헬라어 문장 검색 - Πλυταρ́Ξαμιλλύ42́

(플루타르코스, Camillus, chapter 42)

τῶν μὲν οὖν στρατιωτικῶν ἀγώνων οὗτοσ ἠγωνίσθη τῷ Καμίλλῳ τελευταῖοσ, τὴν γὰρ Οὐελιτρανῶν πόλιν εἷλεν ἐν παρέργῳ ταύτησ τῆσ στρατείασ ἀμαχεὶ προσχωρήσασαν αὐτῷ. τῶν δὲ πολιτικῶν ὁ μέγιστοσ ὑπελείπετο καὶ χαλεπώτεροσ πρὸσ τὸν δῆμον ἰσχυρὸν ἐπανήκοντα τῇ νίκῃ καὶ βιαζόμενον ἐκ δημοτῶν ὕπατον ἀποδεῖξαι παρὰ τὸν καθεστῶτα νόμον, ἀντιταττομένησ τῆσ βουλῆσ καὶ τὸν Κάμιλλον οὐκ ἐώσησ ἀποθέσθαι τὴν ἀρχήν, ὡσ μετ’ ἰσχυρᾶσ καὶ μεγάλησ ἐξουσίασ τῆσ ἐκείνου μαχησομένων ἂν βέλτιον ὑπὲρ τῆσ ἀριστοκρατίασ. ἐπεὶ δὲ προκαθημένου τοῦ Καμίλλου καὶ χρηματίζοντοσ ἐπὶ τῆσ ἀγορᾶσ ὑπηρέτησ πεμφθεὶσ παρὰ τῶν δημάρχων ἐκέλευσεν ἀκολουθεῖν καὶ τὴν χεῖρα τῷ σώματι προσῆγεν ὡσ ἀπάξων, κραυγὴ δὲ καὶ θόρυβοσ, οἱο͂σ οὔπω, κατέσχε τὴν ἀγοράν, τῶν μὲν περὶ τὸν Κάμιλλον ὠθούντων ἀπὸ τοῦ βήματοσ τὸν δημόσιον, τῶν δὲ πολλῶν κάτωθεν ἕλκειν ἐπικελευομένων, ἀπορούμενοσ τοῖσ παροῦσι τὴν μὲν ἀρχὴν οὐ προήκατο, τοὺσ δὲ βουλευτὰσ ἀναλαβὼν ἐβάδιζεν ἐπὶ τὴν σύγκλητον.

καὶ πρὶν εἰσελθεῖν μεταστραφεὶσ εἰσ τὸ Καπιτώλιον εὔξατο τοῖσ θεοῖσ κατευθῦναι τὰ παρόντα πρὸσ τὸ κάλλιστον τέλοσ, ὑποσχόμενοσ ναὸν Ὁμονοίασ ἱδρύσασθαι τῆσ ταραχῆσ καταστάσησ.

μεγάλου δ’ ἀγῶνοσ ἐν τῇ συγκλήτῳ γενομένου πρὸσ τὰσ ἐναντίασ γνώμασ, ὅμωσ ἐνίκησεν ἡ μαλακωτέρα καὶ ὑπείκουσα τῷ δήμῳ καὶ διδοῦσα τῶν ὑπάτων τὸν ἕτερον ἀπὸ τοῦ πλήθουσ ἀρχαιρεσιάσαι. ταῦτα δ’ ὡσ τῇ βουλῇ δοκοῦντα τοῦ δικτάτοροσ ἀνειπόντοσ ἐν τῷ δήμῳ, παραχρῆμα μὲν, οἱο͂ν εἰκὸσ, ἡδόμενοι τῇ βουλῇ διηλλάττοντο καὶ τὸν Κάμιλλον οἴκαδε κρότῳ καὶ βοῇ προέπεμπον.

τῇ δ’ ὑστεραίᾳ συνελθόντεσ ἐψηφίσαντο τῆσ μὲν Ὁμονοίασ ἱερόν, ὥσπερ εὔξατο Κάμιλλοσ, εἰσ τὴν ἀγορὰν καὶ τὴν ἐκκλησίαν ἄποπτον ἐπὶ τοῖσ γεγενημένοισ ἱδρύσασθαι, ταῖσ δὲ καλουμέναισ Λατίναισ μίαν ἡμέραν προσθέντασ ἑορτάζειν τέτταρασ, παραυ‐ τίκα δὲ θύειν καὶ στεφανηφορεῖν Ῥωμαίουσ ἅπαντασ. τῶν δ’ ἀρχαιρεσίων βραβευθέντων ὑπὸ Καμίλλου κατεστάθησαν ὕπατοι Μᾶρκοσ μὲν Αἰμίλιοσ ἐκ πατρικίων, Λεύκιοσ δὲ Σέξτιοσ ἐκ δημοτῶν πρῶτοσ, καὶ τοῦτο πέρασ αἱ Καμίλλου πράξεισ ἔσχον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Camillus, chapter 42

(플루타르코스, Camillus, chapter 42)

상위

목록

SEARCH

MENU NAVIGATION