶν ἀντιστασιωτῶν πολλοῖσ καὶ κατώρθουν.

ἐθνῶν τε ἐκράτησαν ἀπὸ Μακεδονίασ μέχρι Εὐφράτου· καὶ ὅσουσ ἐπολέμησαν, ἐσ συμμαχίαν αὑτοῖσ ἔπεισαν καὶ βεβαιοτάτοισ ἐχρήσαντο. ἐχρήσαντο δὲ καὶ βασιλεῦσι καὶ δυνάσταισ, καὶ Παρθυαίοισ καίπερ οὖσιν ἐχθροῖσ ἐσ τὰ βραχύτερα· ἐπὶ δὲ τὸ μεῖζον ἔργον οὐκ ἀνέμειναν ἐρχομένουσ, ἵνα μὴ βάρβαρον ἢ ἀντίπαλον ἔθνοσ ἐθίσειαν ἐπὶ Ῥωμαίοισ. ὃ δὲ δὴ μάλιστα πάντων ἀδοκητότατον ἦν, ὁ στρατὸσ ὁ πλείων ὅδε Γαϊού Καίσαροσ ἐγεγένητο, καὶ δαιμονίωσ αὐτὸν εὐνοίασ καὶ σπουδῆσ ἔχοντα ἐσ ἐκεῖνον μετέπεισαν οἱ σφαγεῖσ οἵδε τοῦ Καίσαροσ, καὶ ἐπὶ τὸν τοῦ Καίσαροσ υἱὸν ἕσποντο αὐτοῖσ πιστότερον ἢ Ἀντωνίῳ τῷ Καίσαροσ συναγωνιστῇ τε καὶ συνάρχῳ· οὐ γάρ τισ αὐτῶν Βροῦτον ἢ Κάσσιον οὐδὲ ἡσσωμένουσ ἀπέλιπεν, οἱ Ἀντώνιον ἀμφὶ τὸ Βρεντέσιον καὶ πρὸ πείρασ ἀπολιπόντεσ· ἦν τε πρόφασισ αὐτοῖσ τῶν πόνων, καὶ ἐπὶ Πομπηίου καὶ νῦν, οὐχ ὑπὲρ σφῶν αὐτῶν, ἀλλ’ ὑπὲρ δημοκρατίασ, ὀνόματοσ εὐειδοῦσ μέν, ἀλυσιτελοῦσ δὲ αἰεί. σφῶν τε αὐτῶν, ὅτε μηδὲν ἐδόκουν ἔτι εἶναι χρήσιμοι τῇ πατρίδι, ἄμφω κατεφρόνησαν ὁμοίωσ. ἐν δὲ ταῖσ φροντίσι καὶ πόνοισ ὁ μὲν Κάσσιοσ ἀμεταστρεπτί, καθάπερ ἐσ τὸν ἀγωνιστὴν οἱ μονομαχοῦντεσ, ἐσ μόνον τὸν πόλεμον ἀφεώρα· ὁ δὲ Βροῦτοσ, ὅπῃ γίγνοιτο, καὶ φιλοθεάμων ἦν καὶ φιλήκοοσ, ἅτε καὶ φιλοσοφήσασ οὐκ ἀγεννῶσ. Ἀλλὰ καὶ τοιοῖσδε οὖσιν αὐτοῖσ ἀντίθετον ἐσ ἅπαντα ἦν τὸ ἄγοσ τὸ ἐσ Καίσαρα.

ὅ γε οὐδὲ ἁπλοῦν ἄγοσ ἦν οὐδὲ ἐν ὀλίγῳ· καὶ γὰρ ἐσ φίλον ἐγίγνετο παραλόγωσ καὶ ἐσ εὐεργέτην ἐκ πολέμου περισώσαντα ἀχαρίστωσ καὶ ἐσ αὐτοκράτορα ἀθεμίστωσ καὶ ἐν βουλευτηρίῳ καὶ ἐσ ἱερέα καὶ ἱερὰν ἐσθῆτα ἐπικείμενον καὶ δυνάστην μὲν οἱο͂ν οὐχ ἕτερον, χρησιμώτατον δὲ ὑπὲρ ἅπαντασ τῇ τε πατρίδι καὶ τῇ ἡγεμονίᾳ γενόμενον. ἃ καὶ τὸ δαιμόνιον αὐτοῖσ ἄρα ἐνεμέσησε καὶ προεσήμηνε πολλάκισ. Κασσίῳ τε γὰρ τὸν στρατὸν καθαίροντι ὁ ῥαβδοῦχοσ ἀνεστραμμένον τὸν στέφανον ἐπέθηκε· καὶ Νίκη, χρύσεον ἀνάθημα Κασσίου, κατέπεσεν, ὄρνεά τε πολλὰ ὑπὲρ τὸ στρατόπεδον αὐτοῦ καθιέμενα κλαγγὴν οὐδεμίαν ἠφίει, καὶ μελισσῶν ἐπεκάθηντο συνεχεῖσ ἑσμοί. Βροῦτον δὲ ἐν Σάμῳ γενεθλιάζοντά φασι παρὰ τὸν πότον, οὐδὲ εὐχερῆ πρὸσ τὰ τοιαῦτα ὄντα, ἀλόγωσ τόδε τὸ ἔποσ ἀναβοῆσαι· "ἀλλά με μοῖρ’ ὀλοὴ καὶ Λητοῦσ ἔκτανεν υἱόσ. " μέλλοντα δὲ περᾶν ἐκ τῆσ Ἀσίασ ἐσ τὴν Εὐρώπην σὺν τῷ στρατῷ, νυκτὸσ ἐγρηγορότα, μαραινομένου τοῦ φωτὸσ ὄψιν ἰδεῖν ἑφεστῶσάν οἱ παράλογον καὶ πυθέσθαι μὲν εὐθαρσῶσ, ὅσ τισ ἀνθρώπων ἢ θεῶν εἰή, τὸ δὲ φάσμα εἰπεῖν· "ὁ σόσ, ὦ Βροῦτε, δαίμων κακόσ· ὀφθήσομαι δέ σοι καὶ ἐν Φιλίπποισ. " καὶ ὀφθῆναί φασιν αὐτῷ πρὸ τῆσ τελευταίασ μάχησ. Ἐξιόντι δὲ τῷ στρατῷ πρὸ τῶν πυλῶν αἰθίοψ ὑπήντησε· καὶ τόνδε μὲν ὡσ οἰώνισμα φαῦλον ὁ στρατὸσ αὐτίκα συνέκοψε, δαιμόνια δ’ ἦν αὐτοῖσ ἄρα καὶ τάδε, Κάσσιον μὲν ἐν ἀμφηρίστῳ νίκῃ πάντα ἀλόγωσ ἀπογνῶναι, Βροῦτον δὲ εὐβούλου βραδυτῆτοσ ἐκβιασθῆναι καὶ ἐσ χεῖρασ ἐλθεῖν ἀνδράσι διωκομένοισ ὑπὸ λιμοῦ, δαψιλῶσ αὐτὸν ἔχοντα ἀγορᾶσ καὶ ναυκρατοῦντα, καὶ τόδε παθεῖν ὑπὸ τῶν οἰκείων μᾶλλον ἢ τῶν πολεμίων, καὶ μὴν πολλάκισ ἀγώνων μετασχόντεσ ἐν μὲν ταῖσ μάχαισ οὐδὲν ἔπαθον, ἄμφω δ’ αὑτῶν ἐγένοντο αὐθένται καθάπερ ἐγένοντο τοῦ Καίσαροσ. Κάσσιοσ μὲν δὴ καὶ Βροῦτοσ τοιάνδε δίκην ἐδεδώκεσαν. Καὶ Βροῦτον Ἀντώνιοσ ἀνευρὼν περιέβαλέ τε τῇ ἀρίστῃ φοινικίδι εὐθὺσ καὶ καύσασ τὰ λείψανα τῇ μητρὶ Σερουιλίᾳ ἔπεμψεν.

Καὶ τῷδε μὲν ἡ σκηνὴ τάφοσ ἐγένετο, Ῥάσκοσ δὲ ὁ Θρᾷξ ἐπανήγαγεν ἐκ τῶν ὀρῶν πολλούσ, καὶ γέρασ ᾔτησέ τε καὶ ἔλαβε σῴζεσθαι τὸν ἀδελφὸν ἑαυτοῦ Ῥασκούπολιν· ὁ δὲ σὺν τῷ Βρούτῳ στρατόσ, ὅτε ἐπύθοντο τεθνάναι Βροῦτον, πρέσβεισ ἐσ Καίσαρα καὶ Ἀντώνιον ἔπεμπον καὶ συγγνώμησ ἔτυχον καὶ ἐσ τὰ στρατεύματα αὐτῶν διῃρέθησαν· καὶ ἦσαν ἀμφὶ τοὺσ μυρίουσ καὶ τετρακισχιλίουσ. παρέδοσαν δὲ ἐπὶ τοῖσ αὐτοῖσ ἑαυτοὺσ καὶ οἱ κατὰ τὰ φρούρια, πολλὰ ὄντα. τὰ δὲ φρούρια αὐτὰ καὶ τὸ στρατόπεδον ἐδόθη τοῖσ Καίσαροσ καὶ Ἀντωνίου στρατοῖσ διαρπάσαι. τῶν δ’ ἀμφὶ τὸν Βροῦτον ἀνδρῶν ἐπιφανῶν οἱ μὲν ἐν ταῖσ μάχαισ ἀπέθανον, οἱ δὲ αὑτοὺσ ἐξήγαγον ὁμοίωσ τοῖσ στρατηγοῖσ, οἱ δὲ καὶ ἐξεπίτηδεσ ἐμαχέσαντο μέχρι θανάτου· ὧν ἦν Λεύκιόσ τε Κάσσιοσ, ὁ ἀδελφιδοῦσ αὐτοῦ Κασσίου, καὶ Κάτων ὁ Κάτωνοσ, ἐμπίπτων ὅδε τοῖσ πολεμίοισ πολλάκισ, εἶθ’ ὑποχωρούντων ἀναλύσασ τὸ κράνοσ, ἵνα ἢ γνώριμοσ ἢ εὔβλητοσ ἢ ἀμφότερα εἰή. Λαβεὼν δέ, ἐπὶ σοφίᾳ γνώριμοσ, ὁ πατὴρ Λαβεῶνοσ τοῦ κατ’ ἐμπειρίαν νόμων ἔτι νῦν περιωνύμου, βόθρον ἐν τῇ σκηνῇ τὸ μέγεθοσ αὐτάρκη σώματι ὀρυξάμενοσ καὶ τὰ λοιπὰ τοῖσ θεράπουσιν ἐντειλάμενοσ ἐπέσκηψε τῇ γυναικὶ καὶ τοῖσ παισί, περὶ ὧν ἐβούλετο, καὶ τὰ γράμματα φέρειν ἔδωκε τοῖσ οἰκέταισ· τοῦ δὲ πιστοτάτου τῆσ δεξιᾶσ λαβόμενοσ καὶ περιστρέψασ αὐτόν, ὡσ ἔθοσ ἐστὶ Ῥωμαίοισ ἐλευθεροῦν, ἐπιστρεφομένῳ ξίφοσ ἔδωκε καὶ τὴν σφαγὴν ὑπέσχε. ᾧ καὶ διεδείχθη, ὅτι οὐδ’ ἀπ’ ἀρχῆσ ἀλλήλοισ οἵδε οἱ Θρᾷκεσ διεφέροντο, ἀλλὰ δύο στρατοπέδων μεγάλων τε καὶ ἀμφηρίστων περὶ τὴν ἐκείνων γῆν συμφερομένων τὸ ἄδηλον τῆσ τύχησ ἐμερίσαντο, ἵνα ὁ νικῶν περισῴζοι τὸν ἡσσώμενον.

Πορκία δ’, ἡ Βρούτου μὲν γυνή, Κάτωνοσ δὲ ἀδελφὴ τοῦ νεωτέρου, ἐπείτε ἀμφοῖν ὧδε ἀποθανόντοιν ἐπύθετο, φυλασσομένη πρὸσ τῶν οἰκείων πάνυ ἐγκρατῶσ, ἐσχάρασ πυρὸσ ἐνεχθείσησ ἁρπάσασα τῶν ἀνθράκων κατέπιεν. ὅσοι δ’ ἄλλοι τῶν ἐπιφανῶν ἐσ Θάσον διέφυγον, οἱ μὲν αὐτῶν ἐξέπλευσαν, οἱ δὲ ἐπέτρεψαν ἑαυτοὺσ ἅμα τῷ λοιπῷ στρατῷ τῶν ὁμοτίμων Μεσσάλᾳ τε Κορουίνῳ καὶ Λευκίῳ Βύβλῳ, ὅ τι βουλεύσοιντο περὶ σφῶν, ποιεῖν περὶ ἁπάντων. οἱ δὲ συνθέμενοι τοῖσ περὶ τὸν Ἀντώνιον, Ἀντωνίῳ διαπλεύσαντι ἐσ τὴν Θάσον παρέδοσαν, ὅσα ἦν ἐν Θάσῳ χρήματά τε καὶ ὅπλα καὶ τροφαὶ δαψιλεῖσ καὶ ἄλλη παρασκευὴ πολλή. Οὕτω μὲν δὴ Καίσαρί τε καὶ Ἀντωνίῳ διὰ τόλμησ ἐπισφαλοῦσ καὶ δυοῖν πεζομαχίαιν τηλικοῦτον ἔργον ἤνυστο, οἱο͂ν οὐχ ἕτερον ἐγένετο πρὸ ἐκείνου.

οὔτε γὰρ στρατὸσ τοσοῦτοσ ἢ τοιοῦτοσ ἐσ χεῖρασ πρότερον ἦλθε Ῥωμαίων ἑκατέρωθεν, οὐχ ὑπὸ συντάξει πολιτικῇ στρατευσαμένων, ἀλλὰ ἀριστίνδην ἐπειλεγμένων οὐδ’ ἀπειροπολέμων ἔτι, ἀλλ’ ἐκ πολλοῦ γεγυμνασμένων ἐπί τε σφᾶσ καὶ οὐκ ἀλλόφυλα ἢ βάρβαρα ἔθνη τρεπομένων. ἀλλὰ καὶ γλώσσησ μιᾶσ ὄντεσ καὶ τέχνησ πολέμων μιᾶσ καὶ ἀσκήσεωσ καὶ καρτερίασ ὁμοίασ, δυσκαταγώνιστοι παρ’ αὐτὸ ἦσαν ἀλλήλοισ. οὐδὲ ὁρμῇ καὶ τόλμῃ τοσῇδέ τινεσ ἐχρήσαντο ἐν πολέμῳ, πολῖταί τε ὄντεσ ἀλλήλων καὶ οἰκεῖοι καὶ συστρατιῶται γενόμενοι. τεκμήριον δέ, ὅτι τῶν νεκρῶν ὁ ἀριθμόσ, ἐπανισουμένησ ἑκατέρασ μάχησ, οὐκ ἐλάσσων ἔδοξεν οὐδὲ παρὰ τοῖσ νικῶσιν εἶναι. Ὁ δὲ στρατὸσ ὁ Ἀντωνίου καὶ Καίσαροσ τὸν τῶν στρατηγῶν λόγον ἐπηλήθευσαν, διὰ μιᾶσ ἡμέρασ καὶ δι’ ἑνὸσ ἔργου κίνδυνον ἔσχατον λιμοῦ καὶ δέοσ ἀπωλείασ ἐσ εὐπορίαν δαψιλῆ καὶ σωτηρίαν ἀσφαλῆ καὶ νίκην εὐκλεῆ μεταβαλόντεσ.

ἀπήντησέ γε μὴν αὐτοῖσ καὶ ὃ συνιόντεσ ἐσ τὴν μάχην ἐπεμαντεύσαντο Ῥωμαίοισ· ἐκρίθη γὰρ αὐτῶν ἡ πολιτεία παρ’ ἐκεῖνο τὸ ἔργον μάλιστα καὶ οὐκ ἐπανῆλθεν ἐσ δημοκρατίαν ἔτι, οὐδὲ πόνων αὐτοῖσ ἐσ ἀλλήλουσ ἐδέησεν ὁμοίων, χωρίσ γε τῆσ μετ’ οὐ πολὺ Ἀντωνίου καὶ Καίσαροσ στάσεωσ, ὑστάτησ Ῥωμαίοισ γενομένησ. τὰ δ’ ἐν μέσῳ μετὰ Βροῦτον ὑπό τε Πομπηίου καὶ τῶν διαφυγόντων Κασσίου καὶ Βρούτου φίλων, λείψανα τοσῆσδε παρασκευῆσ μεγάλα ἐχόντων, οὔτε ταῖσ τόλμαισ ὅμοια ἔτι ἐγίγνετο οὔτε ταῖσ τῶν ἀνδρῶν ἢ πόλεων ἢ στρατῶν ἐσ τοὺσ ἡγεμόνασ ὁρμαῖσ· οὐ γάρ τισ αὐτοῖσ τῶν ἐπιφανῶν ἔτι οὐδ’ ἡ βουλὴ οὐδὲ ἡ δόξα αὕτη, ὡσ ἐσ Κάσσιόν τε καὶ Βροῦτον, ἀπήντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 4, chapter 17

(아피아노스, The Civil Wars, book 4, chapter 17)

상위

목록

SEARCH

MENU NAVIGATION