헬라어 문장 검색 - Πλυταρ́Ξαμιλλύ36́

(플루타르코스, Camillus, chapter 36)

ὁ δ’ ἀπὸ τούτων θρίαμβοσ αὐτῷ χάριν οὐκ ἐλάττονα καὶ κόσμον ἤνεγκε τῶν πρώτων δυεῖν. καὶ γὰρ τοὺσ πάνυ βασκαίνοντασ τῶν πολιτῶν καὶ πάντα βουλομένουσ εὐτυχίᾳ τινὶ μᾶλλον ἢ δι’ ἀρετὴν κατωρθῶσθαι, τότ’ ἠνάγκαζον αἱ πράξεισ τῇ δεινότητι καὶ τῷ δραστηρίῳ τοῦ ἀνδρὸσ ἀποδιδόναι τὴν δόξαν. ἦν δὲ τῶν διαμαχομένων αὐτῷ καὶ προσφθονούντων ἐπιφανέστατοσ Μᾶρκοσ Μάλλιοσ, ὁ πρῶτοσ ὠσάμενοσ τοὺσ Κελτούσ ἀπὸ τῆσ ἄκρασ ὅτε τῷ Καπιτωλίῳ νυκτὸσ ἐπέθεντο καὶ διὰ τοῦτο Καπιτωλῖνοσ ἐπικληθείσ.

ὑπόθεσιν τυραννίδοσ ἐποιήσατο κοινὴν καὶ συνήθη, δημαγωγῶν τοὺσ πολλούσ, μάλιστα δὲ τῶν ὀφειλόντων χρέα τοῖσ μὲν ἀμύνων καὶ συνδικῶν ἐπὶ τοὺσ δανειστάσ, τοὺσ δ’ ἀφαιρούμενοσ βίᾳ καὶ κωλύων ἄγεσθαι πρὸσ τὸν νόμον, ὥστε πολλοὺσ τῶν ἀπόρων ταχὺ περὶ αὐτὸν γενέσθαι καὶ πολὺν φόβον παρασχεῖν τοῖσ βελτίστοισ τῶν πολιτῶν θρασυνομένουσ καὶ ταράττοντασ τὴν ἀγοράν.

ἐπεὶ δὲ κατασταθεὶσ ἐπὶ ταῦτα δικτάτωρ Κούιντοσ Καπιτωλῖνοσ εἰσ τὴν εἱρκτὴν ἐνέβαλε τὸν Μάλλιον, ὁ δὲ δῆμοσ γενομένου τούτου μετέβαλε τὴν ἐσθῆτα, πρᾶγμα γινόμενον ἐπὶ συμφοραῖσ μεγάλαισ καὶ δημοσίαισ, δείσασα τὸν θόρυβον ἡ σύγκλητοσ ἐκέλευσεν ἀφεθῆναι τὸν Μάλλιον.

ὁ δ’ οὐδὲν ἦν ἀφεθεὶσ ἀμείνων, ἀλλὰ σοβαρώτερον ἐδημαγώγει καὶ διεστασίαζε τὴν πόλιν. αἱροῦνται δὴ πάλιν χιλίαρχον τὸν Κάμιλλον. εἰσαγομένων δὲ τῶν κατὰ τοῦ Μαλλίου δικῶν μεγάλα τοὺσ κατηγόρουσ ἔβλαπτεν ἡ ὄψισ.

ὁ γὰρ τόποσ, ἐφ’ οὗ βεβηκὼσ ὁ Μάλλιοσ ἐνυκτομάχησε πρὸσ τοὺσ Κελτούσ, ὑπερεφαίνετο τῆσ ἀγορᾶσ ἀπὸ τοῦ Καπιτωλίου καὶ παρεῖχεν οἶκτον τοῖσ ὁρῶσιν· αὐτόσ τε τὰσ χεῖρασ ὀρέγων ἐκεῖσε καὶ δακρύων ὑπεμίμνῃσκε τῶν ἀγώνων, ὥστε τοὺσ κρίνοντασ ἀπορεῖν καὶ πολλάκισ ἀναβάλλεσθαι τὴν δίκην, μήτ’ ἀφεῖναι βουλομένουσ ἐπὶ τεκμηρίοισ φανεροῖσ τὸ ἀδίκημα μήτε χρήσασθαι τῷ νόμῳ δυναμένουσ ἐν ὀφθαλμοῖσ τῆσ πράξεωσ οὔσησ διὰ τὸν τόπον, ὃ δὴ συμφρονήσασ ὁ Κάμιλλοσ μετήγαγεν ἔξω πύλησ τὸ δικαστήριον εἰσ τὸ Πετηλῖνον ἄλσοσ· ὅθεν οὐκ ὄντοσ τοῦ Καπιτωλίου καταφανοῦσ ὅ τε διώκων ἐχρήσατο τῇ κατηγορίᾳ καὶ τοῖσ κρίνουσι παρεχώρησεν ἡ μνήμη τῶν γεγονότων ἀξίαν ἀναλαβεῖν ὀργὴν ἐπὶ τοῖσ παροῦσιν ἀδικήμασιν.

ὁ μὲν οὖν Μάλλιοσ ἁλοὺσ εἰσ τὸ Καπιτώλιον ἀπήχθη, καὶ κατὰ τῆσ πέτρασ ὠσθεὶσ τὸν αὐτὸν τόπον ἔσχε καὶ τῶν εὐτυχεστάτων ἔργων καὶ τῶν μεγίστων ἀτυχημάτων μνημεῖον.

οἱ δὲ Ῥωμαῖοι τὴν οἰκίαν αὐτοῦ κατασκάψαντεσ ἱερὸν ἱδρύσαντο θεᾶσ, ἣν Μονῆταν καλοῦσι, καὶ τὸ λοιπὸν ἐψηφίσαντο μηδένα τῶν πατρικίων ἐπὶ τῆσ ἄκρασ κατοικεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Camillus, chapter 36

(플루타르코스, Camillus, chapter 36)

상위

목록

SEARCH

MENU NAVIGATION