헬라어 문장 검색 - Πλυταρ́Ξαμιλλύ02́

(플루타르코스, Camillus, chapter 2)

οὔπω δὲ τότε περὶ τὸν τῶν Φουρίων οἶκον οὔσησ μεγάλησ ἐπιφανείασ αὐτὸσ ἀφ’ ἑαυτοῦ πρῶτοσ εἰσ δόξαν προῆλθεν ἐν τῇ μεγάλῃ μάχῃ πρὸσ Αἰκανοὺσ καὶ Οὐολούσκουσ ὑπὸ δικτάτορι Ποστουμίῳ Τουβέρτῳ στρατευόμενοσ, προϊππεύων γὰρ τοῦ στρατοῦ καὶ πληγῇ περιπεσὼν εἰσ τὸν μηρόν οὐκ ἀνῆκεν, ἀλλ’ ἐγκείμενον τῷ τραύματι παρέλκων τὸ ἀκόντισμα καὶ συμπλεκόμενοσ τοῖσ ἀρίστοισ τῶν πολεμίων τροπὴν ἐποίησεν. ἐκ δὲ τούτου τῶν τ’ ἄλλων γερῶν ἔτυχε καὶ τιμητὴσ ἀπεδείχθη, μέγα τῆσ ἀρχῆσ ἀξίωμα ταύτησ ἐπὶ τῶν τότε χρόνων ἐχούσησ.

μνημονεύεται δὲ αὐτοῦ τιμητεύοντοσ καλὸν μὲν ἔργον τὸ τοὺσ ἀγάμουσ λόγοισ τε πείθοντα καὶ ζημίαισ ἀπειλοῦντα συγκαταζεῦξαι ταῖσ χηρευούσαισ γυναιξί πολλαὶ δ’ ἦσαν αὗται διὰ τοὺσ πολέμουσ, ἀναγκαῖον δὲ τὸ καὶ τοὺσ ὀρφανοὺσ ὑποτελεῖσ ποιῆσαι πρότερον ἀνεισφόρουσ ὄντασ, αἴτιαι δ’ ἦσαν αἱ συνεχεῖσ στρατεῖαι μεγάλων ἀναλωμάτων δεόμεναι, καὶ μάλιστα κατήπειγεν ἡ Οὐηϊών πολιορκία, τούτουσ ἔνιοι Οὐηιεντανοὺσ καλοῦσιν. ἦν δὲ πρόσχημα τῆσ Τυρρηνίασ ἡ πόλισ, ὅπλων μὲν ἀριθμῷ καὶ πλήθει τῶν στρατευομένων οὐκ ἀποδέουσα τῆσ Ῥώμησ, πλούτῳ δὲ καὶ βίων ἁβρότητι καὶ τρυφαῖσ καὶ πολυτελείαισ ἀγαλλομένη πολλοὺσ καὶ καλοὺσ ἀγῶνασ ἠγωνίσατο περὶ δόξησ καὶ δυναστείασ πολεμοῦσα Ῥωμαίοισ.

ἐν δὲ τῷ τότε χρόνῳ τῆσ μὲν φιλοτιμίασ ἀφειστήκει συντριβεῖσα μεγάλαισ μάχαισ·

ἐπαράμενοι δὲ τείχη μεγάλα καὶ καρτερά καὶ τὴν πόλιν ὅπλων καὶ βελῶν καὶ σίτου καὶ παρασκευῆσ ἁπάσησ ἐμπλήσαντεσ, ἀδεῶσ ὑπέμενον τὴν πολιορκίαν, μακρὰν μὲν οὖσαν, οὐχ ἧττον δὲ τοῖσ πολιορκοῦσιν ἐργώδη καὶ χαλεπὴν γενομένην. εἰθισμένοι γὰρ οὐ πολὺν χρόνον ἅμα ὡρ́ᾳ θέρουσ ἔξω στρατεύειν, οἴκοι δὲ διαχειμάζειν, τότε πρῶτον ἠναγκάσθησαν ὑπὸ τῶν χιλιάρχων φρούρια κατασκευασάμενοι καὶ τὸ στρατόπεδον τειχίσαντεσ ἐν τῇ πολεμίᾳ χειμῶνα καὶ θέροσ συνάπτειν, ἤδη σχεδὸν ἔτουσ ἑβδόμου τῷ πολέμῳ τελευτῶντοσ.

ἔπραξε δὲ περὶ τὴν πολιορκίαν οὐδὲν ἐν ἐκείνῳ τῷ χρόνῳ, λαχὼν Φαλερίοισ καὶ Καπηνάταισ πολεμεῖν, οἳ δι’ ἀσχολίαν τότε πολλὰ τὴν χώραν καθυβρίσαντεσ καὶ παρὰ πάντα τὸν Τυρρηνικὸν πόλεμον ἐνοχλήσαντεσ ἐπιέσθησαν ὑπὸ τοῦ Καμίλλου καὶ συνεστάλησαν εἰσ τὰ τείχη πολλοὺσ ἀποβαλόντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Camillus, chapter 2

(플루타르코스, Camillus, chapter 2)

상위

목록

SEARCH

MENU NAVIGATION