헬라어 문장 검색 - Πλυταρ́Διον́24́

(플루타르코스, Dion, chapter 24)

μετὰ δὲ τὰσ σπονδὰσ καὶ τὰσ νενομισμένασ κατευχὰσ ἐξέλιπεν ἡ σελήνη, καὶ τοῖσ μὲν περὶ τὸν Δίωνα θαυμαστὸν οὐδὲν ἦν λογιζομένοισ τὰσ ἐκλειπτικὰσ περιόδουσ καὶ τὴν γινομένην τοῦ σκιάσματοσ ἀπάντησιν πρὸσ τὴν σελήνην καὶ τῆσ γῆσ τὴν ἀντίφραξιν πρὸσ τὸν ἥλιον. ἐπεὶ δὲ τοῖσ στρατιώταισ διαταραχθεῖσιν ἔδει τινὸσ παρηγορίασ, Μιλτᾶσ ὁ μάντισ ἐν μέσῳ καταστὰσ ἐκέλευε θαρρεῖν αὐτοὺσ καὶ προσδοκᾶν τὰ κράτιστα·

σημαίνειν γὰρ τὸ δαιμόνιον ἔκλειψίν τινοσ τῶν νῦν ἐπιφανῶν ἐπιφανέστερον δὲ μηδὲν εἶναι τῆσ Διονυσίου τυραννίδοσ, ἧσ τὸ λαμπρὸν ἀποσβέσειν ἐκείνουσ εὐθὺσ ἁψαμένουσ Σικελίασ, τοῦτο μὲν οὖν ὁ Μιλτᾶσ εἰσ μέσον ἐξέθηκε πᾶσι τὸ δὲ τῶν μελισσῶν, αἳ περὶ τὰ πλοῖα τοῦ Δίωνοσ ὤφθησαν ἑσμὸν λαμβάνουσαι κατὰ πρύμναν, ἰδίᾳ πρὸσ αὐτὸν καὶ τοὺσ φίλουσ ἔφραζε δεδιέναι μὴ καλαὶ μὲν αἱ πράξεισ αὐτοῦ γένωνται, χρόνον δ’ ὀλίγον ἀνθήσασαι μαρανθῶσι. λέγεται δὲ καὶ τῷ Διονυσίῳ πολλὰ τερατώδη παρὰ τοῦ δαιμονίου γενέσθαι σημεῖα.

ἀετὸσ μὲν γὰρ ἁρπάσασ δοράτιόν τινοσ τῶν δορυφόρων ἀράμενοσ ὑψοῦ καὶ φέρων ἀφῆκεν εἰσ τὸν βυθόν ἡ δὲ προσκλύζουσα πρὸσ τὴν ἀκρόπολιν θάλασσα μίαν ἡμέραν τὸ ὕδωρ γλυκὺ καὶ πότιμον παρέσχεν, ὥστε γευσαμένοισ πᾶσι κατάδηλον εἶναι.

χοῖροι δ’ ἐτέχθησαν αὐτῷ τῶν μὲν ἄλλων οὐδενὸσ ἐνδεεῖσ μορίων, ὦτα δ’ οὐκ ἔχοντεσ. ἀπεφαίνοντο δ’ οἱ μάντεισ τοῦτο μὲν ἀποστάσεωσ καὶ ἀπειθείασ εἶναι σημεῖον, ὡσ οὐκέτι τῶν πολιτῶν ἀκουσομένων τῆσ τυραννίδοσ, τὴν δὲ γλυκύτητα τῆσ θαλάσσησ μεταβολὴν καιρῶν ἀνιαρῶν καὶ πονηρῶν εἰσ πράγματα χρηστὰ φέρειν Συρακουσίοισ.

ἀετὸσ δὲ θεράπων Διόσ, λόγχη δὲ παράσημον ἀρχῆσ καὶ δυναστείασ· ἀφανισμὸν οὖν καὶ κατάλυσιν τῇ τυραννίδι βουλεύειν τὸν τῶν θεῶν μέγιστον. ταῦτα μὲν οὖν Θεόπομποσ ἱστόρηκε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Dion, chapter 24

(플루타르코스, Dion, chapter 24)

상위

목록

SEARCH

MENU NAVIGATION