헬라어 문장 검색 - Πλυταρ́Ξαμιλλύ29́

(플루타르코스, Camillus, chapter 29)

οὔσησ δὲ περὶ τούτων πρόσ τε τοὺσ Κελτοὺσ καὶ πρὸσ αὑτοὺσ διαφορᾶσ ἄγων τὸν στρατὸν ὁ Κάμιλλοσ ἐν ταῖσ πύλαισ ἦν· καὶ πυθόμενοσ τὰ γινόμενα τοὺσ ἄλλουσ ἐκέλευσεν ἐν τάξει καὶ σχέδην ἐπακολουθεῖν, αὐτὸσ δὲ μετὰ τῶν ἀρίστων ἐπειγόμενοσ εὐθὺσ ἐπορεύετο πρὸσ τοὺσ Ῥωμαίουσ. διαστάντων δὲ πάντων καὶ δεξαμένων αὐτόν ὡσ αὐτοκράτορα κόσμῳ καὶ σιωπῇ, τὸ μὲν χρυσίον ἄρασ ἀπὸ τοῦ ζυγοῦ τοῖσ ὑπηρέταισ ἔδωκε, τὸν δὲ ζυγὸν καὶ τὰ σταθμὰ τοὺσ Κελτοὺσ λαβόντασ ἀποχωρεῖν ἐκέλευσεν εἰπὼν, ὡσ σιδήρῳ πάτριόν ἐστι Ῥωμαίοισ, οὐ χρυσῷ τὴν πατρίδα σῴζειν.

ἀγανακτοῦντοσ δὲ τοῦ Βρέννου καὶ φάσκοντοσ ἀδικεῖσθαι λυομένησ τῆσ ὁμολογίασ, ἀντεῖπε μὴ νομίμωσ γεγονέναι μηδὲ κυρίασ εἶναι τὰσ συνθήκασ· ἤδη γὰρ αὐτοῦ δικτάτοροσ ᾑρημένου καὶ μηδενὸσ ἄρχοντοσ ἑτέρου νόμῳ πρὸσ οὐκ ἔχοντασ ἐξουσίαν ὁμολογηθῆναι.

νυνὶ δὲ χρῆναι λέγειν εἴ τι βούλονται· νόμῳ γὰρ ἥκειν κύριοσ γεγονὼσ συγγνώμην τε δεομένοισ δοῦναι καὶ δίκην, εἰ μὴ μετανοοῦσιν, ἐπιθεῖναι τοῖσ αἰτίοισ. πρὸσ ταῦτα θορυβηθεὶσ ὁ Βρέννοσ ἥψατο μὲν ἁψιμαχίασ, καὶ προῆλθον ἄχρι ξιφουλκίασ ἑκάτεροι καὶ διωθισμῶν ἀναμεμιγμένοι πρὸσ ἀλλήλουσ, ὥσπερ εἰκόσ, ἐν οἰκίαισ καὶ στενωποῖσ ἀναστρεφόμενοι καὶ χωρίοισ δέξασθαι παράταξιν οὐ δυναμένοισ.

ταχὺ δὲ συμφρονήσασ ὁ Βρέννοσ ἀπήγαγε τοὺσ Κελτοὺσ εἰσ τὸ στρατόπεδον οὐ πολλῶν πεσόντων, καὶ νυκτὸσ ἀναστήσασ ἅπαντασ ἐξέλιπε τὴν πόλιν, καὶ προελθὼν ἑξήκοντα σταδίουσ κατεστρατοπέδευσε παρὰ τὴν Γαβινίαν ὁδόν. ἅμα δ’ ἡμέρᾳ παρῆν ὁ Κάμιλλοσ ἐπ’ αὐτόν ὡπλισμένοσ λαμπρῶσ καὶ τεθαρρηκότασ ἔχων τότε τοὺσ Ῥωμαίουσ·

καὶ γενομένησ ἰσχυρᾶσ μάχησ ἐπὶ πολὺν χρόνον αὐτούσ τε τρέπεται πολλῷ φόνῳ καὶ λαμβάνει τὸ στρατόπεδον. τῶν δὲ φευγόντων οἱ μὲν εὐθὺσ ἀνῃρέθησαν καταδιωχθέντεσ, τοὺσ δὲ πλείστουσ διασπαρέντασ ἐπεκθέοντεσ ἐκ τῶν πέριξ κωμῶν καὶ πόλεων ἔκτεινον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Camillus, chapter 29

(플루타르코스, Camillus, chapter 29)

상위

목록

SEARCH

MENU NAVIGATION