헬라어 문장 검색 - Πλυταρ́Διον́56́

(플루타르코스, Dion, chapter 56)

ἐν τοιούτοισ δὲ τοῦ Δίωνοσ ὄντοσ, ὁ Κάλλιπποσ ἔτι μᾶλλον εἴχετο τῆσ ἐπιβουλῆσ, καὶ λόγον εἰσ τοὺσ Συρακουσίουσ ἐξέδωκεν ὡσ ὁ Δίων, ἄπαισ γεγονώσ, ἔγνωκε τὸν Διονυσίου καλεῖν Ἀπολλοκράτην καὶ ποιεῖσθαι διάδοχον, ἀδελφιδοῦν μὲν ὄντα τῆσ ἑαυτοῦ γυναικόσ, θυγατριδοῦν δὲ τῆσ ἀδελφῆσ. ἤδη δὲ καὶ τὸν Δίωνα καὶ τὰσ γυναῖκασ ὑπόνοια τῶν πραττομένων εἶχε, καὶ μηνύσεισ ἐγίγνοντο πανταχόθεν. ἀλλ’ ὁ μὲν Δίων, ὡσ ἐοίκεν, ἐπὶ τοῖσ κατὰ τὸν Ἡρακλείδην ἀχθόμενοσ, καὶ τὸν φόνον ἐκεῖνον, ὥσ τινα τοῦ βίου καὶ τῶν πράξεων αὐτῷ κηλῖδα περικειμένην, δυσχεραίνων ἀεὶ καὶ βαρυνόμενοσ, εἶπεν ὅτι πολλάκισ ἤδη θνῄσκειν ἕτοιμόσ ἐστι καὶ παρέχειν τῷ βουλομένῳ σφάττειν αὐτόν, εἰ ζ̣

ῆν δεήσει μὴ μόνον τοὺσ ἐχθρούσ, ἀλλὰ καὶ τοὺσ φίλουσ φυλαττόμενον. τὰσ δὲ γυναῖκασ ὁρῶν ὁ Κάλλιπποσ ἐξεταζούσασ ἀκριβῶσ τὸ πρᾶγμα, καὶ φοβηθείσ, ἦλθε πρὸσ αὐτὰσ ἀρνούμενοσ καὶ δακρύων καὶ πίστιν ἣν βούλονται διδόναι βουλόμενοσ.

αἱ δ’ ἠξίουν αὐτὸν ὀμόσαι τὸν μέγαν ὁρ́κον. ἦν δὲ τοιοῦτοσ· καταβὰσ εἰσ τὸ τῶν Θεσμοφόρων τέμενοσ ὁ διδοὺσ τὴν πίστιν, ἱερῶν τινων γενομένων, περιβάλλεται τὴν πορφυρίδα τῆσ θεοῦ, καὶ λαβὼν δᾷδα καιομένην ἀπόμνυσι. ταῦτα ποιήσασ ὁ Κάλλιπποσ πάντα, καὶ τὸν ὁρ́κον ἀπομόσασ, οὕτω κατεγέλασε τῶν θεῶν ὥστε περιμείνασ τὴν ἑορτὴν ἧσ ὤμοσε θεοῦ, δρᾷ τὸν φόνον ἐν τοῖσ Κορείοισ, οὐδὲν ἴσωσ τὸ περὶ τὴν ἡμέραν τῆσ θεοῦ ποιησάμενοσ, ὡσ ἀσεβουμένησ πάντωσ, εἰ καὶ κατ’ ἄλλον χρόνον ἔσφαττε τὸν μύστην αὐτῆσ ὁ μυσταγωγόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Dion, chapter 56

(플루타르코스, Dion, chapter 56)

상위

목록

SEARCH

MENU NAVIGATION