헬라어 문장 검색 - Πλυταρ́Διον́33́

(플루타르코스, Dion, chapter 33)

καὶ πρῶτον μὲν εἰσ ἐκκλησίαν ἀφ’ αὑτῶν συνδραμόντεσ εἵλοντο τὸν Ἡρακλείδην ναύαρχον. ἐπεὶ δὲ Δίων παρελθὼν ᾐτιᾶτο τὴν ἐκείνῳ διδομένην ἀρχὴν ἀφαίρεσιν εἶναι τῆσ πρότερον αὐτῷ δεδομένησ, οὐκέτι γὰρ αὐτοκράτωρ μένειν, ἂν ἄλλοσ ἡγῆται τῶν κατὰ θάλασσαν, ἄκοντεσ οἱ Συρακούσιοι πάλιν ἀπεψηφίσαντο τὸν Ἡρακλείδην. γενομένων δὲ τούτων μεταπεμψάμενοσ αὐτὸν ὁ Δίων οἴκαδε, καὶ μικρὰ μεμψάμενοσ, ὡσ οὐ καλῶσ οὐδὲ συμφερόντωσ ὑπὲρ δόξησ στασιάζοντα πρὸσ αὐτὸν ἐν καιρῷ ῥοπῆσ ὀλίγησ δεομένῳ πρὸσ ἀπώλειαν, αὖθισ ἐκκλησίαν αὐτὸσ συναγαγών ναύαρχον ἀπέδειξε τὸν Ἡρακλείδην, καὶ τοῦ σώματοσ ἔπεισε φυλακὴν δοῦναι τοὺσ πολίτασ, ὥσπερ αὐτὸσ εἶχεν.

ὁ δὲ τῷ μὲν λόγῳ καὶ τῷ σχήματι τὸν Δίωνα θεραπεύων καὶ χάριν ὁμολογῶν ἔχειν παρηκολούθει ταπεινόσ, ὑπηρετῶν τὸ κελευόμενον, κρύφα δὲ τοὺσ πολλοὺσ καὶ νεωτεριστὰσ διαφθείρων καὶ ὑποκινῶν, θορύβοισ τὸν Δίωνα περιέβαλλεν, εἰσ ἅπασαν ἀπορίαν καθιστάμενον.

εἴτε γὰρ ἀφιέναι κελεύοι Διονύσιον ὑπόσπονδον ἐκ τῆσ ἄκρασ, διαβολὴν εἶχε φείδεσθαι καὶ περισῴζειν ἐκεῖνον, εἴτε λυπεῖν μὴ βουλόμενοσ ἐπὶ τῆσ πολιορκίασ ἡσυχάζοι, διατηρεῖν ἐδόκει τὸν πόλεμον, ὡσ μᾶλλον ἄρχοι καὶ καταπλήττοιτο τοὺσ πολίτασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Dion, chapter 33

(플루타르코스, Dion, chapter 33)

상위

목록

SEARCH

MENU NAVIGATION