헬라어 문장 검색 - Πλυταρ́Αριστιδ́03́

(플루타르코스, Ἀριστείδης, chapter 3)

οὐ μὴν ἀλλά, πολλὰ κινουμένου τοῦ Θεμιστοκλέουσ παραβόλωσ καὶ πρὸσ πᾶσαν αὐτῷ πολιτείαν ἐνισταμένου καὶ διακόπτοντοσ, ἠναγκάζετό που καὶ αὐτὸσ τὰ μὲν ἀμυνόμενοσ, τὰ δὲ κολούων τὴν ἐκείνου δύναμιν χάριτι τῶν πολλῶν αὐξομένην ὑπεναντιοῦσθαι οἷσ ἔπραττεν ὁ Θεμιστοκλῆσ, βέλτιον ἡγούμενοσ παρελθεῖν ἔνια τῶν συμφερόντων τὸν δῆμον ἢ τῷ κρατεῖν ἐκεῖνον ἐν πᾶσιν ἰσχυρὸν γενέσθαι. τέλοσ δέ ποτε τοῦ Θεμιστοκλέουσ πράττοντόσ τι τῶν δεόντων ἀντικρούσασ καὶ περιγενόμενοσ οὐ κατέσχεν, ἀλλ’ εἶπεν ἀπὸ τῆσ ἐκκλησίασ ἀπιών, ὡσ οὐκ ἔστι σωτηρία τοῖσ Ἀθηναίων πράγμασιν, εἰ μὴ καὶ Θεμιστοκλέα καὶ αὐτὸν εἰσ τὸ βάραθρον ἐμβάλοιεν.

πάλιν δὲ γράψασ τινὰ γνώμην εἰσ τὸν δῆμον, ἀντιλογίασ οὔσησ πρὸσ αὐτὴν καὶ φιλονεικίασ, ἐκράτει· μέλλοντοσ δὲ τοῦ προέδρου τὸν δῆμον ἐπερωτᾶν αἰσθόμενοσ ἐκ τῶν λόγων αὐτῶν τὸ ἀσύμφορον ἀπέστη τοῦ ψηφίσματοσ. πολλάκισ δὲ καὶ δι’ ἑτέρων εἰσέφερε τὰσ γνώμασ, ὡσ μὴ φιλονεικίᾳ τῇ πρὸσ αὐτὸν ὁ Θεμιστοκλῆσ ἐμπόδιοσ εἰή τῷ συμφέροντι.

θαυμαστὴ δέ τισ ἐφαίνετο αὐτοῦ παρὰ τὰσ ἐν τῇ πολιτείᾳ μεταβολὰσ ἡ εὐστάθεια, μήτε ταῖσ τιμαῖσ ἐπαιρομένου πρόσ τε τὰσ δυσημερίασ ἀθορύβωσ καὶ πρᾴωσ ἔχοντοσ, καὶ ὁμοίωσ ἡγουμένου χρῆναι τῇ πατρίδι παρέχειν ἑαυτὸν οὐ χρημάτων μόνον, ἀλλὰ καὶ δόξησ προῖκα καὶ ἀμισθὶ πολιτευόμενον. ὅθεν, ὡσ ἐοίκε, τῶν εἰσ Ἀμφιάραον ὑπ’ Αἰσχύλου πεποιημένων ἰαμβείων ἐν τῷ θεάτρῳ λεγομένων·

οὐ γὰρ δοκεῖν δίκαιοσ, ἀλλ’ εἶναι θέλει, βαθεῖαν ἄλοκα διὰ φρενὸσ καρπούμενοσ, ἀφ’ ἧσ τὰ κεδνὰ βλαστάνει βουλεύματα, πάντεσ ἀπέβλεψαν εἰσ Ἀριστείδην, ὡσ ἐκείνῳ μάλιστα τῆσ ἀρετῆσ ταύτησ προσηκούσησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀριστείδης, chapter 3

(플루타르코스, Ἀριστείδης, chapter 3)

상위

목록

SEARCH

MENU NAVIGATION