헬라어 문장 검색 - Πλυταρ́Αριστιδ́24́

(플루타르코스, Ἀριστείδης, chapter 24)

οἱ δ’ Ἕλληνεσ ἐτέλουν μέν τινα καὶ Λακεδαιμονίων ἡγουμένων ἀποφορὰν εἰσ τὸν πόλεμον, ταχθῆναι δὲ βουλόμενοι κατὰ πόλιν ἑκάστοισ τὸ μέτριον ᾐτήσαντο παρὰ τῶν Ἀθηναίων Ἀριστείδην, καὶ προσέταξαν αὐτῷ χώραν τε καὶ προσόδουσ ἐπισκεψάμενον ὁρίσαι τὸ κατ’ ἀξίαν ἑκάστῳ καὶ δύναμιν. ὁ δὲ τηλικαύτησ ἐξουσίασ κύριοσ γενόμενοσ καὶ τρόπον τινὰ τῆσ Ἑλλάδοσ ἐπ’ αὐτῷ μόνῳ τὰ πράγματα πάντα θεμένησ, πένησ μὲν ἐξῆλθεν, ἐπανῆλθε δὲ πενέστεροσ, οὐ μόνον καθαρῶσ καὶ δικαίωσ, ἀλλὰ καὶ προσφιλῶσ πᾶσι καὶ ἁρμοδίωσ τὴν ἐπιγραφὴν τῶν χρημάτων ποιησάμενοσ.

ὡσ γὰρ οἱ παλαιοὶ τὸν ἐπὶ Κρόνου βίον, οὕτωσ οἱ σύμμαχοι τῶν Ἀθηναίων τὸν ἐπ’ Ἀριστείδου φόρον εὐποτμίαν τινὰ τῆσ Ἑλλάδοσ ὀνομάζοντεσ ὕμνουν, καὶ μάλιστα μετ’ οὐ πολὺν χρόνον διπλασιασθέντοσ, εἶτ’ αὖθισ τριπλασιασθέντοσ. ὃν μὲν γὰρ Ἀριστείδησ ἔταξεν, ἦν εἰσ ἐξήκοντα καὶ τετρακοσίων ταλάντων λόγον·

τούτῳ δὲ Περικλῆσ μὲν ἐπέθηκεν ὀλίγου δεῖν τὸ τρίτον μέροσ· ἑξακόσια γὰρ τάλαντα Θουκυδίδησ φησὶν ἀρχομένου τοῦ πολέμου προσιέναι τοῖσ Ἀθηναίοισ ἀπὸ τῶν συμμάχων· Περικλέουσ δ’ ἀποθανόντοσ ἐπιτείνοντεσ οἱ δημαγωγοὶ κατὰ μικρὸν εἰσ χιλίων καὶ τριακοσίων ταλάντων κεφάλαιον ἀνήγαγον, οὐχ οὕτω τοῦ πολέμου διὰ μῆκοσ καὶ τύχασ δαπανηροῦ γενομένου καὶ πολυτελοῦσ, ὡσ τὸν δῆμον εἰσ διανομὰσ καὶ θεωρικὰ καὶ κατασκευὰσ ἀγαλμάτων καὶ ἱερῶν προαγαγόντεσ. μέγα δ’ οὖν ὄνομα τοῦ Ἀριστείδου καὶ θαυμαστὸν ἔχοντοσ ἐπὶ τῇ διατάξει τῶν φόρων ὁ Θεμιστοκλῆσ λέγεται καταγελᾶν, ὡσ οὐκ ἀνδρὸσ ὄντα τὸν ἔπαινον, ἀλλὰ θυλάκου χρυσοφύλακοσ·

ἀνομοίωσ ἀμυνόμενοσ τὴν Ἀριστείδου παρρησίαν· "ἀναγκαῖόν ἐστιν, ὦ Θεμιστόκλεισ, καλὸν δὲ καὶ στρατηγικὸν ἀληθῶσ ἡ περὶ τὰσ χεῖρασ ἐγκράτεια.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀριστείδης, chapter 24

(플루타르코스, Ἀριστείδης, chapter 24)

상위

목록

SEARCH

MENU NAVIGATION