헬라어 문장 검색 - Πλυταρ́Ξαμιλλύ20́

(플루타르코스, Camillus, chapter 20)

μετὰ δὲ τὴν μάχην ἐκείνην εἰ μὲν εὐθὺσ ἐπηκολούθησαν οἱ Γαλάται τοῖσ φεύγουσιν, οὐδὲν ἂν ἐκώλυσε τὴν Ῥώμην ἄρδην ἀναιρεθῆναι καὶ πάντασ ἀπολέσθαι τοὺσ ἐν αὐτῇ καταλειφθέντασ· νυνὶ δ’ ἀπιστίᾳ τοῦ μεγέθουσ οἱ βάρβαροι τῆσ νίκησ καὶ πρὸσ εὐπάθειαν ἐκ τοῦ περιχαροῦσ ἅμα καὶ νεμήσεισ τῶν ἑαλωκότων ἐν τῷ στρατοπέδῳ χρημάτων τραπόμενοι, τῷ μὲν ἐκπίπτοντι τῆσ πόλεωσ ὄχλῳ ῥᾳστώνην φυγῆσ παρέσχον, ἐλπίσαι δ’ ἔτι καὶ παρασκευάσασθαι τοῖσ ὑπομένουσι τὴν γὰρ ἄλλην πόλιν προέμενοι τὸ Καπιτώλιον ἐφράξαντο βέλεσι καὶ διατειχίσμασιν.

ἐν πρώτοισ δὲ τῶν ἱερῶν ἃ μὲν εἰσ τὸ Καπιτώλιον ἀνεσκευάσαντο, τὸ δὲ πῦρ τῆσ Ἑστίασ αἱ παρθένοι μετὰ τῶν ἱερῶν ἔφευγον ἁρπασάμεναι.

καίτοι τινὲσ οὐδὲν εἶναι τὸ φρουρούμενον ὑπ’ αὐτῶν ἕτερον ἢ πῦρ ἄφθιτον ἱστοροῦσι, Νομᾶ τοῦ βασιλέωσ καταστήσαντοσ ὡσ ἀρχὴν ἁπάντων σέβεσθαι. κινητικώτατον γὰρ ἐν τῇ φύσει τοῦτο· κίνησισ δέ τισ ἢ σύν τινι κινήσει πάντωσ ἡ γένεσισ·

τὰ δ’ ἄλλα τῆσ ὕλησ μόρια θερμότητοσ ἐπιλιπούσησ ἀργὰ κείμενα καὶ νεκροῖσ ἐοικότα ποθεῖ τὴν τοῦ πυρὸσ δύναμιν, ὡσ ψυχήν, καὶ προσελθούσησ ἁμῶσ γέ πωσ ἐπὶ τὸ δρᾶν τι καὶ πάσχειν τρέπεται, τοῦτ’ οὖν ἅτε δὴ περιττὸν ἄνδρα τὸν Νομᾶν καὶ λόγον ἔχοντα ταῖσ Μούσαισ συνεῖναι διὰ σοφίαν ἐξοσιῶσαι καὶ φρουρεῖν ἀκοίμητον ἐν εἰκόνι τῆσ τὰ πάντα κοσμούσησ ἀιδίου δυνάμεωσ, οἱ δὲ τὸ μὲν πῦρ, ὥσπερ παρ’ Ἕλλησι, πρὸ ἱερῶν αἴθεσθαι καθάρσιον, ἄλλα δὲ τὰ ἐντὸσ ἀθέατα κρύπτεσθαι πᾶσι, πλὴν ταύταισ ταῖσ παρθένοισ, ἃσ Ἑστιάδασ ἐπονομάζουσι· καὶ πλεῖστοσ μὲν λόγοσ κατεῖχε τὸ Τρωικὸν ἐκεῖνο Παλλάδιον ἀποκεῖσθαι δι’ Αἰνείου κομισθὲν εἰσ Ἰταλίαν.

εἰσὶ δ’ οἱ τὰ Σαμοθρᾴκια μυθολογοῦντεσ Δάρδανον μὲν εἰσ Τροίαν ἐξενεγκάμενον ὀργιάσαι καὶ καθιερῶσαι κτίσαντα τὴν πόλιν, Αἰνείαν δὲ περὶ τὴν ἅλωσιν ἐκκλέψαντα διασῶσαι μέχρι τῆσ ἐν Ἰταλίᾳ κατοικήσεωσ. οἱ δὲ προσποιούμενοί πλέον ἐπίστασθαι τι περὶ τούτων δύο φασὶν οὐ μεγάλουσ ἀποκεῖσθαι πίθουσ, ὧν τὸν μὲν ἀνεῳγότα καὶ κενὸν, τὸν δὲ πλήρη καὶ κατασεσημασμένον, ἀμφοτέρουσ δὲ ταῖσ παναγέσι μόναισ παρθένοισ ὁρατούσ εἶναι.

ἄλλοι δὲ τούτουσ διεψεῦσθαι νομίζουσι τῷ τὰ πλεῖστα τῶν ἱερῶν τότε τὰσ κόρασ ἐμβαλούσασ εἰσ πίθουσ δύο κρύψαι κατὰ γῆσ ὑπὸ τὸν νεὼν τοῦ Κυρίνου, καὶ τὸν τόπον ἐκεῖνον ἔτι καὶ νῦν τῶν Πιθίσκων φέρεσθαι τὴν ἐπωνυμίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Camillus, chapter 20

(플루타르코스, Camillus, chapter 20)

상위

목록

SEARCH

MENU NAVIGATION