헬라어 문장 검색 - Πλυταρ́Ξαμιλλύ06́

(플루타르코스, Camillus, chapter 6)

διαπορθήσασ δὲ τὴν πόλιν ἔγνω τὸ ἄγαλμα τῆσ Ἥρασ μεταφέρειν εἰσ Ῥώμην, ὥσπερ εὔξατο. καὶ συνελθόντων ἐπὶ τούτῳ τῶν τεχνιτῶν, ὁ μὲν ἔθυε καὶ προσεύχετο τῇ θεῷ δέχεσθαι τὴν προθυμίαν αὐτῶν καὶ εὐμενῆ γενέσθαι σύνοικον τοῖσ λαχοῦσι τὴν Ῥώμην θεοῖσ, τὸ δ’ ἄγαλμά φασιν ὑποφθεγξάμενον εἰπεῖν. ὅτι καὶ βούλεται καὶ συγκαταινεῖ. Λίουιοσ δέ φησιν εὔχεσθαι μὲν τὸν Κάμιλλον ἁπτόμενον τῆσ θεοῦ καὶ παρακαλεῖν, ἀποκρίνασθαι δέ τινασ τῶν παρόντων, ὅτι καὶ βούλεται καὶ συνακολουθεῖ καὶ συνακολουθεῖ προθύμωσ.

οἱ δ’ ἰσχυριζόμενοι καὶ τῷ παραδόξῳ βοηθοῦντεσ μεγίστην μὲν ἔχουσι συνήγορον τὴν τύχην τῆσ πόλεωσ, ἣν ἀπὸ μικρᾶσ καὶ καταφρονουμένησ ἀρχῆσ ἐπὶ τοσοῦτον δόξησ καὶ δυνάμεωσ προελθεῖν δίχα θεοῦ πολλαῖσ καὶ μεγάλαισ ἐπιφανείαισ ἑκάστοτε συμπαρόντοσ ἀμήχανον οὐ μὴν ἀλλὰ καὶ συνάγουσιν ὁμοειδῆ τινα, τοῦτο μὲν ἱδρῶτασ ἀγαλμάτων πολλάκισ ἐκχυθέντασ, τοῦτο δὲ στεναγμοὺσ ἀκουσθέντασ ἀποστροφάσ τε δεικνύντεσ καὶ καταμύσεισ ξοάνων, ἃσ ἱστορήκασιν οὐκ ὀλίγοι τῶν πρότερον. πολλὰ δὲ καὶ τῶν καθ’ ἡμᾶσ ἀκηκοότεσ ἀνθρώπων λέγειν ἔχομεν ἄξια θαύματοσ, ὧν οὐκ ἄν τισ εἰκῇ καταφρονήσειεν.

ἀλλὰ τοῖσ τοιούτοισ καὶ τὸ πιστεύειν σφόδρα καὶ τὸ λίαν ἀπιστεῖν ἐπισφαλέσ ἐστι διὰ τὴν ἀνθρωπίνην ἀσθένειαν ὁρ́ον οὐκ ἔχουσαν οὐδὲ κρατοῦσαν αὑτῆσ, ἀλλ’ ἐκφερομένην ὅπου μὲν εἰσ δεισιδαιμονίαν καὶ τῦφον, ὅπου δ’ εἰσ ὀλιγωρίαν τῶν θεῶν καὶ περιφρόνησιν ἡ δ’ εὐλάβεια καὶ τὸ μηδὲν ἄγαν ἄριστον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Camillus, chapter 6

(플루타르코스, Camillus, chapter 6)

상위

목록

SEARCH

MENU NAVIGATION