헬라어 문장 검색 - Πλυταρ́Ξαμιλλύ33́

(플루타르코스, Camillus, chapter 33)

οὔπω δὲ τῆσ Περὶ ταῦτα πεπαυμένοισ ἀσχολίασ αὐτοῖσ ἐπιπίπτει πόλεμοσ, Αἰκανῶν μὲν ἅμα καὶ Οὐολούσκων καὶ Λατίνων εἰσ τὴν χώραν ἐμβαλλόντων, Τυρρηνῶν δὲ πολιορκούντων Σούτριν, συμμαχίδα Ῥωμαίων πόλιν. ἐπειδὴ δ’ οἱ τὴν ἡγεμονίαν ἔχοντεσ χιλίαρχοι στρατοπεδευσάμενοι Περὶ τὸ Μάρκιον ὄροσ ὑπὸ τῶν Λατίνων ἐπολιορκοῦντο καὶ κινδυνεύοντεσ ἀποβαλεῖν τὸ στρατόπεδον εἰσ Ῥώμην ἔπεμψαν ἀποδείκνυται τὸ τρίτον Κάμιλλοσ δικτάτωρ· περὶ τούτου τοῦ πολέμου διττοὶ λόγοι λέγονται·

δίειμι δὲ τὸν μυθώδη πρότερον. φασὶ τοὺσ Λατίνουσ, εἴτε προφάσει χρωμένουσ εἴτε βουλομένουσ ὡσ ἀληθῶσ ἀναμίξασθαι τὰ γένη πάλιν ἐξ ὑπαρχῆσ, πέμψαντασ αἰτεῖν παρὰ τῶν Ῥωμαίων παρθένουσ ἐλευθέρασ γυναῖκασ, ἀπορούντων δὲ τῶν Ῥωμαίων, τί χρὴ ποιεῖν καὶ γὰρ τὸν πόλεμον ὠρρώδουν οὔπω καθεστῶτεσ οὐδ’ ἀνειληφότεσ αὑτούσ, καὶ τὴν αἴτησιν τῶν γυναικῶν ὑπώπτευον ἐξομήρευσιν εἶναι, τοῦ δ’ εὐπρεποῦσ χάριν ἐπιγαμίαν καλεῖσθαι, θεραπαινίδα τοὔνομα Τουτούλαν, ὡσ δ’ ἔνιοι λέγουσι, Φιλωτίδα τοῖσ ἄρχουσι παραινέσαι πέμπειν σὺν αὐτῇ τῶν δμωίδων τὰσ ἐν ὡρ́ᾳ μάλιστα καὶ ταῖσ ὄψεσιν ἐλευθερίουσ, κοσμήσαντασ ὡσ νύμφασ εὐγενεῖσ, τὰ λοιπὰ δ’ αὐτῇ μελήσειν. πεισθέντασ δὲ τοὺσ ἄρχοντασ ἐπιλέξασθαι τῶν θεραπαινίδων ὅσασ ἐκείνη πρὸσ τὴν χρείαν ἐδοκίμασε, καὶ κοσμήσαν·

τὰσ ἐσθῆτι καὶ χρυσῷ παραδοῦναι τοῖσ Λατίνοισ οὐ πάνυ πόρρω τῆσ πόλεωσ στρατοπεδεύουσι. νύκτωρ δὲ τὰσ μὲν ἄλλασ ὑφελέσθαι τὰ ἐγχειρίδια τῶν πολεμίων, τὴν δ’ εἴτε Τουτούλαν εἴτε Φιλωτίδα προσβᾶσαν ἐρινεῷ μεγάλῳ καὶ παρατείνασαν ὀπίσω τὸ ἱμάτιον ἆραι πυρσὸν εἰσ τὴν Ῥώμην, ὥσπερ ἦν συγκείμενον αὐτῇ πρὸσ τοὺσ ἄρχοντασ, οὐδενὸσ ἄλλου τῶν πολιτῶν εἰδότοσ.

τοῦτο δὲ γενέσθαι ταῖσ νῦν Ιοὐλίαισ, τότε δὲ Κυϊντιλίαισ νώναισ, καὶ τὴν ἀγομένην ἑορτὴν ὑπόμνημα τῆσ πράξεωσ ἐκείνησ εἶναι, πρῶτον μὲν γὰρ ἐξιόντεσ ἀθρόοι διὰ τῆσ πύλησ πολλὰ τῶν ἐπιχωρίων καὶ κοινῶν ὀνομάτων βοῇ φθέγγονται, Γάιον, Μᾶρκον, Λούκιον καὶ τὰ τούτοισ ὅμοια, μιμούμενοι τὴν τότε γενομένην μετὰ σπουδῆσ ἀλλήλων ἀνάκλησιν·

ἔπειτα κεκοσμημέναι λαμπρῶσ αἱ θεραπαινίδεσ περιίασι παίζουσαι διὰ σκωμμάτων εἰσ τοὺσ ἀπαντῶντασ, γίνεται δὲ καὶ μάχη τισ αὐταῖσ πρὸσ ἀλλήλασ, ὡσ καὶ τότε τοῦ πρὸσ τοὺσ Λατίνουσ ἀγῶνοσ συνεπιλαμβανομέναισ.

ἑστιώμεναι δὲ καθέζονται κλάδοισ συκῆσ σκιαζόμεναι· καὶ τὴν ἡμέραν νώνασ Καπρατίνασ καλοῦσιν, ὡσ οἰόνται διὰ τὸν ἐρινεόν, ἀφ’ οὗ τὴν παιδίσκην τὸν πυρσὸν ἆραι· τὸν γὰρ ἐρινεὸν καπρίφικον ὀνομάζουσιν. ἕτεροι δὲ τούτων τὰ πλεῖστα δρᾶσθαι καὶ λέγεσθαί φασιν ἐπὶ τῷ τοῦ Ῥωμύλου πάθει·

κατὰ ταύτην γὰρ ἀφανισθῆναι τὴν ἡμέραν αὐτὸν ἔξω πύλησ, ζόφου καὶ θυέλλησ ἄφνω περισχούσησ, ὡσ δ’ ἔνιοι νομίζουσιν, ἐκλείψεωσ ἡλίου γενομένησ, καὶ τὴν ἡμέραν ἀπὸ τοῦ τόπου νώνασ Καπρατίνασ κληθῆναι, τὴν γὰρ αἶγα κάπραν ὀνομάζουσιν ὁ δὲ Ῥωμύλοσ ἠφανίσθη δημηγορῶν Περὶ τὸ τῆσ αἰγὸσ ἕλοσ προσαγορευόμενον, ὡσ ἐν τοῖσ Περὶ ἐκείνου γέγραπται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Camillus, chapter 33

(플루타르코스, Camillus, chapter 33)

상위

목록

SEARCH

MENU NAVIGATION