헬라어 문장 검색 - Πλυταρ́Αριστιδ́20́

(플루타르코스, Ἀριστείδης, chapter 20)

ἐκ τούτου τῶν Ἀθηναίων τὸ ἀριστεῖον οὐ παραδιδόντων τοῖσ Σπαρτιάταισ οὐδὲ τρόπαιον ἱστάναι συγχωρούντων ἐκείνοισ, παρ’ οὐδὲν ἂν ἦλθεν εὐθὺσ ἀπολέσθαι τὰ πράγματα τῶν Ἑλλήνων ἐν τοῖσ ὅπλοισ διαστάντων, εἰ μὴ πολλὰ παρηγορῶν καὶ διδάσκων τοὺσ συστρατήγουσ ὁ Ἀριστείδησ, μάλιστα δὲ Λεωκράτη καὶ Μυρωνίδην, ἔσχε καὶ συνέπεισε τὴν κρίσιν ἐφεῖναι τοῖσ Ἕλλησιν. ἐνταῦθα βουλευομένων τῶν Ἑλλήνων Θεογείτων μὲν ὁ Μεγαρεὺσ εἶπεν, ὡσ ἑτέρᾳ πόλει δοτέον εἰή τὸ ἀριστεῖον, εἰ μὴ βούλονται συνταράξαι πόλεμον ἐμφύλιον·

ἐπὶ τούτῳ δ’ ἀναστὰσ Κλεόκριτοσ ὁ Κορίνθιοσ δόξαν μὲν παρέσχεν ὡσ Κορινθίοισ αἰτήσων τὸ ἀριστεῖον· ἦν γὰρ ἐν ἀξιώματι μεγίστῳ μετὰ τὴν Σπάρτην καὶ τὰσ Ἀθήνασ ἡ Κόρινθοσ· εἶπε δὲ πᾶσιν ἀρέσαντα καὶ θαυμαστὸν λόγον ὑπὲρ Πλαταιέων, καὶ συνεβούλευσε τὴν φιλονεικίαν ἀνελεῖν ἐκείνοισ τὸ ἀριστεῖον ἀποδόντασ, οἷσ οὐδετέρουσ τιμωμένοισ ἄχθεσθαι. ῥηθέντων δὲ τούτων πρῶτοσ μὲν Ἀριστείδησ συνεχώρησεν ὑπὲρ τῶν Ἀθηναίων, ἔπειτα Παυσανίασ ὑπὲρ τῶν Λακεδαιμονίων.

οὕτω δὲ διαλλαγέντεσ ἐξεῖλον ὀγδοήκοντα τάλαντα τοῖσ Πλαταιεῦσιν, ἀφ’ ὧν τὸ τῆσ Ἀθηνᾶσ ἀνῳκοδόμησαν ἱερὸν καὶ τὸ ἕδοσ ἔστησαν καὶ γραφαῖσ τὸν νεὼν διεκόσμησαν, αἳ μέχρι νῦν ἀκμάζουσαι διαμένουσιν, ἔστησαν δὲ τρόπαιον ἰδίᾳ μὲν Λακεδαιμόνιοι, χωρὶσ δ’ Ἀθηναῖοι. περὶ δὲ θυσίασ ἐρομένοισ αὐτοῖσ ἀνεῖλεν ὁ Πύθιοσ Διὸσ ἐλευθερίου βωμὸν ἱδρύσασθαι, θῦσαι δὲ μὴ πρότερον ἢ τὸ κατὰ τὴν χώραν πῦρ ἀποσβέσαντασ ὡσ ὑπὸ τῶν βαρβάρων μεμιασμένον ἐναύσασθαι καθαρὸν ἐκ Δελφῶν ἀπὸ τῆσ κοινῆσ ἑστίασ.

οἱ μὲν οὖν ἄρχοντεσ τῶν Ἑλλήνων περιιόντεσ εὐθὺσ ἠνάγκαζον ἀποσβεννύναι τὰ πυρὰ πάντα τοὺσ χρωμένουσ, ἐκ δὲ Πλαταιέων Εὐχίδασ ὑποσχόμενοσ ὡσ ἐνδέχεται τάχιστα κομιεῖν τὸ παρὰ τοῦ θεοῦ πῦρ ἧκεν εἰσ Δελφούσ. ἁγνίσασ δὲ τὸ σῶμα καὶ περιρρανάμενοσ ἐστεφανώσατο δάφνῃ·

καὶ λαβὼν ἀπὸ τοῦ βωμοῦ τὸ πῦρ δρόμῳ πάλιν εἰσ τὰσ Πλαταιὰσ ἐχώρει καὶ πρὸ ἡλίου δυσμῶν ἐπανῆλθε, τῆσ αὐτῆσ ἡμέρασ χιλίουσ σταδίουσ κατανύσασ. ἀσπασάμενοσ δὲ τοὺσ πολίτασ καὶ τὸ πῦρ παραδοὺσ εὐθὺσ ἔπεσε καὶ μετὰ μικρὸν ἐξέπνευσεν. ἀγάμενοι δ’ αὐτὸν οἱ Πλαταιεῖσ ἔθαψαν ἐν τῷ ἱερῷ τῆσ Εὐκλείασ Ἀρτέμιδοσ, ἐπιγράψαντεσ τόδε τὸ τετράμετρον· Εὐχίδασ Πυθῶδε θρέξασ ἦλθε τᾷδ’ αὐθημερόν. τὴν δ’ Εὔκλειαν οἱ μὲν πολλοὶ καὶ καλοῦσι καὶ νομίζουσιν Ἄρτεμιν, ἔνιοι δέ φασιν Ἡρακλέουσ μὲν θυγατέρα καὶ Μυρτοῦσ γενέσθαι, τῆσ Μενοιτίου μὲν θυγατρόσ, Πατρόκλου δ’ ἀδελφῆσ, τελευτήσασαν δὲ παρθένον ἔχειν παρά τε Βοιωτοῖσ καὶ Λοκροῖσ τιμάσ.

βωμὸσ γὰρ αὐτῇ καὶ ἄγαλμα κατὰ πᾶσαν ἀγορὰν ἵδρυται, καὶ προθύουσιν αἵ τε γαμούμεναι καὶ οἱ γαμοῦντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀριστείδης, chapter 20

(플루타르코스, Ἀριστείδης, chapter 20)

상위

목록

SEARCH

MENU NAVIGATION