Plutarch, Dion, chapter 42

(플루타르코스, Dion, chapter 42)

οὕτω δὲ τῶν κατὰ τὴν πόλιν ἐχόντων καὶ τοῦ κινδύνου πρὸσ τὴν Ἀχραδινὴν πλησιάζοντοσ, εἰσ ὃν μόνον ἦν καὶ λοιπὸν ἀπερείσασθαι τὴν ἐλπίδα πάντεσ μὲν ἐφρόνουν, ἔλεγε δὲ οὐδείσ, αἰσχυνόμενοι τὴν ἀχαριστίαν καὶ τὴν ἀβουλίαν τὴν πρὸσ Δίωνα, πλήν γε δὴ τῆσ ἀνάγκησ ἐκβιαζομένησ παρὰ τῶν συμμάχων καὶ τῶν ἱππέων γίνεται φωνὴ καλεῖν Δίωνα καὶ μεταπέμπεσθαι τοὺσ Πελοποννησίουσ ἐκ Λεοντίνων. ὡσ δὲ πρῶτον ἠκούσθη καὶ ἀπετολμήθη τοῦτο, κραυγὴ καὶ χαρὰ καὶ δάκρυα τοὺσ Συρακουσίουσ κατεῖχεν εὐχομένουσ ἐπιφανῆναι τὸν ἄνδρα καὶ ποθοῦντασ τὴν ὄψιν αὐτοῦ καὶ μεμνημένουσ τῆσ παρὰ τὰ δεινὰ ῥώμησ καὶ προθυμίασ, ὡσ οὐ μόνον αὐτὸσ ἦν ἀνέκπληκτοσ, ἀλλὰ κἀκείνουσ παρεῖχε θαρροῦντασ καὶ ἀδεῶσ τοῖσ πολεμίοισ συμφερομένουσ.

εὐθὺσ οὖν ἐκπέμπουσι πρὸσ αὐτὸν ἀπὸ μὲν τῶν συμμάχων Ἀρχωνίδην καὶ Τελεσίδην, ἀπὸ δὲ τῶν ἱππέων πέντε τοὺσ περὶ Ἑλλάνικον.

οὗτοι διελάσαντεσ τὴν ὁδὸν ἵπποισ ἀπὸ ῥυτῆροσ ἧκον εἰσ Λεοντίνουσ τῆσ ἡμέρασ ἤδη καταφερομένησ. ἀποπηδήσαντεσ δὲ τῶν ἵππων καὶ τῷ Δίωνι πρώτῳ προσπεσόντεσ δεδακρυμένοι τὰσ συμφορὰσ τῶν Συρακοσίων ἔφραζον. ἤδη δὲ καὶ τῶν Λεοντίνων τινὲσ ἀπήντων καὶ τῶν Πελοποννησίων ἡθροίζοντο πρὸσ τὸν Δίωνα πολλοί, τῇ σπουδῇ καὶ τῇ δεήσει τῶν ἀνδρῶν ὑπονοοῦντεσ εἶναί τι καινότερον.

εὐθὺσ οὖν ἡγεῖτο πρὸσ τὴν ἐκκλησίαν αὐτοῖσ, καὶ συνδραμόντων προθύμωσ οἱ περὶ τὸν Ἀρχωνίδην καὶ τὸν Ἑλλάνικον εἰσελθόντεσ ἐξήγγειλάν τε βραχέωσ τὸ μέγεθοσ τῶν κακῶν, καὶ παρεκάλουν τοὺσ ξένουσ ἐπαμῦναι τοῖσ Συρακουσίοισ, τὸ μνησικακεῖν ἀφέντασ, ὡσ μείζονα δίκην δεδωκότων αὐτῶν ἢ λαβεῖν ἂν οἱ κακῶσ πεπονθότεσ ἠξίωσαν.

일치하는 문장이 없습니다.

SEARCH

MENU NAVIGATION