호흡부호 보기
강세부호 보기
장단부호 보기
작은 Iota 보기
모든 부호 보기
ὡσ αἰτίασ καὶ διαβολὰσ ἑαυτῷ κτωμένου πρὸσ τὴν σύγκλητον ἐντρυφᾶσθαι δοκοῦσαν ἥκειν μὲν γὰρ αὐτὴν κελεύσαντοσ ἐκείνου, καὶ προθύμουσ εἶναι ψηφίζεσθαι πάντασ ὅπωσ τῶν ἐκτὸσ Ἰταλίασ ἐπαρχιῶν βασιλεὺσ ἀναγορεύοιτο καὶ φοροίη διάδημα τὴν ἄλλην ἐπιὼν γῆν καὶ θάλασσαν εἰ δὲ φράσει τισ αὐτοῖσ καθεζομένοισ νῦν μὲν ἀπαλλάττεσθαι, παρεῖναι δὲ αὖθισ ὅταν ἐντύχῃ βελτίοσιν ὀνείροισ Καλπουρνία, τίνασ ἔσεσθαι λόγουσ παρὰ τῶν φθονούντων; ἢ τίνα τῶν φίλων ἀνέξεσθαι διδασκόντων ὡσ οὐχὶ δουλεία ταῦτα καὶ τυραννίσ ἐστιν;
ἀλλ’ εἰ δοκεῖ πάντωσ, ἔφη, τὴν ἡμέραν ἀφοσιώσασθαι, βέλτιον αὐτὸν παρελθόντα καὶ προσαγορεύσαντα τὴν βουλὴν ὑπερθέσθαι. ταῦθ’ ἅμα λέγων ὁ Βροῦτοσ ἦγε τῆσ χειρὸσ λαβόμενοσ τὸν Καίσαρα, καὶ μικρὸν μὲν αὐτῷ προελθόντι τῶν θυρῶν οἰκέτησ ἀλλότριοσ ἐντυχεῖν προθυμούμενοσ, ὡσ ἡττᾶτο τοῦ περὶ ἐκεῖνον ὠθισμοῦ καὶ πλήθουσ, βιασάμενοσ εἰσ τὴν οἰκίαν παρέδωκεν ἑαυτὸν τῇ Καλπουρνίᾳ, φυλάττειν κελεύσασ ἄχρι ἂν ἐπανέλθῃ Καῖσαρ, ὡσ ἔχων μεγάλα πράγματα κατειπεῖν πρὸσ αὐτόν.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기