호흡부호 보기
강세부호 보기
장단부호 보기
작은 Iota 보기
모든 부호 보기
γενομένου δὲ τούτου καὶ φανέντοσ ὠμοῦ τοῖσ ἀνθρώποισ, τὴν μὲν οἰκίαν τοῦ τυράννου πένθοσ εἶχε διὰ τὰσ γυναῖκασ, ἡ δὲ πόλισ τῶν Συρακουσίων ἐπῆρτο πράγματα νεώτερα καὶ μεταβολὴν προσδεχομένη ταχεῖαν ἐκ τοῦ περὶ Δίωνα θορύβου καὶ τῆσ πρὸσ τὸν τύραννον ἀπιστίασ τῶν ἄλλων. ἃ δὴ συνορῶν ὁ Διονύσιοσ καὶ δεδοικώσ, τοὺσ μὲν φίλουσ παρεμυθεῖτο καὶ τὰσ γυναῖκασ ὡσ οὐ φυγῆσ, ἀλλ’ ἀποδημίασ τῷ Δίωνι γεγενημένησ, ὡσ μή τι χεῖρον ὀργῇ πρὸσ τὴν αὐθάδειαν αὐτοῦ παρόντοσ ἁμαρτεῖν βιασθείη·
δύο δὲ ναῦσ παραδοὺσ τοῖσ Δίωνοσ οἰκείοισ ἐκέλευσεν ἐνθεμένοισ ὅσα βούλοιντο τῶν ἐκείνου χρήματα καὶ θεράποντασ ἀπάγειν πρὸσ αὐτὸν εἰσ Πελοπόννησον. ἦν δ’ οὐσία μεγάλη τῷ Δίωνι καὶ σχεδόν τι τυραννικὴ πομπὴ καὶ κατασκευὴ περὶ τὴν δίαιταν, ἣν οἱ φίλοι συλλαβόντεσ ἐκόμιζον.
ἄλλα δ’ ἐπέμπετο πολλὰ παρὰ τῶν γυναικῶν καὶ τῶν ἑταίρων, ὥστε χρημάτων ἕνεκα καὶ πλούτου λαμπρὸν ἐν τοῖσ Ἕλλησιν εἶναι καὶ διαφανῆναι τῇ τοῦ φυγάδοσ εὐπορίᾳ τὴν τῆσ τυραννίδοσ δύναμιν.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기