헬라어 문장 검색 - Πλυταρ́Διον́25́

(플루타르코스, Dion, chapter 25)

τοὺσ δὲ στρατιώτασ τοὺσ Δίωνοσ ἐξεδέξαντο στρογγύλαι δύο ναῦσ, τρίτον δὲ πλοῖον οὐ μέγα καὶ δύο τριακόντοροι παρηκολούθουν. ὅπλα δέ, χωρὶσ ὧν εἶχον οἱ στρατιῶται, δισχιλίασ μὲν ἐκόμιζεν ἀσπίδασ, βέλη δὲ καὶ δόρατα πολλὰ, καὶ πλῆθοσ ἐφοδίων ἄφθονον, ὅπωσ ἐπιλίπῃ μηδὲν αὐτοὺσ ποντοποροῦντασ, ἅτε δὴ τὸ σύμπαν ἐπὶ πνεύμασι καὶ θαλάσσῃ πεποιημένουσ τὸν πλοῦν διὰ τὸ τὴν γῆν φοβεῖσθαι καὶ πυνθάνεσθαι Φίλιστον ἐν Ιἀπυγίᾳ ναυλοχοῦντα παραφυλάττειν. ἀραιῷ δὲ καὶ μαλακῷ πνεύματι πλεύσαντεσ ἡμέρασ δώδεκα, τῇ τρισκαιδεκάτῃ κατὰ Πάχυνον ἦσαν, ἄκραν τῆσ Σικελίασ, καὶ Πρῶτοσ μὲν ὁ κυβερνήτησ κατὰ τάχοσ ἐκέλευσεν ἀποβαίνειν, ὡσ, ἂν ἀποσπασθῶσι τῆσ γῆσ καὶ τὴν ἄκραν ἑκόντεσ ἀφῶσι, πολλὰσ ἡμέρασ καὶ νύκτασ ἐν τῷ πελάγει τριβησομένουσ, ὡρ́ᾳ θέρουσ νότον περιμένοντασ.

Δίων δὲ τὴν ἐγγὺσ τῶν πολεμίων ἀπόβασιν δεδιὼσ καὶ τῶν πρόσω μᾶλλον ἅψασθαι βουλόμενοσ παρέπλευσε τὸν Πάχυνον. ἐκ δὲ τούτου τραχὺσ μὲν ἀπαρκτίασ ἐπιπεσὼν ἤλαυνε πολλῷ κλύδωνι τὰσ ναῦσ ἀπὸ τῆσ Σικελίασ, ἀστραπαὶ δὲ καὶ βρονταὶ φανέντοσ Ἀρκτούρου συμπεσοῦσαι πολὺν ἐξ οὐρανοῦ χειμῶνα καὶ ῥαγδαῖον ὄμβρον ἐξέχεαν ᾧ τῶν ναυτῶν συνταραχθέντων καὶ πλάνησ γενομένησ καθορῶσιν αἰφνίδιον ὑπὸ τοῦ κύματοσ ὠθουμένασ τὰσ ναῦσ ἐπὶ τὴν πρὸσ Λιβύῃ Κέρκιναν, ᾗ μάλιστα κρημνώδησ ἀπήντα καὶ τραχεῖα προσφερομένοισ αὐτοῖσ ἡ νῆσοσ, μικρὸν οὖν δεήσαντεσ ἐκριφῆναι καὶ συντριβῆναι περὶ τὰσ πέτρασ ἐβιάζοντο πρὸσ κοντὸν παραφερόμενοι μόλισ, ἑώσ ὁ χειμὼν ἐλώφησε καὶ πλοίῳ συντυχόντεσ ἔγνωσαν ἐπὶ ταῖσ καλουμέναισ κεφαλαῖσ τῆσ μεγάλησ Σύρτεωσ ὅντεσ.

ἀθυμοῦσι δ’ αὐτοῖσ πρὸσ τὴν γαλήνην καὶ διαφερομένοισ αὔραν τινὰ κατέσπειρεν ἡ χώρα νότιον, οὐ πάνυ προσδεχομένοισ νότον οὐδὲ πιστεύουσι τῇ μεταβολῇ.

κατὰ μικρὸν δὲ ῥωννυμένου τοῦ πνεύματοσ καὶ μέγεθοσ λαμβάνοντοσ ἐκτείναντεσ ὅσον ἦν ἱστίων, καὶ προσευξάμενοι τοῖσ θεοῖσ, πελάγιοι πρὸσ τὴν Σικελίαν ἔφευγον ἀπὸ τῆσ Λιβύησ·

καὶ θέοντεσ ἐλαφρῶσ πεμπταῖοι κατὰ Μίνῳαν ὡρμίσαντο, πολισμάτιον ἐν τῇ Σικελίᾳ τῆσ Καρχηδονίων ἐπικρατείασ, Ἔτυχε δὲ παρὼν ὁ Καρχηδόνιοσ ἄρχων Σύναλοσ ἐν τῷ χωρίῳ, ξένοσ ὢν καὶ φίλοσ Δίωνοσ. ἀγνοῶν δὲ τὴν παρουσίαν αὐτοῦ καὶ τὸν στόλον, ἐπειρᾶτο κωλύειν τοὺσ στρατιώτασ ἀποβαίνοντασ, οἱ δὲ μετὰ τῶν ὅπλων ἐκδραμόντεσ ἀπέκτειναν μὲν οὐδένα, ἀπειρήκει γὰρ ὁ Δίων διὰ τὴν οὖσαν αὐτῷ φιλίαν πρὸσ τὸν Καρχηδόνιον, φεύγουσι δὲ συνεισπεσόντεσ αἱροῦσι τὸ χωρίον, ὡσ δ’ ἀπήντησαν ἀλλήλοισ οἱ ἡγεμόνεσ καὶ ἠσπάσαντο, Δίων μὲν ἀπέδωκε τὴν πόλιν Συνάλῳ, οὐδὲν ἀδικήσασ, Σύναλοσ δὲ τοὺσ στρατιώτασ ἐξένιζε καὶ συμπαρεσκεύαζεν ὧν Δίων ἐδεῖτο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Dion, chapter 25

(플루타르코스, Dion, chapter 25)

상위

목록

SEARCH

MENU NAVIGATION