Plutarch, Dion, chapter 32

(플루타르코스, Dion, chapter 32)

ἀναγινωσκομένων δὲ τούτων οὐχ, ὅπερ ἦν δίκαιον, εἰσῄει τοὺσ Συρακοσίουσ ἐκπλήττεσθαι τὴν ἀπάθειαν καὶ τὴν μεγαλοψυχίαν τοῦ Δίωνοσ ὑπὲρ τῶν καλῶν καὶ δικαίων ἀπισχυριζομένου πρὸσ τοιαύτασ οἰκειότητασ, ἀλλ’ ὑποψίασ καὶ φόβου λαβόντεσ ἀρχήν, ὡσ μεγάλησ οὔσησ ἀνάγκησ ἐκείνῳ φείδεσθαι τοῦ τυράννου, πρὸσ ἑτέρουσ ἤδη προστάτασ ἀπέβλεπον καὶ μάλιστα πυνθανόμενοι καταπλεῖν Ἡρακλείδην ἀνεπτοήθησαν. ἦν δὲ τῶν φυγάδων Ἡρακλείδησ, στρατηγικὸσ μέν ἄνθρωποσ καὶ γνώριμοσ ἀφ’ ἡγεμονίασ ἣν ἔσχε παρὰ τοῖσ τυράννοισ, οὐκ ἀραρὼσ δὲ τὴν γνώμην, ἀλλὰ πρὸσ πάντα κοῦφοσ, ἥκιστα δὲ βέβαιοσ ἐν κοινωνίᾳ πραγμάτων ἀρχὴν ἐχόντων καὶ δόξαν.

οὗτοσ ἐν Πελοποννήσῳ πρὸσ Δίωνα στασιάσασ ἔγνω καθ’ αὑτὸν ἰδιόστολοσ πλεῖν ἐπὶ τὸν τύραννον, εἴσ τε Συρακούσασ ἀφικόμενοσ ἑπτὰ τριήρεσι καὶ τρισὶ πλοίοισ Διονύσιον μέν αὖθισ εὑρ͂ε περιτετειχισμένον, ἐπηρμένουσ δὲ τοὺσ Συρακουσίουσ. εὐθὺσ οὖν ὑπεδύετο τὴν τῶν πολλῶν χάριν, ἔχων μέν τι καὶ φύσει πιθανὸν καὶ κινητικὸν ὄχλου θεραπεύεσθαι ζητοῦντοσ, ὑπολαμβάνων δὲ καὶ μετάγων ῥᾷον αὐτούσ, οἳ τὸ σεμνὸν τοῦ Δίωνοσ ὡσ βαρὺ καὶ δυσπολίτευτον ἀπεστρέφοντο διὰ τὴν γεγενημένην ἐκ τοῦ κρατεῖν ἄνεσιν καὶ θρασύτητα, πρὸ τοῦ δῆμοσ εἶναι τὸ δημαγωγεῖσθαι θέλοντεσ.

일치하는 문장이 없습니다.

SEARCH

MENU NAVIGATION