헬라어 문장 검색 - Πλυταρ́Αρταχερ́13́

(플루타르코스, Artaxerxes, chapter 13)

ἐν δὲ τούτῳ προσήλαυνον οἱ τριάκοντα λαμπροὶ καί περιχαρεῖσ, ἀναγγέλλοντεσ αὐτῷ τὴν ἀνέλπιστον εὐτυχίαν. ἤδη δὲ καί πλήθει τῶν συντρεχόντων πάλιν πρὸσ αὐτὸν καί συνισταμένων ἐθάρρει, καί κατέβαινεν ἀπὸ τοῦ λόφου φωτὶ πολλῷ περιλαμπόμενοσ. ὡσ δὲ ἐπέστη τῷ νεκρῷ, καὶ κατὰ δή τινα νόμον Περσῶν ἡ δεξιὰ χεὶρ ἀπεκόπη καί ἡ κεφαλὴ τοῦ σώματοσ, ἐκέλευσε τὴν κεφαλὴν αὑτῷ κομισθῆναι καί τῆσ κόμησ δραξάμενοσ οὔσησ βαθείασ καί λασίασ ἐπεδείκνυε τοῖσ ἀμφιδοξοῦσιν ἔτι καί φεύγουσιν.

οἱ δὲ ἐθαύμαζον καί προσεκύνουν, ὥστε ταχὺ μυριάδασ ἑπτὰ περὶ αὐτὸν γενέσθαι καί συνεισελάσαι πάλιν εἰσ τὸ στρατόπεδον. ἐξεληλάκει δέ, ὡσ ὁ Κτησίασ φησίν, ἐπὶ τὴν μάχην τεσσαράκοντα μυριάσιν·

οἱ δὲ περὶ Δείνωνα καὶ Ξενοφῶντα πολὺ πλείονασ γενέσθαι λέγουσι τὰσ μεμαχημένασ. ἀριθμὸν δὲ νεκρῶν ὁ Κτησίασ ἐνακισχιλίουσ ἀνενεχθῆναί φησι πρὸσ τὸν Ἀρτοξέρξην, αὐτῷ δὲ δισμυρίων οὐκ ἐλάττουσ φανῆναι τοὺσ κειμένουσ, ταῦτα μὲν οὖν ἔχει διαμφισβήτησιν· ἐκεῖνο δὲ τοῦ Κτησίου λαμπρὸν ἤδη ψεῦσμα, τὸ πεμφθῆναι φάναι πρὸσ τοὺσ Ἕλληνασ αὐτὸν μετὰ Φαλίνου τοῦ Ζακυνθίου καί τινων ἄλλων. ὁ γὰρ Ξενοφῶν ἠπίστατο συνδιατρίβοντα βασιλεῖ Κτησίαν·

μέμνηται γὰρ ι αὐτοῦ καί τοῖσ βιβλίοισ τούτοισ ἐντετυχηκὼσ δῆλόσ ἐστιν οὐκ ἂν οὖν ἐλθόντα καί λόγων τοσούτων ἑρμηνέα γενόμενον παρῆκεν ἀνώνυμον, Φαλῖνον δὲ τὸν Ζακύνθιον ὠνόμαζεν. ἀλλὰ δαιμονίωσ ὁ Κτησίασ, ὡσ ἐοίκε, φιλότιμοσ ὢν καί οὐχ ἧττον φιλολάκων καί φιλοκλέαρχοσ ἀεί τινασ ἐν τῇ διηγήσει χώρασ ἑαυτῷ δίδωσιν, ἐν αἷσ γενόμενοσ πολλὰ καί καλὰ μεμνήσεται Κλεάρχου καί τῆσ Λακεδαίμονοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Artaxerxes, chapter 13

(플루타르코스, Artaxerxes, chapter 13)

상위

목록

SEARCH

MENU NAVIGATION