Plutarch, Dion, chapter 1

(플루타르코스, Dion, chapter 1)

ἆρά γε, ὥσπερ ὁ Σιμωνίδησ φησίν, ὦ Σόσσιε Σενεκίων, τοῖσ Κορινθίοισ οὐ μηνίειν τὸ Ἴλιον ἐπιστρατεύσασι μετὰ τῶν Ἀχαιῶν, ὅτι κἀκείνοισ οἱ περὶ Γλαῦκον ἐξ ἀρχῆσ Κορίνθιοι γεγονότεσ συνεμάχουν προθύμωσ, οὕτωσ εἰκὸσ τῇ Ἀκαδημείᾳ μήτε Ῥωμαίουσ μήτε Ἕλληνασ ἐγκαλεῖν ἴσον φερομένουσ ἐκ τῆσ γραφῆσ ταύτησ, ἣ τόν τε Βρούτου περιέχει βίον καὶ τόν Δίωνοσ, ὧν ὁ μὲν αὐτῷ Πλάτωνι πλησιάσασ, ὁ δὲ τοῖσ λόγοισ ἐντραφεὶσ τοῖσ Πλάτωνοσ, ὥσπερ ἐκ μιᾶσ ὡρ́μησαν ἀμφότεροι παλαίστρασ ἐπὶ τοὺσ μεγίστουσ ἀγῶνασ. καὶ τὸ μὲν ὅμοια πολλὰ καὶ ἀδελφὰ πράξαντασ μαρτυρῆσαι τῷ καθηγεμόνι τῆσ ἀρετῆσ ὅτι δεῖ φρονήσει καὶ δικαιοσύνῃ δύναμιν ἐπὶ τὸ αὐτὸ καὶ τύχην συνελθεῖν, ἵνα κάλλοσ ἅμα καὶ μέγεθοσ αἱ πολιτικαὶ πράξεισ λάβωσιν, οὐ θαυμαστόν ἐστιν.

ὡσ γὰρ Ἱππόμαχοσ ο ἀλείπτησ ἔλεγε τοὺσ γεγυμνασμένουσ παρ’ αὐτῷ καὶ κρέασ ἐξ ἀγορᾶσ ἰδὼν φέροντασ ἐπιγνῶναι πόρρωθεν, οὕτω τόν λόγον ἐστὶν εἰκὸσ τῶν πεπαιδευμένων ὁμοίωσ ἕπεσθαι ταῖσ πράξεσιν, ἐμμέλειάν τινα καὶ ῥυθμὸν ἐπιφέροντα μετὰ τοῦ πρέποντοσ.

일치하는 문장이 없습니다.

SEARCH

MENU NAVIGATION