헬라어 문장 검색 - Πλυταρ́Ξαεσαρ́10́

(플루타르코스, Caesar, chapter 10)

ταύτην τότε τὴν ἑορτὴν τῆσ Πομπηϊάσ ἐπιτελούσησ, ὁ Κλώδιοσ οὔπω γενειῶν καὶ διὰ τοῦτο λήσειν οἰόμενοσ ἐσθῆτα καὶ σκευὴν ψαλτρίασ ἀναλαβὼν ἐχώρει, νέᾳ γυναικὶ τὴν ὄψιν ἐοικώσ. ἐκείνησ δὲ προδραμούσησ ὡσ τῇ Πομπηϊᾴ φράσειε, καὶ γενομένησ διατριβῆσ, περιμένειν μὲν ὅπου κατελείφθη τῷ Κλωδίῳ μὴ καρτεροῦντι, πλανωμένῳ δ’ ἐν οἰκίᾳ μεγάλῃ καὶ περιφεύγοντι τὰ φῶτα προσπεσοῦσα τῆσ Αὐρηλίασ ἀκόλουθοσ ὡσ δὴ γυνὴ γυναῖκα παίζειν προὐκαλεῖτο, καὶ μὴ βουλόμενον εἰσ τὸ μέσον εἷλκε, καὶ τίσ ἐστι καὶ πόθεν ἐπυνθάνετο.

τοῦ δὲ Κλωδίου φήσαντοσ Ἅβραν περιμένειν Πομπηϊάσ, αὐτὸ τοῦτο καλουμένην, καὶ τῇ φωνῇ γενομένου καταφανοῦσ, ἡ μὲν ἀκόλουθοσ εὐθὺσ ἀπεπήδησε κραυγῇ πρὸσ τὰ φῶτα καὶ τὸν ὄχλον, ἄνδρα πεφωρακέναι βοῶσα, τῶν δὲ γυναικῶν διαπτοηθεισῶν ἡ Αὐρηλία τὰ μὲν ὄργια τῆσ θεοῦ κατέπαυσε καὶ συνεκάλυψεν, αὐτὴ δὲ τὰσ θύρασ ἀποκλεῖσαι κελεύσασα περιῄει τὴν οἰκίαν ὑπὸ λαμπάδων, ζητοῦσα τὸν Κλώδιον.

εὑρίσκεται δ’ εἰσ οἴκημα παιδίσκησ ᾗ συνεισῆλθε καταπεφευγώσ καὶ γενόμενοσ φανερὸσ ὑπὸ τῶν γυναικῶν ἐξελαύνεται διὰ τῶν θυρῶν, τὸ δὲ πρᾶγμα καὶ νυκτὸσ εὐθὺσ αἱ γυναῖκεσ ἀπιοῦσαι τοῖσ αὑτῶν ἔφραζον ἀνδράσι, καὶ μεθ’ ἡμέραν ἐχώρει διὰ τῆσ πόλεωσ λόγοσ ὡσ ἀθέσμοισ ἐπικεχειρηκότοσ τοῦ Κλώδιον καὶ δίκην οὐ τοῖσ ὑβρισμένοισ μόνον, ἀλλὰ καὶ τῇ πόλει καὶ τοῖσ θεοῖσ ὀφείλοντοσ.

ἐγράψατο μὲν οὖν τὸν Κλώδιον εἷσ τῶν δημάρχων ἀσεβείασ, καὶ συνέστησαν ἐπ’ αὐτὸν οἱ δυνατώτατοι τῶν ἀπὸ τῆσ βουλῆσ, ἄλλασ τε δεινὰσ ἀσελγείασ καταμαρτυροῦντεσ καὶ μοιχείαν ἀδελφῆσ, ἣ Λευκούλλῳ συνῳκήκει.

πρὸσ δὲ τὰσ τούτων σπουδὰσ ὁ δῆμοσ ἀντιτάξασ ἑαυτὸν ἤμυνε τῷ Κλωδίῳ, καὶ μέγα πρὸσ τοὺσ δικαστὰσ ὄφελοσ ἦν ἐκπεπληγμένουσ καὶ δεδοικότασ τὸ πλῆθοσ. ὁ δὲ Καῖσαρ ἀπεπέμψατο μὲν εὐθὺσ τὴν Πομπηϊάν, μάρτυσ δὲ πρὸσ τὴν δίκην κληθείσ οὐδὲν ἔφη τῶν λεγομένων κατὰ τοῦ Κλωδίου γιγνώσκειν.

"πῶσ οὖν ἀπεπέμψω τὴν γυναῖκα; "τὴν ἐμὴν ἠξίουν μηδὲ ὑπονοηθῆναι. ταῦτα οἱ μὲν οὕτω φρονοῦντα τὸν Καίσαρα λέγουσιν εἰπεῖν, οἱ δὲ τῷ δήμῳ χαριζόμενον ὡρμημένῳ σῴζειν τὸν Κλώδιον. ἀποφεύγει δ’ οὖν τὸ ἔγκλημα τῶν πλείστων δικαστῶν συγκεχυμένοισ τοῖσ γράμμασι τὰσ γνώμασ ἀποδόντων, ὅπωσ μήτε παρακινδυνεύσωσιν ἐν τοῖσ πολλοῖσ καταψηφισάμενοι μήτε ἀπολύσαντεσ ἀδοξήσωσι παρὰ τοῖσ ἀρίστοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caesar, chapter 10

(플루타르코스, Caesar, chapter 10)

상위

목록

SEARCH

MENU NAVIGATION