호흡부호 보기
강세부호 보기
장단부호 보기
작은 Iota 보기
모든 부호 보기
Πλάτωνα δὲ Διονύσιοσ εὐθὺσ μὲν εἰσ τὴν ἀκρόπολιν μετέστησεν, ἔντιμον αὐτῷ σχήματι ξενίασ φιλανθρώπου φρουρὰν μηχανησάμενοσ, ὡσ μὴ συμπλέοι Δίωνι μάρτυσ ὧν ἠδίκητο. ἦν οὖν τῷ Πλάτωνι συμφορὰ τὸ πάθοσ αὐτοῦ τοῦτο, μαινομένου καθάπερ οἱ δυσέρωτεσ ὑπὸ ζηλοτυπίασ, καὶ πολλὰσ μὲν ὀργὰσ ἐν ὀλίγῳ χρόνῳ, πολλὰσ δὲ διαλλαγὰσ καὶ δεήσεισ ποιουμένου πρὸσ αὐτόν, ἀκροᾶσθαι δὲ τῶν λόγων καὶ κοινωνεῖν τῆσ περὶ φιλοσοφίαν πραγματείασ σπουδάζοντοσ μὲν ὑπερφυῶσ, αἰδουμένου δὲ τοὺσ ἀποτρέποντασ ὡσ διαφθαρησομένου.
ἐν τούτῳ δὲ πολέμου τινὸσ ἐμπεσόντοσ ἀποπέμπει τὸν Πλάτωνα, συνθέμενοσ εἰσ ὡρ́αν ἔτουσ μεταπέμψασθαι Δίωνα.
καὶ τοῦτο μὲν εὐθὺσ ἐψεύσατο, τὰσ δὲ προσόδουσ τῶν κτημάτων ἀπέπεμπεν αὐτῷ, ἀξιῶν Πλάτωνα συγγνῶναι περὶ τοῦ χρόνου διὰ τὸν πόλεμον εἰρήνησ γὰρ γενομένησ τάχιστα μεταπέμψεσθαι τὸν Δίωνα, καὶ ἀξιοῦν αὐτὸν ἡσυχίαν ἄγειν καὶ μηδὲν νεωτερίζειν μηδὲ βλασφημεῖν κατ’ αὐτοῦ πρὸσ τοὺσ Ἕλληνασ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기