헬라어 문장 검색 - Πλυταρ́Διον́35́

(플루타르코스, Dion, chapter 35)

ἦν μὲν οὖν ἤδη μοχθηρὰ τὰ περὶ τὸν Σῶσιν προσγενομένων δὲ τούτοισ τοῖσ ἐλέγχοισ οἰκετῶν καταμαρτυρούντων ὡσ ἔτι νυκτὸσ ἐξέλθοι μόνοσ ἔχων τὸ ξυρόν, οἵ τε κατηγοροῦντεσ τοῦ Δίωνοσ ὑπεχώρησαν ὅ τε δῆμοσ καταψηφισάμενοσ θάνατον τοῦ Σώσιδοσ διηλλάσσετο τῷ Δίωνι. τοὺσ δὲ μισθοφόρουσ οὐδὲν ἧττον ἐν ὑποψίαισ εἶχον, καὶ μάλιστα τῶν πλείστων ἀγώνων πρὸσ τὸν τύραννον ἤδη γινομένων κατὰ θάλατταν, ἐπειδὴ Φίλιστοσ ἧκεν ἐξ Ιἀπυγίασ ἔχων πολλὰσ τριήρεισ Διονυσίῳ βοηθήσων, καὶ τῶν ξένων ὄντων ὁπλιτῶν οὐδεμίαν ἔτι χρῆσιν ἐνόμιζον εἶναι πρὸσ τὸν πόλεμον, ἀλλὰ κἀκείνουσ ἐφ’ ἑαυτοῖσ ἔσεσθαι ναυβάταισ οὖσι καὶ τὸ κράτοσ ἐκ τῶν νεῶν κτωμένοισ.

ἔτι δὲ μᾶλλον αὐτοὺσ ἐπῆρεν εὐτυχία τισ γενομένη κατὰ θάλασσαν, ἐν ᾗ νικήσαντεσ τὸν Φίλιστον ὠμῶσ καὶ βαρβαρικῶσ αὐτῷ προσηνέχθησαν.

Ἔφοροσ μὲν οὖν φησιν ὡσ ἁλισκομένησ τῆσ νεὼσ ἑαυτὸν ἀνέλοι, Τιμωνίδησ δὲ πραττομέναισ ἐξ ἀρχῆσ ταῖσ πράξεσι ταύταισ μετὰ Δίωνοσ παραγενόμενοσ καὶ γράφων πρὸσ Σπεύσιππον τὸν φιλόσοφον ἱστορεῖ ζῶντα ληφθῆναι τῆσ τριήρουσ εἰσ τὴν γῆν ἐκπεσούσησ τὸν Φίλιστον καὶ πρῶτον μὲν ἀποδύσαντασ αὐτοῦ τὸν θώρακα τοὺσ Συρακουσίουσ καὶ γυμνὸν ἐπιδειξαμένουσ τὸ σῶμα προπηλακίζειν ὄντοσ ἤδη γέροντοσ· ἔπειτα τὴν κεφαλὴν ἀποτεμεῖν καὶ τοῖσ παισὶ παραδοῦναι τὸ σῶμα, κελεύσαντασ ἕλκειν διὰ τῆσ Ἀχραδινῆσ καὶ καταβαλεῖν εἰσ τὰσ Λατομίασ.

ἔτι δὲ μᾶλλον ἐφυβρίζων ὁ Τίμαιοσ ἐκ τοῦ σκέλουσ φησὶ τοῦ χωλοῦ τὰ παιδάρια τὸν νεκρὸν ἐφαψάμενα τοῦ Φιλίστου σύρειν διὰ τῆσ πόλεωσ·

χλευαζόμενον ὑπὸ τῶν Συρακουσίων πάντων, ὁρώντων τοῦ σκέλουσ ἑλκόμενον τὸν εἰπόντα μὴ δεῖν ἐκ τυραννίδοσ φεύγειν Διονύσιον ἵππῳ ταχεῖ χρώμενον, ἀΧλὰ τοῦ σκέλουσ ἑλκόμενον. καίτοι τοῦτο Φίλιστοσ, ὡσ ὑφ’ ἑτέρου λεχθέν, οὐχ ὑφ’ αὑτοῦ, πρὸσ Διονύσιον ἐξήγγελκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Dion, chapter 35

(플루타르코스, Dion, chapter 35)

상위

목록

SEARCH

MENU NAVIGATION