헬라어 문장 검색 - Πλυταρ́Ξαμιλλύ07́

(플루타르코스, Camillus, chapter 7)

ὁ δὲ Κάμιλλοσ εἴτε μεγέθει τοῦ ἔργου, πόλιν ἀντίπαλον τῆσ Ῥώμησ ἔτει δεκάτῳ τῆσ πολιορκίασ καθῃρηκώσ, εἴτε ὑπὸ τῶν εὐδαιμονιζόντων αὐτὸν εἰσ ὄγκον ἐξαρθεὶσ καὶ φρόνημα νομίμου καὶ πολιτικῆσ ἀρχῆσ ἐπαχθέστερον, τά τε ἄλλα σοβαρῶσ ἐθριάμβευσε καί τέθριππον ὑποζευξάμενοσ λευκόπωλον ἐπέβη καὶ διεξήλασε τῆσ Ῥώμησ, οὐδενὸσ τοῦτο ποιήσαντοσ ἡγεμόνοσ πρότερον οὐδ’ ὕστερον, ἱερὸν γὰρ ἡγοῦνται τὸ τοιοῦτον ὄχημα τῷ βασιλεῖ καὶ πατρὶ τῶν θεῶν ἐπιπεφημισμένον. ἔκ τε δὴ τούτου διεβλήθη πρὸσ τοὺσ πολίτασ οὐκ εἰθισμένουσ ἐντρυφᾶσθαι, καὶ δευτέραν ἔλαβεν αἰτίαν ἐνιστάμενοσ νόμῳ διοικίζοντι τήν πόλιν.

εἰσηγοῦντο γὰρ οἱ δήμαρχοι τόν τε δῆμον καὶ τήν σύγκλητον ἴσα μέρη δύο νεμηθῆναι, καὶ τοὺσ μὲν αὐτόθι κατοικεῖν, τοὺσ δὲ κλήρῳ λαχόντασ εἰσ τήν αἰχμάλωτον μεταστῆναι πόλιν, ὡσ εὐπορωτέρων ἐσομένων καὶ δυσὶ μεγάλοισ καὶ καλοῖσ ἄστεσι τήν τε χώραν ὁμοῦ καὶ τήν ἄλλην εὐδαιμονίαν φυλαξόντων. ὁ μὲν οὖν δῆμοσ ἤδη πολὺσ γεγονὼσ καὶ ἀχρήματοσ ἄσμενοσ ἐδέξατο, καὶ συνεχὴσ ἦν τοῖσ περὶ τὸ βῆμα θορύβοισ αἰτῶν τήν ψῆφον ἡ δὲ βουλὴ καὶ τῶν ἄλλων οἱ κράτιστοι πολιτῶν οὐ διαίρεσιν, ἀλλ’ ἀναίρεσιν ἡγούμενοι τῆσ Ῥώμησ πολιτεύεσθαι τοὺσ δημάρχουσ καὶ δυσανασχετοῦντεσ ἐπὶ τόν Κάμιλλον κατέφυγον.

κἀκεῖνοσ ὀρρωδῶν τόν ἀγῶνα προφάσεισ ἐνέβαλλε τῷ δήμῳ καὶ ἀσχολίασ, δι’ ὧν ἀεὶ τόν νόμον ἐξέκρουεν.

ἦν μὲν οὖν διὰ ταῦτα λυπηρόσ. ἡ δε φανερωτάτη καὶ μεγίστη τῶν ἀπεχθειῶν αὐτῷ πρὸσ τόν δῆμον ἐκ τῆσ δεκάτησ τῶν λαφύρων ὑπῆρξεν, οὐκ ἄλογον, εἰ καὶ μὴ πάνυ δικαίαν ἀρχὴν τῶν πολλῶν λαβόντων, εὔξατο μὲν γὰρ ἐπὶ τοὺσ Οὐηϊούσ, ὡσ ἐοίκε, βαδίζων, εἰ τήν πόλιν ἕλοι, τῷ θεῷ τούτων τήν δεκάτην καθιερώσειν, ἁλούσησ δὲ τῆσ πόλεωσ καὶ διαρπασθείσησ, εἴτ’ ὀκνήσασ ἐνοχλῆσαι τοῖσ πολίταισ, εἴτε λήθη τισ αὐτὸν ὑπὸ τῶν παρόντων πραγμάτων ἔλαβε τῆσ εὐχῆσ, περιεῖδεν ὠφεληθέντασ. ὕστερον δὲ χρόνῳ τῆσ ἀρχῆσ ἐκείνησ ἤδη πεπαυμένοσ ἀνήνεγκε περὶ τούτων εἰσ τήν σύγκλητον, οἵ τε μάντεισ ἤγγελλον ἐπὶ τοῖσ ἱεροῖσ προφαίνεσθαι θεῶν μῆνιν ἱλασμοῦ καὶ χαριστηρίων δεομένην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Camillus, chapter 7

(플루타르코스, Camillus, chapter 7)

상위

목록

SEARCH

MENU NAVIGATION