헬라어 문장 검색 - Πλυταρ́Ξαμιλλύ04́

(플루타르코스, Camillus, chapter 4)

οἱᾶ δ’ ἐν πολιορκίᾳ διὰ χρόνου μῆκοσ ἐπιμιξίασ τε πολλὰσ ἐχούσῃ καὶ κοινολογίασ πρὸσ τοὺσ πολεμίουσ, ἐγεγόνει τινὶ Ῥωμαίῳ συνήθεια καὶ παρρησία πρὸσ ἕνα τῶν πολιτῶν, ἄνθρωπον ἔμπειρόν τε λογίων παλαιῶν καί τι καὶ πλέον εἰδέναι τῶν ἄλλων ἀπὸ μαντικῆσ δοκοῦντα. τοῦτον οὖν ὁ Ῥωμαῖοσ, ὡσ ἤκουσε τὴν ἐπίδοσιν τῆσ λίμνησ, ὁρῶν ὑπερηδόμενόν τε καὶ καταγελῶντα τῆσ πολιορκίασ, οὐ ταῦτ’ ἔφη μόνον ἐνηνοχέναι θαυμαστὰ τὸν παρόντα χρόνον, ἀλλ’ ἕτερα τούτων ἀτοπώτερα σημεῖα Ῥωμαίοισ γεγονέναι, περὶ ὧν ἐθέλειν ἐκείνῳ κοινωσάμενοσ, εἴ τι δύναιτο, θέσθαι τῶν ἰδίων ἄμεινον ἐν τοῖσ κοινοῖσ νοσοῦσιν. ὑπακούσαντοσ δὲ τοῦ ἀνθρώπου προθύμωσ καὶ διδόντοσ ἑαυτὸν εἰσ κοινολογίαν, ὡσ ἀπορρήτων τινῶν ἀκροατὴν ἐσόμενον, κατὰ μικρὸν οὕτω διαλεγόμενοσ καὶ ὑπάγων αὐτόν, ὡσ πορρωτέρω τῶν πυλῶν ἐγεγόνεισαν, αἴρει τε μετέωρον εὐρωστότεροσ ὢν καί τινῶν ἀπὸ στρατοπέδου προσδραμόντων χειρωσάμενοσ καὶ κρατήσασ παρέδωκε τοῖσ στρατηγοῖσ.

ἐν τούτῳ δ’ ἀνάγκησ γεγονὼσ ὁ ἄνθρωποσ καὶ μαθὼν ἄρα τὸ πεπρωμένον ὡσ ἄφυκτον εἰή, λόγια προὔφαινεν ἀπόρρητα περὶ τῆσ ἑαυτοῦ πατρίδοσ, ὡσ οὐκ οὔσησ ἁλωσίμου πρότερον ἢ τὴν Ἀλβανίδα λίμνην ἐκχυθεῖσαν καὶ φερομένην ὁδοὺσ ἑτέρασ ὤσαντεσ ὀπίσω καὶ περισπάσαντεσ οἱ πολέμιοι κωλύσουσι μίγνυσθαι τῇ θαλάττῃ.

ταῦτα τῇ συγκλήτῳ πυθομένῃ καὶ διαπορούσῃ καλῶσ ἔχειν ἔδοξε πέμψαντασ εἰσ Δελφοὺσ ἐρέσθαι τὸν θεόν.

οἱ δὲ πεμφθέντεσ ἄνδρεσ ἔνδοξοι καὶ μεγάλοι, Κόσσοσ Λικίννιοσ καὶ Οὐαλλέριοσ Ποτῖτοσ καὶ Φάβιοσ Ἄμβουστοσ, πλῷ τε χρησάμενοι καὶ τῶν παρὰ τοῦ θεοῦ τυχόντεσ ἧκον ἄλλασ τε μαντείασ κομίζοντεσ, αἳ πατρίων τινῶν περὶ τὰσ καλουμένασ Λατίνασ ἑορτὰσ ὀλιγωρίαν ἔφραζον αὐτοῖσ, καὶ τὸ τῆσ Ἀλβανίδοσ ὕδωρ ἐκέλευον εἴργοντασ ὡσ ἀνυστόν ἐστι τῆσ θαλάσσησ ἀνωθεῖν εἰσ τὸν ἀρχαῖον πόρον, ἢ τοῦτο μὴ δυναμένουσ ὀρύγμασι καὶ τάφροισ παράγειν εἰσ τὸ πεδίον καὶ καταναλίσκειν· ἀπαγγελθέντων δὲ τούτων οἱ μὲν ἱερεῖσ τὰ περὶ τὰσ θυσίασ ἔπραττον, ὁ δὲ δῆμοσ ἐχώρει πρὸσ τὰ ἔργα καὶ τὸ ὕδωρ ἐξέτρεπεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Camillus, chapter 4

(플루타르코스, Camillus, chapter 4)

상위

목록

SEARCH

MENU NAVIGATION