헬라어 문장 검색 - Πλυταρ́Ξαμιλλύ38́

(플루타르코스, Camillus, chapter 38)

ἐπανελθὼν δὲ μετὰ πολλῶν λαφύρων εἰσ Ῥώμην ἐπέδειξε φρονιμωτάτουσ ἁπάντων τοὺσ μὴ φοβηθέντασ ἀσθένειαν καὶ γῆρασ ἡγεμόνοσ ἐμπειρίαν καὶ τόλμαν ἔχοντοσ, ἀλλ’ ἑλομένουσ ἐκεῖνον ἄκοντα καὶ νοσοῦντα μᾶλλον ἢ τῶν ἐν ἡλικίᾳ τοὺσ δεομένουσ καὶ σπουδάζοντασ ἄρχειν. διὸ καὶ Τουσκλανῶν ἀφεστάναι λεγομένων ἐκέλευον ἐξιέναι τὸν Κάμιλλον ἐπ’ αὐτούσ ἕνα τῶν πέντε συστρατήγων προσελόμενον. ὁ δέ, καίπερ ἁπάντων βουλομένων καὶ δεομένων, ἐάσασ τοὺσ ἄλλουσ, προσείλετο Λεύκιον Φούριον οὐδενὸσ ἂν προσδοκήσαντοσ, ·

ἐκεῖνοσ γὰρ ἦν ὁ παρὰ γνώμην τοῦ Καμίλλου διαγωνίσασθαι προθυμηθεὶσ ἔναγχοσ καὶ δυστυχήσασ περὶ τὴν μάχην ἀλλὰ βουλόμενοσ, ὡσ ἐοίκεν, ἀποκρύψαι τὴν συμφορὰν καὶ τὴν αἰσχύνην ἀπαλλάξαι τοῦ ἀνδρόσ ἀντὶ πάντων τοῦτον προῆγεν. οἱ δὲ Τουσκλανοὶ τὴν ἁμαρτίαν ἐπανορθούμενοι πανούργωσ, ἤδη βαδίζοντοσ ἐπ’ αὐτούσ τοῦ Καμίλλου τὸ μὲν πεδίον ἀνθρώπων ὡσ ἐν εἰρήνῃ γεωργούντων καὶ νεμόντων ἐνέπλησαν, τὰσ δὲ πύλασ εἶχον ἀνεῳγμένασ καὶ τοὺσ παῖδασ ἐν τοῖσ διδασκαλείοισ μανθάνοντασ, τοῦ δὲ δήμου τὸ μὲν βάναυσον ἐπὶ τῶν ἐργαστηρίων ἑωρᾶτο περὶ τάσ τέχνασ, τὸ δ’ ἀστεῖον ἐπὶ τῆσ ἀγορᾶσ ἐν ἱματίοισ οἱ δ’ ἄρχοντεσ περιῄεσαν σπουδῇ καταλύσεισ τοῖσ Ῥωμαίοισ ἐπαγγέλλοντεσ, ὡσ οὐδὲν κακὸν προσδοκῶντεσ οὐδὲ συνειδότεσ.

τούτων δὲ πραττομένων ἀπιστεῖν μὲν οὐκ ἐπῄει τῷ Καμίλλῳ τὴν προδοσίαν, οἰκτείρασ δὲ τὴν ἐπὶ τῇ προδοσίᾳ μετάνοιαν αὐτῶν ἐκέλευσε πρὸσ τὴν σύγκλητον ἐλθόντασ παραιτεῖσθαι τὴν ὀργήν καὶ παραιτουμένοισ συνέπραξεν αὐτὸσ ἀφεθῆναί τε τὴν πόλιν αἰτίασ ἁπάσησ καὶ μεταλαβεῖν ἰσοπολιτείασ, αὗται μὲν οὖν ἐγένοντο τῆσ ἕκτησ χιλιαρχίασ ἐπιφανέσταται πράξεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Camillus, chapter 38

(플루타르코스, Camillus, chapter 38)

상위

목록

SEARCH

MENU NAVIGATION